1 Kolìntyàns 4:5 - The New Testament in the Babanki language

⁵ Ali, kə ghə̀ŋ tyinə nsòʼ ko ndiʼ la zhʉ̀ yi kʉʼʉ li. Ghə̀ŋ kəʼtə, Bobo vi. Ghə̀ a vi ə diʼ làynsə nyʉ̀ ə lyomtəvə vyi a və nyoʼtə ne a kəbəŋ kə fenəkə, ə shə̀ʼtə nyʉ̀ vyi a viʼi əkwoʼtə lyomtə a və wenə a tətyɨm. Nyìngòŋ ə mu bwomsə no ndò to ji a ghə̀ əshyèʼè.

1 Kolìntyàns 4:5 ပူးပေါင်းရင်းမြစ်များ

Matìyò 10:26

“Kə ghə̀ŋ be lə fàyn viʼi byìʼì ando kəfo ko diʼ a və chitə a və ko lə ŋoʼsə, kò və lyòmtə lyomtə a və lə faŋ kè kɨ.

Matìyò 24:30

Fa yi a bàm, chwitə məvì Wàyn Wìʼ fʉ a kàŋ. Viʼi təloʼ tə mbi no tətsèm nlyuŋlyuŋ dì. A zhʉ aghèn vəwenə mu yèn Wàyn Wìʼ shiʼi vì a tì mboʼsə kiʼ kədyòʼ nə̀ baynə ghoʼoghə.

Matìyò 24:46

Nyʉ̀ nə̀ bòŋə̀ à wù shyèʼ ayì a zhʉ a tì shyèʼ wen sə bwènə̀ pfwo ə̀ yènə wen ghə̀ nè nyʉ̀ a vyi a ghə̀ yì gàʼ.

Matìyò 25:21

Tì shwèʼ wen ayì gàʼ à wen la, Wù ne li no a nkàyn. Wù dìʼ no wù shwè jùŋə be tùʼmə̀ no a nkàyn. Wù tuʼmə̀ li nə̀ kəfo kətyətəkə, luwen ma ghʉ wù ə wu ntùʼmə̀ nə̀ fo ghoʼvə kwen vì yowù nsaŋlə̀ a muʼu!

Matìyò 25:23

Tì shwèʼ wen ayì gàʼ à wen la, Wù ne li no a nkàyn. Wù dìʼ no wù shwèʼ jùŋə be tùʼmə̀ no a nkàyn. Wù tuʼmə̀ li no nkàyn nə̀ kəfo kətyətəkə. Luwen ma ghʉ wù, wu ntùʼmə̀ nə̀ fo ghoʼvə kwen vì yowù nsaŋlə̀ a muʼu.

Ŋwàʼlə̀ Luk 6:37

“Kə ghə̀ŋ a soʼ viʼi, ndi kə və lə̀ soʼ ghə̀ŋ. Kə ghə̀ŋ a byɨsə viʼi, ndi kə və lə̀ byɨsə ghə̀ŋ. Ghə̀ŋ lyèsə ku viʼi ndi və lə̀ lyèsə ku ghə̀ŋ.

Joyn 21:22

Yesò ə bwensə gàʼ la, “Mà lə ndiʼ ə moʼtə la ghə̀ nə̀ tsi to tsì zaʼa fa kətsi mà lù bwenə vi, ngəʼ ə wù sə diʼ ghò tsu a? Wù diʼ ə dzɨ̀mtə̀ mo.”

Joyn 21:23

A le kənyʉ̀ ki a kə nè, ndzɨ̀mtə̀sə bàm Yesò sə sə gàʼa dyʉ̀ to la, na ghèn ko lu pfʉ̀. Alì, Yesò ə ko ngàʼa la ghə̀ ko a pfʉ̀. Ghə̀ ngàʼa la, “Ma le diʼ ə moʼtə la ghə̀ tsi to tsì zaʼa fa kətsi mà lù bwenə vi, ngəʼ ə wù ə sədiʼ ghò tsu a?”

Joyn 5:44

Ghə̀ŋ kòŋ ə ntemə təpfem a ghə̀ŋ tə wen, ko ghə̀ŋ mwomsə ə kiʼi kùʼsə yi a ghə̀ vi fa Nyìngòŋ yì a ghə̀ diʼ to əmùʼ. Ghə̀ŋ lə zi ghə̀ŋ byɨmə ale?

Lumans 14:4

Wù diʼ no ndò ə nsoʼo wù ə shwèʼè ə wù ə kədyàŋ a? A diʼ to tì shyèʼ ə wen ə kɨ la ghə̀ ne a nkàyn mu ghə̀ ko ne a nkayn lo, ali mu ghə̀ zizi ko ghə̀ lu fəŋ byìʼì ando Bobo kiʼi kədyòʼ a tomsə ə wen.

Lumans 2:1

Wù zi ko wù lu soʼ wu ə tsen kò à diʼ te ndò, byìʼì ando wù ne to nyʉ̀ vyi a viʼi a venə ə nè. Wù soʼo viʼi, gàʼa no tèbe la gho, kə bwènsə̀ ghaʼa to wù.

Lumans 2:16

Kətsi kə lu vi ə Nyìngòŋ gàʼ Yesò Klistò soʼ nyʉ̀ ə lyomtəvə no ə tsèm a və diʼi a viʼi a təkwòʼtə̀ to ndə̀ŋndəŋ ando və nyòʼ li a ntɨm ə jùŋ yi a ma shə̀ʼtə̀.

Lumans 2:29

Nkàyntə̀ wu ə Jus ashɨ Nyìngòŋ ə diʼ byìʼì ntsìnə̀ wen. Ə shətə ndyə̀ a ji nəmwèʼè, diʼ a wu a tyɨm, a diʼ shwèʼè kəzhwì, a kodiʼ əsoʼ yì a və nyòʼ. Nkàyntə̀ wu ə Jus na ghèn diʼ, a bwomsə Nyìngòŋ bwomsə wen, a ko bwomsə viʼi.

Lumans 2:7

Nyìngòŋ ə lu ku əbwòŋ yì a ghə̀ ko lu mè a viʼi vyi a və ghaʼa tyɨm ati shwèʼè ə jùŋ ghə̀, kəŋ to la ghə̀ ku əghoʼ a vəwenə nə̀ zhiʼ ə jùŋ ghə̀. Viʼi a vyi lu kiʼi əbwòŋ a ghèn nə̀.

1 Kolìntyàns 1:7

Kə ne li la kə ghə̀ŋ ne wutə̀ no tèbe a kəku kə kò kì a kəzhwì kə Nyìngòŋ kə ku ando ghə̀ŋ kəʼtə la Bobo vəghəŋ Yesò Klistò bwenə vì.

1 Kolìntyàns 11:16

Sətsèn wìʼ nkəŋ ə ngwùmə̀ kənyʉ̀ na kèn a mà gàʼ lə̀, mu yès ko kiʼi ji tsen ə be lyɨ shə̀ʼtə̀ nyʉ̀ na venə fa tsù, ko andiʼ la no tèbe ngə̀ŋ Nyìngòŋ ə kiʼi.

1 Kolìntyàns 11:26

Kə le diʼi la ghə̀ŋ sətsen ə zhɨ̀ kəbayn kènkə, nyʉ ndoŋ ghèn no zhʉ̀ko, a kə a ndiʼ la ghə̀ŋ shə̀ʼtə̀ ntɨm əpfʉ ə Bobo ə zaʼa ando ghə̀ lù bwenə vì.

1 Kolìntyàns 15:23

Nò ndò lu lù fa pfʉ to a wen azhʉ. Yesò ə ndiʼ mbì ə lù, diʼ lu be vì ə lùsə viʼi vyi à diʼ viʼi wen.

1 Kolìntyàns 3:13

A lu ndiʼ a kətsi yi a Yesò lu bwenə vì və diʼi laynsə no tèbe shyèʼ no ndò a ndayn. Və mwomsə no tèbe shyèʼ ndò nə̀ zhiʼ, ghə̀ diʼi no tèbe nki əshyèʼ ə kò yi a wìʼ tə nshyèʼ.

1 Kolìntyàns 3:14

Nyìngòŋ ə lu ku əmoʼtə no a ndò yi a ghə̀ mwomsə shyèʼ ə wen nə̀ zhiʼi, ko ghə̀ lu fwi.

1 Kolìntyàns 3:8

Wìʼ yi a ghə̀ we nə̀ wìʼ yi a ghə̀ chi diʼ to ndə̀ŋndəŋ, no ando diʼ lù kiʼi əmòʼtə wen ando ghə̀ tə nshwèʼè.

2 Kolìntyàns 10:18

Kə diʼ alə̀ byìʼì ando wìʼ yi a ghə̀ diʼi la ghə̀ kwʉʼʉ li ko kwʉʼ no tebe a kəfo kətsen. A kwʉʼ to wìʼ yi a gàʼà Nyìngòŋ la ghə̀ kwʉʼʉ li.

2 Kolìntyàns 10:9

Nò tebe ali ma ko kòŋ tebè la ghə̀ŋ nkwoʼtə la ma nyoʼo və ŋwàʼlə̀ vwomə ne la ghə̀ŋ ə mfwàynə̀.

2 Kolìntyàns 4:2

Yès ə tensə li no nyʉ̀ ə kətʉ kədiʼkə nò tsèm vyi a və nyoʼtə nè. Yès ko lobtə wìʼ, ko yès kaʼsə kənyʉ̀ kə Nyìngòŋ. Yès ə boŋsə gaʼa to kənyʉ̀ kì a kə diʼ nəmwèʼè ashɨ Nyìngòŋ, ə diʼi nəmwèʼè a viʼi la yès diʼ tò nò viʼi və juŋəvə.

2 Kolìntyàns 5:10

Kə diʼ alə̀ byìʼì ando no vəghəŋ vətsèm lu tɨmə ashɨ ə Yesò ə ghə̀ soʼ vəghəŋ. Ghə̀ lu loʼ no ndò to nyʉ̀ yi a ghə̀ tə nè a nse, kò à tə ndiʼ nyʉ̀ ə byɨvə, kò à tə ndiʼ ə jùŋə və.

1 Tèsàlonyà 5:2

Yes ə gàʼa alə̀ byìʼì ando ghə̀ŋ ə kɨ fa ghə̀ŋ ngeŋsə la, kətsi kì a Bobo lu bwenə vi lu kwʉ̀ʼ, ko wìʼ ə kɨ, ghə̀ lu vi ndə̀ŋndəŋ ando tsòŋ nə̀ vi nətʉʼ.

Hibùlù 4:13

Nò tèbe ghò a Nyìngòŋ ə nshɨtə ə diʼ to a ndayn a wen. Kəfo kə tsenkə ko diʼ a kə ə lyomtə fa wen, vəghəŋ diʼ lù tɨmə a wen ashɨ ə taŋ əchʉ̀ ə vəghəŋ kumə no tèbe ghò a vəghəŋ tə ne.

Jems 4:11

Kə ghə̀ŋ a ngàʼà mbyɨ byìʼì vəlèmə̀ vəŋə a vəlèmə̀ vwomə. No ndò a ghə̀ gàʼà mbyɨ byìʼì lèmə̀ wen, ko a ghə̀ soʼo lèmə̀ wen, ə gàʼà mbyɨ byìʼì soʼ be soʼo soʼ ayi. A sətsèn wù soʼò soʼ mu wù ko nè kənyʉ̀ a soʼ ayi ə gàʼà, alì bòŋsə̀ diʼ wu soʼo.

Jems 5:7

Ghə̀ŋ ə nwensə̀ lì a vəlèmə̀ vwomə, ə zaʼa fa tʉʼ a Bobo lu vì. Ghə̀ŋ kwoʼtə ando wù shyèʼè sɨ̀m lu nkə̀ʼtə̀ la fo sɨm ə̀ wen ku ə̀ ndiʼ a mə̀ kəŋ. Ghə̀ lu wensə ə zaʼa fa zhʉ a mbì ghʉ̀ nə̀ kəmwètə̀ kə ghʉ̀ kə nə̀ vi əfo wen ə̀ kwi.

Jems 5:9

Kə ghə̀ŋ a nghàmə̀ vəlèmə̀ vəŋə a vəlèmə̀ vwomə ndi kə və lù soʼ ghə̀ŋ. Wù soʼò nsòʼ sə ti tò a chʉ ngə̀ŋ.

1 Bità 1:7

Təmwòmsə̀ na tentə ə vi a ghə̀ŋ ə ne la viʼi yen əkɨ la ghə̀ŋ kiʼi no nkàyntə̀ əbyɨmə. Və nə̀ mwomsə gul nə̀ zhiʼ ali a diʼ kəfo a kə ko kuʼmə zàʼa tebè a nə̀ əbyɨmə, mu kə zi kə byɨf. Kə le diʼi la, və diʼ mwomsə əbyɨmə ə ghəŋə byìʼì ando à diʼ kəfo a kə kuʼmə chò gul ndiʼ à lù ndiʼ a kətsi a Yesò Klistò bwenə vì, Nyìngòŋ ə bwomsə ghə̀ŋ ə be ku əghoʼ ə wen a ghə̀ŋ.

1 Bità 5:4

Ghə̀ŋ ə nè alə, ndi wìʼ yi a ghə̀ diʼi to nə̀ kətʉ kə a ətsɨŋsə byisə lù bwenə vi no a tʉʼ ə ko ə ku əsòʼ ə təfòyn nə̀ əmòʼtə a ghə̀ŋ, ghə̀ baynə, ko ghə̀ lu musɨ.

2 Bità 3:12

Ando ghə̀ŋ ə nyʉ̀ʼ kəʼtə kətsi kì a Nyìngòŋ ə ghʉ li la Yesò lu vi, be mwomsə ə nè la kə zaŋsə vi. A lu ndiʼ a kətsi na yi, əkaŋ ə fwi, ə zhiʼi ə nyʉʼ no tèbe ghò yi a ghə̀ diʼi akàŋ.

2 Bità 3:4

bèmə la, “A Bobo ə nghʉ li la ghə̀ lu bwenə vi? Ghə̀ lə ye? Vətiʼi və vəghəŋ sə diʼ mù və pfʉkə li ali ko andiʼ la kənyʉ̀ kə ə kwitə li no fa tʉʼ a və shɨtə mbi ghèn.”

Ŋwàʼlə̀ Jud 1:14

Enòk, a ghə̀ vi a bàm ə ngwaʼ viʼi ntʉfə ə zìtə̀ fa chʉʼ Adàm. Ghə̀ ngaʼa li byìʼì, viʼi venə la “Ghə̀ŋ yen a, Bobo lu vi wenə ətsɨŋsə wen sə laynəsə, sə diʼ to kədə̀ŋ,

Kəmwetə 1:7

Ghə̀ŋ yen a! ghə̀ yì a ghə̀ vì a tì mbòʼsə. No viʼi vətsèm lu yen ə wen ə boʼsə nə̀ viʼi vyi a və nsù wen nə̀ ghoŋə lì. No viʼi vətsèm a kwi nse lu dì byìʼì wen. A dìʼ ə jì a kə lu ndiʼ.

Kəmwetə 20:12

A zhʉ a yi ma mu yen viʼi a və mpfʉ̀kəli, viʼi a ndiʼ ngesə̀ viʼi nə̀ vi a nko diʼ ngesə̀ viʼi ando vəwenə nti a shɨ kəfwoyn. Və nboʼli vəŋwàʼlə̀, ə be jisə boʼ ŋwàʼlə̀ tsen a ndiʼ ŋwàʼlə̀ bwòŋ. Və nsoʼli viʼi a və npfʉ̀ kə li a nyʉ a vəwenə ə ne ando və nyoʼo a ti vəŋwàʼlə̀ a vi.