1 Kolìntyàns 4:9 - The New Testament in the Babanki language

⁹ Kə kə̀ʼə̀ a mò la Nyìngòŋ ə ghʉ̀ li la yès ə viʼi ntɨm ko diʼ no kəfo, diʼ ə pfʉkə ashɨ viʼi. Kə kə̀ʼə̀ la yès ə diʼ viʼi a və soʼ li ə sə diʼ ə zhwi to ashɨ ə mbyi ə tsèm boʼsə nə̀ ətsɨŋsə Nyìngòŋ sə.

1 Kolìntyàns 4:9 ပူးပေါင်းရင်းမြစ်များ

Shwèʼ 19:29

Zɨmə aghenə sàykə̀ dyʉ̀ a ti ntə̀ʼ no tsèm, nòyn ayì shen ə̀ dyʉ̀ ghàʼ viʼi jèʼ Bol vətsenvə, andiʼ viʼi Macedonia ə̀ kwen ə̀ dyʉ̀ nə̀ vəwenə a kəshi kə ntsèntə̀ ntə̀ʼ. Təzhiʼ tə viʼi a vyi ndìʼ Gayòs wenə̀ Alistakùs.

Shwèʼ 19:31

Viʼi vəghoʼkəvə vətsenvə a və ntisə̀ nyʉ̀ a shyə loʼ ayì, ndìʼ ndoŋsə Bol. Vəwenə tɨm ntɨm à wen ə̀ gàʼ la kə ghə̀ à dìʼ kəʼə wen a ntsèntə̀ ayì.

Lumans 8:36

Və nyòʼò li a Ŋwàʼlə̀ Nyìngòŋ la: “Yes ə ti to chʉ̀ pfʉ mətsi ə tsèm byìʼì wù. Və nyàblə̀ nə̀ yès to ando və nyàblə̀ nə̀ byisə njɨ̀ azhʉ̀ a və dyʉ̀ ə shələ.”

1 Kolìntyàns 15:19

Vəghəŋ sətsen ə ndiʼ mu və kù li təwen tə vəghəŋ a Yesò la ghə̀ gyamtə vəghəŋ, ghə̀ diʼ ə gyàmtə̀ kumə to ntsìnə̀ yì a vəghəŋ ntsì a mbyi luwèn, a kə ne bòŋ la ghə̀ kusə shinsə a vəghəŋ chò ando və kusə no tèbè ando ə tsen a mbyi ashen.

2 Kolìntyàns 11:23

Vəwenə ngàʼa la vəwenə diʼ viʼi və shyèʼè ə Yesò. Ma bòŋə shyèʼè a Yesò, chò tèbè vəwenə. Mà sə gàʼà dyʉ̀ to sə ma bomə bomə. Ma shyèʼè li nchò vəwenə. Və shwinə̀ li mò a nfɨŋ to aghayn aghayn chò ando və shwinə̀ vəwenə. Və ghòmə li mò to aghayn a kədə̀ŋ ə be shwe ə zhwi mo to aghayn aghayn.

2 Kolìntyàns 6:9

Və ki yès sə və ko kɨ, ali shɨtə kɨ yès. Viʼi yenə yès a viʼi və pfʉkəvə ali yès tsi dyʉ̀ to dyʉ̀. Və nyàblə̀ nə̀ yès, ali ko wìʼ zizi ghə̀ zhwi yès.

1 Tèsàlonyà 3:3

be nè la kə wìʼ fa ghə̀ŋ na faŋ ko ghə̀ be ə choʼsə Yesò byìʼì ngəʼ yì a viʼi ə ku a wen. Nò ghə̀ŋ ə kɨ la ngəʼ na sensə diʼ vi a vəghəŋ.

Hibùlù 1:14

Kə le diʼi la, ntsɨŋsə Nyìngòŋ sə ə diʼ to zhwi a və shyèʼ a Nyìngòŋ, Nyìngòŋ be tɨmə vəwenə la və gyamtə viʼi vi a Nyìngòŋ ə ndi ne bwòŋsə̀ vəwenə.

Hibùlù 10:33

A ndiʼ achʉʼ a yi, əzhʉ̀ ə tseghə nvi zàʼa, və sə telə ghə̀ŋ, ku ngəʼ a ghə̀ŋ to no ashi ə viʼi, əzhʉ̀ ə tseghə vì, a sə kòŋ to no ghə̀ŋ ə tsentə wenə viʼi vyi a və kù ngəʼ a vəwenə.

Hibùlù 11:36

Və nghaʼa vətsevə, ə we a nfɨŋ, ghòmə vətsevə, kwiʼi vətsevə nə̀ məkwinkwinə.