1 Kolìntyàns 6:3 - The New Testament in the Babanki language

³ Kə lə diʼ la ghə̀ŋ ko kɨ la à lu soʼo vəghəŋ soʼ ətsɨŋsə Nyìngòŋ mu? Vəghəŋ sətsen ə ndiʼ lù soʼo ə ətsɨŋsə, vəghəŋ ne a ale ə nsoʼ nyʉ̀ ə mbyi a?

1 Kolìntyàns 6:3 ပူးပေါင်းရင်းမြစ်များ

Matìyò 25:41

“Fòyn ne gàʼ a lì mu gàʼ à viʼi nyʉ̀ byɨvə vi à wen a kwoŋ nànkwè la, ‘Ghə̀ŋ lukə fà mo a mbyɨ̀, ghə̀ŋ venə a Nyìngòŋ moʼò li kòyn à ghə̀ŋ lə̀. Ghə̀ŋ dyʉ̀ kwen a zhìʼ yì a ghə̀ ko lə lɨmə lì a və nshɨ̀tə̀ à Satan wenə̀ ntsɨ̀ŋsə wen.

Ŋwàʼlə̀ Luk 21:34

Ghə̀ŋ tuʼmə nə̀ tə wen təŋtə, bwen alì, ghə̀ŋ a lyɨ̀ kəzhɨ nə̀ məlyʉʼʉ̀ a ndiʼ shyèʼ ghə̀ŋə. Ko nyʉ̀ mbyi venə bʉʼ ashɨ ghə̀ŋə, kətsi kèn sə vì kò ghə̀ŋ lə kɨ.

Ŋwàʼlə̀ Luk 8:14

Sətsensə shì a sə nfəŋkə a kəzòyn diʼ tò nə̀ viʼi vyi a və zhʉ kənyʉ̀ akì, sə tsitə tò alə̀, ashɨ vəwenə boʼtə, vəwenə sə kəŋ ghoʼ, nyɨŋ fa bàmə fo nse, nyʉ̀ kaynə və taʼsə la kə vəwenə tɨmə a vəwenə tyì byɨmə.

Lumans 6:16

A ghə̀ŋ kɨli la ghə̀ŋ sətsen ku təwen ə təŋtə a əkòs a wìʼ, a ghə̀ŋ ne ndiʼ ə kòsə a wìʼ ayi zhʉ to fa wen? Ghə̀ŋ sətsen ku təwen ə təŋtə a əkòs a mbyɨ, a ghə̀ŋ ne zhʉ to fa mbyɨ, kəmwètə kikə diʼi əpfʉ̀. Mu ghə̀ŋ sətsen ku tə wen ə təŋtə a Nyìngòŋ a ghə̀ŋ ne ndiʼ əkòs ə wen, a kəmwètə kikə ne diʼ la ghə̀ a lyɨ ghə̀ŋ a viʼi kənyʉ̀ kətɨməkə.

1 Kolìntyàns 6:15

Kə lə̀ diʼ la ghə̀ŋ ko kɨ la əwèn ə ghəŋə ə diʼ ə sho əwèn ə Yesò mu? A wu gàʼ la mà zizi mà lyɨ̀ ə sho əwèn ə̀ Yesò ə ne la à ndiʼ sho əwèn ə njèʼtə̀ a? Kə zizi ko kə lu ndiʼ ali!

1 Kolìntyàns 6:16

A sətsen wìʼ tsen kəshi wenə njèʼtə̀, mu wenə wen diʼ ndiʼ to a kəfo kə mùʼ! Kə diʼ to ndə̀ŋndəŋ ando və nyoʼo a Ŋwàʼlə̀ Nyìngòŋ la, “Vəwenə və bò a ndiʼ to kəfo kə mùʼ.”

1 Kolìntyàns 6:19

Kə lə diʼ la ghə̀ŋ ko kɨ la ghə̀ŋ ə diʼ ngə̀ŋ Nyìngòŋ ə ku la Kəzhwì kə Ŋwoʼkə ntsi a ghə̀ŋ a ntìntìn mu. Ghə̀ŋ ko bè diʼ fa ghə̀ŋ a ngeŋ. A kiʼi Nyìngòŋ kiʼ ghə̀ŋ.

1 Kolìntyàns 6:4

Kə lə diʼ ale, ghə̀ŋ bè lyɨ dyʉ̀ la viʼi ə soʼo, a və ko kʉʼʉ no to kənyʉ̀ kətsen a ngə̀ŋ Nyìngòŋ byìʼì ghò?

2 Timotì 2:4

No te sugyèʼ ə ko ə mwòmsə ə ne əshwèʼ ə wen a nkàyn ndi ə nè la kətʉ kə shwèʼ wen ə nsaŋlə̀. Ghə̀ ko moʼ wenə wen a kənyʉ̀, a kə ko diʼ shwèʼè ə sugyèʼ.

2 Timotì 4:10

byìʼì ando Demàs kòŋ li əfo mbyi luwèn, ə nyɨŋ moʼtə mo ə dyʉ̀ a Tèsàlonikà. Klesèns mbe lu ə ndyʉ̀ a Gàlesìyà, Taytùs ə dyʉ̀ a Dalmatiyà.

2 Bità 2:4

Ghə̀ŋ kɨli la Nyìngòŋ ə nko ə faŋ ke ə ku ngəʼ no tèbe a ətsɨŋsə wèn shisə a sə nè li mbyɨ. Ghə̀ ə mòʼo li shiʼsə nə̀ vəwenə akəshi kəbyɨkə ə kwiʼ ghàŋtə vəwenə a kəbəŋ kə fenəkə, vəwenə sə tsi to tsu kəʼtə kətsi kə nsòʼ.

Ŋwàʼlə̀ Jud 1:6

Ghə̀ŋ kwoʼtə ətsɨŋsə Nyìngòŋ shisə a vəwenə moʼtə kəshi kì a Nyìngòŋ ə nku a vəwenə, ə chò kədyòʼ kì a vəwenə ə nkiʼ ali Nyìngòŋ ə nè, və kwiʼ vəwenə nə̀ məkwinkwinə to ghayn əmùʼ ə moʼ a kəbəŋ kəfenəkə vəwenə sə diʼ tsu kə̀ʼtə̀ to kətsi kə nsoʼ kə ghoʼo kə ə Nyìngòŋ.