1 Kolìntyàns 5:13 - The New Testament in the Babanki language

¹³ A lu soʼo to Nyìngòŋ soʼo viʼi vyi a və ko diʼ a vəghəŋ a nòyn. Və nyoʼo li a Ŋwàʼlə̀ Nyìngòŋ la, “Ghə̀ŋ dzɨ̀m shisə wu byɨ yì fa ghə̀ŋ a ntìntìn.”

1 Kolìntyàns 5:13 ပူးပေါင်းရင်းမြစ်များ

Matìyò 18:17

Ghə̀ŋ sətsèn dyʉ̀ tsèntə̀ gàʼ à wen, ghə̀ be tyèn tò tyenə la ghə̀ ko a zhʉtə, wu lyɨ kənyʉ̀ akì dyʉ̀ nə̀ kəwenkə a ntsèntə̀ viʼi vəbyɨməvə. Ghə̀ sətsèn bè tyen tò tyenə la ghə̀ ko a zhʉtə kənyʉ̀ a ntsèntə̀ gàʼà, wu ghʉ̀ la ghə̀ sə diʼ à wù to nə̀ wù kətɨm ko wù tinə kənsè.”

Shwèʼ 17:31

Nyìngòŋ nlù gàʼ a lì byìʼàndo ghə̀ ndìʼ mu ghə̀ ghʉ li kətsi kì a ghə̀ lu soʼ viʼi vətsèm tsu a mbi ashə̀ a ji tɨmə. Ghə̀ lu nè wìʼ, yì a ghə̀ ntsuʼ li ə̀ ghʉ soʼ viʼi avenə à wen. Ghə̀ diʼì li kənyʉ̀ a kènkə ə̀ myètə̀ a ndayn a ji la ghə̀ tə nè wìʼ ayì bwènsə̀ lù fà pfʉ.”

Lumans 2:16

Kətsi kə lu vi ə Nyìngòŋ gàʼ Yesò Klistò soʼ nyʉ̀ ə lyomtəvə no ə tsèm a və diʼi a viʼi a təkwòʼtə̀ to ndə̀ŋndəŋ ando və nyòʼ li a ntɨm ə jùŋ yi a ma shə̀ʼtə̀.

1 Kolìntyàns 5:1

Ma zhʉ li to ando və gàʼà, kə diʼ to no nəmwèʼè la ghə̀ŋ vətsenvə ə tsi ətsìnə̀sə kəfwaʼlə. Ji yi a ghə̀ŋ tsi fa tsù ə fwàʼlə̀ chò ando viʼi vyi a və ko kɨ Nyìngòŋ ə tsi. Ma zhʉ li la wìʼ diʼ a ghə̀ŋ a ntìntìn, tsi nə̀ wi tìʼ wen.

1 Kolìntyàns 5:2

Ghə̀ŋ ə ghaŋsə wen byìʼì nki kənyʉ̀ alə byìʼì ghò? A ghə̀ŋ yi boŋsə diʼ ə weynə ə be ə dzɨ̀m ə shisə wìʼ a ghə̀ mwomə nki kənyʉ̀ a ghenə fa ghə̀ŋ ntìntìn

1 Kolìntyàns 5:5

ghə̀ŋ diʼ ku wìʼ na ghèn a Satan, ghə̀ byɨbsə kətsoʼ kə əwèn ə wen, ndiʼ və lù bwoŋsə kəzhwì kə wen a kətsi yi a Bobo Yesò lu bwenə vì.

1 Kolìntyàns 5:7

Kə le diʼi la ghə̀ŋ diʼ ə maʼa mbyɨ fa ghə̀ŋ a ntìntìn ə bwenə ə ndiʼ ando əghɨf kəbayn ə fìghə kènə fɨ̀shɨ̀ŋfə tsu, a bwen ali a mbyɨ a kwi dyʉ̀ a ghə̀ŋ a ntìntìn to nə̀ fɨ̀shɨ̀ŋfə. Ma kɨli la ghə̀ŋ sə diʼ to nə̀ əghɨf kəbayn kye nə̀ fɨ̀shɨ̀ŋfə byìʼì ando Yesò yi à diʼi wàyn njɨ̀ kə zhɨ kə məzaʼsə ə vəghəŋ sə diʼ mù və shyə li wen a kəku.

Hibùlù 13:4

Ghə̀ŋ ə̀ nshɨtə ghaʼa kənyʉ̀ ki a Nyìngòŋ ə gàʼa kumə làm. Kə wìʼ ə lu əwʉ̀sə lɨmə wen kò wùwì wen ə dyʉ̀ ntsì wenə wù kədyàŋ. Ghə̀ŋ kɨli la Nyìngòŋ ə lu soʼ no ndò yi a ghə̀ tsi a ji na ghèn ə soʼo no tèbe ndò ə tsen yi a ghə̀ tsi ntsìnə̀ kənfwàʼlə̀ wenə və ki ko lʉmə.

2 Bità 2:9

Kə le diʼi la Bobo ə kɨ ji yì a ghə̀ zizi ghə̀ bwoŋsə viʼi wen fa tsù fa ngəʼsə vəwenə, kɨ ji yì a ghə̀ zizi ghə̀ ghaʼ ghʉ̀ viʼi və byɨvə fa tsù ə zàʼa fa kətsi kə nsòʼ.