1 Kolìntyàns 7:34 - The New Testament in the Babanki language

³⁴ Ghə̀ ne ko ghə̀ be ə kiʼ əkwoʼtə ə mùʼ. Wùwì yi a ghə̀ ko lam kò wàyn ə wùwì a ghə̀ ko lam ə lɨ̀mtə̀ a nyʉ̀ ə Bobo diʼ nə̀ laynə a wen a wèn be diʼ nə̀ laynə a kəzhwì, ali wùwì lamə ghʉ̀ kətʉ to nyʉ̀ ə mbyi a və a nè la lɨm ə wen ə nsaŋlə.

1 Kolìntyàns 7:34 ပူးပေါင်းရင်းမြစ်များ

Joyn 10:13

Ghə̀ nə̀ nyɨ̀ŋ moʼtə ali byìʼàndo və loʼo wen loʼo, mu à kòŋ à fʉ̀ no tèbe ghoʼ fʉ̀ byisə a shisə.

Lumans 6:13

Kə ghə̀ŋ ne moʼtə kəshi kə wen ə ghə̀ŋ no to kə muʼ la ghə̀ ne mbyɨ. Kə ghə̀ŋ moʼtə kəshi kə wen kətsen ə ndiʼ kəfo kəshyèʼ a nyʉ̀ ə byɨvə. Ghə̀ŋ boŋsə ku mwetə təwen ə tyəŋtə a Nyìngòŋ to nə̀ viʼi vyi a və lùsə li vəwenə fa pfʉ, və sə tsi. Ghə̀ŋ ku mwetə təwen ə təŋtə a Nyìngòŋ ə ndiʼ əfo əshyèʼ ə nyʉ̀ tɨməvə.

1 Kolìntyàns 6:20

Nyìngòŋ sə diʼ mù ghə̀ zen li ghə̀ŋ ə lòʼ. Ghə̀ŋ lyɨ̀ li təwen ə təŋtə ə nè nyʉ̀ tsu a və ku əkuʼsə a Nyìngòŋ.

1 Kolìntyàns 7:33

Alì wù ə lamə ghʉ kətʉ̀ kəwen to nyʉ̀ ə mbyi, a və a ne la wi wen ə nsaŋlə.

1 Kolìntyàns 7:35

Ma gàʼà kənyʉ̀ na kènkə byìʼì ando ma kəŋ ə gyamtə ghə̀ŋ, a ko diʼ la ma kəŋ ə ku kəbyèʼè a ghə̀ŋ. Ma kəŋ ə nè la nyʉ̀ ə njèʼè to ji yi a və diʼ njèʼè fa tsù, ə be ə nè la ghə̀ŋ ku təwen ə təŋtə no tətsèm ə nshyèʼ to a Bobo.

2 Kolìntyàns 11:28

Jisə diʼ to kədə̀ŋ a mà yenə ngəʼ fa tsù ali diʼ tò kənyʉ̀ kə mùʼ a ma kwoʼ to məzhʉ̀ ə tsèm, a diʼ ji a viʼi vəbyɨməvə diʼ fa tsu to vətsèm.

2 Kolìntyàns 8:16

Ma ku Kəzòŋ kə Nyìngòŋ ando ghə̀ ne Taytùs sə kiʼi əkòŋ a ghə̀ŋ ando ma kiʼi.

Filìbàyns 1:20

Nò kənyʉ̀ kə ghoʼokə ki a kə diʼ a mo kwòʼtə nə̀ kikə a ma kəʼtə diʼ la kə mà lù ne kənyʉ̀ kə diʼsə kətʉ. No mənzhʉ̀ ntsèm ə zìtə̀ fa luwen ma kəŋ ə nè shyèʼ ə Yesò nə̀ ətyɨm ə toghə to ando mà tə ne, kòŋ la ntsìnə̀ ghom ə nvi to nə̀ əkuʼsə a wen, kò ma pfʉ pfʉ, kò ma faŋ ə ntsi.

1 Tèsàlonyà 5:23

Nyìngòŋ yi a ghə̀ kù mbwaʼmə a vəghəŋ na nè ghə̀ŋ ndiʼ nə̀ laynə ə no tèbe a ji ə kò, ə wʉ̀ ntsìnə̀ ə ghəŋə nə̀ kəzhwì ə kəŋkə̀ nə̀ əwen ghenə, ko wìʼ lu ghàm ghə̀ŋ a kənyʉ̀ no fa mphen a kətsi yi a Bobo vəghəŋ Yesò Klistò bwenə vi.

1 Timotì 3:5

Wìʼ lə sətsen ndiʼ ke kɨ tuʼmə nə̀ ngwaʼ ngə̀ŋ wen, ghə̀ a tuʼmə nə̀ ngə̀ŋ Nyìngòŋ a?

1 Timotì 5:5

Nkàyntə̀ wùwì mphʉ yi a ghə̀ ko kiʼ wìʼ la ghə̀ ə ntùʼmə̀ nə̀ wen ə diʼ mu ghə̀ ghʉ li kwoʼtə əwen tò a Nyìngòŋ ə sə jɨ̀mə̀ tò jɨ̀mə̀, loyn nə̀ ə gyàmtə̀ fa wen nətʉʼ nə̀ nə̀nchwì.

Taytùs 3:8

Əgàʼ aghenə diʼ nəmwèʼè. Mà kəŋə la wù ə nshɨ̀tə̀ dìʼsə̀ ənyʉ̀ venə a mà gàʼà lə̀ ndi viʼi vyi a və byɨmə li à Nyìngòŋ ə ntùʼmə̀ be ghʉ tətyɨm tə vəwenə ə nè tò ənyʉ̀ juŋəvə. Ənyʉ̀ avenə gyàmtə̀ viʼi.