1 Kolìntyàns 7:23 - The New Testament in the Babanki language

²³ Nyìngòŋ sə diʼ mù ghə̀ zen li ghə̀ŋ ə lòʼ. Kə ghə̀ŋ bè a kaʼkə ndiʼ əkòs a viʼi.

1 Kolìntyàns 7:23 ပူးပေါင်းရင်းမြစ်များ

Matìyò 6:24

“Wìʼ ə zi ko ghə̀ lə ə ndìʼ wù ə shyèʼ a viʼi və bò. Kə diʼ ali, a ghə̀ a bàynə̀ ghə̀ mùʼ kòŋ ghə̀ tsen; ali, ghə̀ nə̀ ngumlə̀ əmùʼ to fa əzhʉ. Wù zi ko wu lə shwèʼ a Nyìngòŋ bè shwèʼ a ə ko.

Shwèʼ 20:28

Ghə̀ŋ ntùʼmə̀ nə̀ təwen təŋtə bè tùʼmə̀ nə̀ viʼi vi a Kəzhwì kə ŋwòʼəkə ghʉ li à ghə̀ŋ a ti. Ghə̀ŋ ndiʼ ntùʼmə̀sə ntsèntə̀ viʼi vəbyɨməvə Nyìngòŋ a ghə̀ nè à sə diʼ ntsèntə̀ viʼi wen ə chò fa pfʉ Wàyn wen.

1 Kolìntyàns 6:20

Nyìngòŋ sə diʼ mù ghə̀ zen li ghə̀ŋ ə lòʼ. Ghə̀ŋ lyɨ̀ li təwen ə təŋtə ə nè nyʉ̀ tsu a və ku əkuʼsə a Nyìngòŋ.

Gàlesìyà 2:4

Kənyʉ̀ a kèn la və shətə ndyə̀ Taytùs ə fʉ mu à lùsə viʼi və byɨməvə kənlobtə vətsenvə tsu, a və vi nyoʼtə kwen a yès a ntìntìn ə sə mwòmsə ə yen la yes ə tsi ntsìnə̀ yi a yes ə tsi fa yes a ngəŋsə yo və Yesò Klistò a kənyʉ̀ kəmùʼ ale lo. Vəwenə ə kəŋ to ji ə bwensə nè yès ndiʼ əkòs a əsoʼ ə viʼi Jus.

Taytùs 2:14

Ghə̀ nku li ə̀wen ə wen ə̀ zèn ətʉ vəghəŋ fa mbyɨsə no sətsèm ə̀ bè nè la vəghəŋ layn ə̀ kwʉ̀ʼ ə ndiʼ viʼi wen a və kòŋə̀ ə nè tò ənyʉ̀ juŋəvə.

1 Bità 3:18

Kə bòŋ ə yenə ngəʼ a ji na ghèn byìʼì ando no Yesò fa wen a ngeŋ ə yen li ngəʼ ə pfʉ byìʼì mbyɨsə vəghəŋ ə mwetə shyèʼ wen to ghàyn ə mùʼ. Ghə̀ ndiʼ wù kənyʉ̀ kətɨməkə ali ə pfʉ ə bwoŋsə̀ viʼi nyʉ̀ ə byɨvə ə ne la vəghəŋ vi a Nyìngòŋ. Viʼi ə zhwi wen, ali a pfʉ to kətsoʼ kə əwenə wen, Nyìngòŋ ə ne kəzhwì kə wenkə faŋ ə sə tsi to tsì.

Kəmwetə 5:9

Vəwenə sə̀ zhɨmə ndzàŋ ə fi la, “Wàyn njɨ̀, wù ə kwʉʼ li ə̀ me əshi əbʉʼ ə ŋwàʼlə̀ ghenə ə bə̀ytə mɨ̀ŋ yi ə bòʼ byìʼe və nzhwi li wù, wù pfʉ ə̀ zèn kətʉ kə viʼi ə ngwàʼsə̀ tsèm nə̀ viʼi təgàʼ tə tsèm bènə̀ viʼi təloʼ tə tsèm a mbi. Wù ə̀ nzèn kətʉ kə vəwenə ne mənlyuŋ ə̀ bwènsə̀ ku à Nyìngòŋ.