1 Kolìntyàns 5:5 - The New Testament in the Babanki language

⁵ ghə̀ŋ diʼ ku wìʼ na ghèn a Satan, ghə̀ byɨbsə kətsoʼ kə əwèn ə wen, ndiʼ və lù bwoŋsə kəzhwì kə wen a kətsi yi a Bobo Yesò lu bwenə vì.

1 Kolìntyàns 5:5 ပူးပေါင်းရင်းမြစ်များ

Matìyò 4:10

Yesò gàʼ à wen la,“Bwènə̀ fa mò a bàm a Satan! Və nyòʼ li a ŋwàʼlə̀ Nyìngòŋ la,‘Wù diʼi ə gumlə tò Bobo Nyìngòŋ wù bè shyèʼ tò a wen.’”

Ŋwàʼlə̀ Luk 22:31

Yesò mù dzàŋ Simon, la “Simon, Simon, Satan bèmə̀li əlyɨ̀ ghə̀ŋ ə səŋtə ghə̀ŋ tò nə̀ kə̀bayn,

Shwèʼ 26:18

Wù ne bòʼtə ashɨ vəwenə be shìsə vəwenə fà ti mfɨnə̀ ə kwensə a tì bayn. Wù ne nè, vəwenə fʉ fà tì soʼ Satan ə̀ dyʉ̀ à Nyìngòŋ ndi və lyesə kù nyʉ̀ byɨvə vəwenə bè nè vəwenə nkiʼ kəshi a tì nòyn viʼi vi a Nyìngòŋ tsuʼli byìʼì byɨmə yi a vəwenə kiʼ à mò.’

1 Kolìntyàns 1:8

Ghə̀ a ne la ghə̀ŋ ə nkiʼi kədyòʼ ə zàʼa fa kəmwètə ndi kə wìʼ lù ghàm ghə̀ŋ a kətsi yi a Bobo vəghəŋ Yesò Klistò lu bwenə vì.

1 Kolìntyàns 11:32

Nyìngòŋ sətsèn ə̀ soʼo vəghəŋ, a andiʼ jì ziʼi vəghəŋ ndi kə və lu soʼ ə byɨsə vəghəŋ nə̀ viʼi mbyi amuʼ.

1 Kolìntyàns 5:13

A lu soʼo to Nyìngòŋ soʼo viʼi vyi a və ko diʼ a vəghəŋ a nòyn. Və nyoʼo li a Ŋwàʼlə̀ Nyìngòŋ la, “Ghə̀ŋ dzɨ̀m shisə wu byɨ yì fa ghə̀ŋ a ntìntìn.”

2 Kolìntyàns 10:6

Ghə̀ŋ ne diʼi a yès no zhʉ̀ko la ghə̀ŋ sə zhʉ, to fa Klistò, yès mu ku ngəʼ a viʼi a ghə̀ŋ a ntìntìn a və ko zhʉ fa Wen.

2 Kolìntyàns 12:7

Nyìngòŋ ə ko tə kòŋ la mà nsaŋlə̀ chòsə̀ kumə nyʉ̀ ə kaynə və vyi a ghə̀ diʼi a mò, və diʼ to kədə̀ŋ. A lə kənyʉ̀ ki a ghə̀ moʼtə əkwaʼa ghə̀ kwen a mo wèn ə sə ku ngəʼ a mò no nànto. Əkwaʼa na yi ə nvi to nə̀ wù ntɨm a Satan tɨmə la ghə̀ vi nku ngəʼ a mò, la kə mà nghaŋsə əwèn.

2 Kolìntyàns 13:10

Ma nyoʼo ŋwàʼlə̀ ghèn la ghə̀ vi a ghə̀ŋ a ambì mibu mà sə vi, ndi mà sə vi mu ghə̀ŋ kwitə li, ko ma be a diʼ kədyòʼ kòmkə a ghə̀ŋ. Ghə̀ŋ kɨli la kədyòʼ kì a Nyìngòŋ ə kù a mò diʼ la mà nkwisə ghə̀ŋ kwisə nə̀ kəwenkə, ghə̀ ko ku la mà byɨbsə ghə̀ŋ byɨbsə nə̀ kəwenkə.

Filìbàyns 1:6

Ma be ku alə̀ byìʼì ando ma kɨli nəmwèʼè la shyèʼ ə jùŋghə ghenə a Nyìngòŋ ə zìtə̀ a ghə̀ŋ a ntìntìn lə dyʉ̀ to nə̀ mbì ə zàʼa fa kətsi yi a Yesò Klistò lù bwenə vì.

1 Timotì 1:20

Hymenùs nə̀ Alèksandà ə diʼ viʼi vətsenvə a ntìntìn ə̀ viʼi a venə. Mà sə diʼ mu ma ku li vəwenə à Satan la ghə̀ ku ngəʼ à vəwenə ndi vəwenə ziʼi ətof ko ndiʼ la vəwenə bè a nziʼi nyʉ̀ ndzɨŋsə byìʼì Nyìngòŋ.

2 Timotì 1:18

Mà jɨ̀mə̀ la Nyìngòŋ lù diʼ ə kusə nshinsə a wen à Kətsi kə bàm. No wù ə kɨ ando ghə̀ ngyàmtə̀ mò a Efesùs.

2 Bità 3:12

Ando ghə̀ŋ ə nyʉ̀ʼ kəʼtə kətsi kì a Nyìngòŋ ə ghʉ li la Yesò lu vi, be mwomsə ə nè la kə zaŋsə vi. A lu ndiʼ a kətsi na yi, əkaŋ ə fwi, ə zhiʼi ə nyʉʼ no tèbe ghò yi a ghə̀ diʼi akàŋ.

1 Joyn 5:16

A sətsèn à yen tè ndò yèn lèmə̀ wen ghə̀ nè mbyɨ, a ko diʼ mbyɨ a ghə̀ gə̀sə̀ wen fa əbwòŋ. Ghə̀ jɨ̀mə̀ a Nyìngòŋ a ghə̀ a ku əbwòŋ à wen. Kènkə dyʉ̀ a viʼi vi a mbyɨsə vəwenə sə diʼ shìsə a sə ko gə̀sə̀ vəwenə fa bwòŋ lì. Mbyɨ dìʼ a ghə̀ gə̀sə̀ viʼi fa bwòŋ. Mà ko gàʼà la wìʼ jɨm byìʼì nki mbyɨ aghèn.