1 Kolìntyàns 7:10 - The New Testament in the Babanki language

¹⁰ A viʼi vyi a və lam li, ma kù a əsoʼ, a ko diʼ əsoʼ ə ghomə, a diʼ əsoʼ ə Bobo la, wùwì ə ko diʼ ə fʉ̀ lɨmə wen.

1 Kolìntyàns 7:10 ပူးပေါင်းရင်းမြစ်များ

Matìyò 5:32

Ma be sə gàʼà à ghə̀ŋ luwen la no ndò a ghə̀ sə tsèn dzɨ̀m wì wen à bwen tò la wùwì a yì jèʼtə̀, wùwì ayì be dyʉ̀ làm kədyàŋ mu wùlɨm mbì yì ne li la wùwì ayì kwàʼ soʼ lam, bè nè la wìʼ a ghə̀ lamə wùwì ayì tsili nə̀ wì wìʼ.

Ŋwàʼlə̀ Mak 10:2

Və Falàsi vətsenvə vì əzhʉtə chʉ wen mù bèm à wen la, “Soʼo lè byɨmə la wìʼ dzɨ̀mə̀ wì wen a?”

Ŋwàʼlə̀ Luk 16:18

“No məndo a ghə̀ dzɨ̀mə̀ wì wen ə làm ghə̀ kədyàŋ, ghə̀ kwaʼali soʼ làm. No wulɨm ko a ghə̀ lamə wùwì a ghə̀ fʉ̀ lam, mu ghə̀ be kwaʼa soʼ lam.”

1 Kolìntyàns 7:11

Alì ghə̀ sətsen ə fʉ̀, ghə̀ faŋ to wen nyɨŋ, a bwen ali ghə̀ bwenə dyʉ̀ shətə nyʉ̀ wenə lɨmə wen. Kə wulɨm ə wen be a dzɨ̀m əwen.

1 Kolìntyàns 7:12

A viʼi vətsenvə, à sə diʼi gàʼa ghomə a ko diʼ gàʼ Bobo la, wù ə byɨmə sətsen ə nkiʼ wùwì, a ko diʼ wù ə byɨmə, wùwì ayi byɨmə ə ntsi wenə wen, kə ghə̀ a dzɨ̀m ə wen.

1 Kolìntyàns 7:15

Wìʼ yi a ghə̀ ko byɨmə sətsen ə kòŋ ə moʼtə lɨmə wen kò wi wen, ghə̀ moʼtə to moʼtə. Kə yi fʉ̀ alə̀, ko əsoʼ ə lam ə ghaʼ wu ə byɨmə wùwì, kò wulɨm a yi. Nyìngòŋ ə ndzàŋ vəghəŋ la vəghəŋ vi ə tsi nə̀ mbwaʼmə.

1 Kolìntyàns 7:25

Ma gàʼ kənyʉ̀ luwen kumə viʼi vyi a və ko tɨmə ə lamkə. Ma ko kiʼi əsoʼ mu ghə̀ lù fa Bobo, ma gàʼà to kənyʉ̀ kì a ma kwòʼtə to nə̀ wìʼ a Bobo kusə shinsə ə ne ghə̀ kʉʼʉ la və nchoʼsə̀ wen.

1 Kolìntyàns 7:40

A diʼ a mo kwòʼtə, mu wùwì ayi zizi ghə̀ a saŋlə chò azhʉ̀ a ghə̀ faŋə to ali. Ma kwòʼtə̀ la kəzhwì kə Nyìngòŋ kə tisə gàʼà ə ghomə.

1 Kolìntyàns 7:6

Ma gàʼà kənyʉ̀ a kèn to gàʼà a ghə̀ŋ, ma ko chòsə̀ a nə̀ əsoʼ.