1 Kolìntyàns 4:2 - The New Testament in the Babanki language

² Nò kənyʉ̀ kə tokə a viʼi ə venə diʼ la vəwenə diʼ ndiʼi, la vəwenə ə shyèʼ to no nəmwèʼè.

1 Kolìntyàns 4:2 ပူးပေါင်းရင်းမြစ်များ

Matìyò 25:21

Tì shwèʼ wen ayì gàʼ à wen la, Wù ne li no a nkàyn. Wù dìʼ no wù shwè jùŋə be tùʼmə̀ no a nkàyn. Wù tuʼmə̀ li nə̀ kəfo kətyətəkə, luwen ma ghʉ wù ə wu ntùʼmə̀ nə̀ fo ghoʼvə kwen vì yowù nsaŋlə̀ a muʼu!

Matìyò 25:23

Tì shwèʼ wen ayì gàʼ à wen la, Wù ne li no a nkàyn. Wù dìʼ no wù shwèʼ jùŋə be tùʼmə̀ no a nkàyn. Wù tuʼmə̀ li no nkàyn nə̀ kəfo kətyətəkə. Luwen ma ghʉ wù, wu ntùʼmə̀ nə̀ fo ghoʼvə kwen vì yowù nsaŋlə̀ a muʼu.

Ŋwàʼlə̀ Luk 12:42

Bobo bwènsə̀ la, “Wù shyèʼ yi a ghə̀ zhʉmə ti shyèʼ wen diʼ wìʼ ko? A diʼ wìʼ yi a ti shyèʼ diʼi sə ndyʉ̀ a jèʼ, ghə̀ ghʉ wen a mbì, ə ku kədyòʼ a wen ndi ghə̀ ntùʼmə̀ nə̀ ngə̀ŋ wen be ku fozhɨvə a viʼi shyèʼ vətsen vyi a zhʉ a zhʉ kwʉʼə̀.

1 Kolìntyàns 4:1

Viʼi ə diʼ ə̀ nlyɨ̀ mo Bol wenə Abolòs to nə̀ viʼi ə shyèʼ ə Yesò vyi a və ku li nyʉ̀ ə lyomtəvə vyi a və kùmə̀ Nyìngòŋ a vəwenə kəvu.

1 Kolìntyàns 4:17

A le kənyʉ̀ kì a mà tɨm Timotì a ghə̀ŋ. Ghə̀ diʼ wàyn ə koŋə ə mò, ma choʼsə wen byìʼì ando ghə̀ dzɨ̀mtə̀ Bobo no akayn. Ghə̀ a ne la ghə̀ŋ kwoʼtə ntsìnə̀ yì a ma tsi to nə̀ wù ə Yesò. Ma ziʼi ntsìnə̀ a ghèn a ntsèntə̀sə viʼi və byɨməvə to ashi ə tsèm.

1 Kolìntyàns 4:3

A mò, à diʼ to no kənyʉ̀ kətyətəkə a zhʉ a soʼo ghə̀ŋ soʼo mò kò à soʼo viʼi vətsenvə. Nò tèbe nkàyntə̀ mò ə ko soʼo tebè wenə ghomə.

1 Kolìntyàns 7:25

Ma gàʼ kənyʉ̀ luwen kumə viʼi vyi a və ko tɨmə ə lamkə. Ma ko kiʼi əsoʼ mu ghə̀ lù fa Bobo, ma gàʼà to kənyʉ̀ kì a ma kwòʼtə to nə̀ wìʼ a Bobo kusə shinsə ə ne ghə̀ kʉʼʉ la və nchoʼsə̀ wen.

2 Kolìntyàns 2:17

Yès ko diʼ to nə̀ nghoʼo wìʼ a və lyɨ kənyʉ̀ kə Nyìngòŋ a fo wòŋ, baʼlə a əko. A tɨm Nyìngòŋ ntɨm yès la yès ə nè shwèʼ a ghenə, Yès sə shə̀ʼtə̀ to no nəmwèʼè a nə̀ viʼi shyèʼ ə Yesò, Nyìngòŋ ə lyè yès.

2 Kolìntyàns 4:2

Yès ə tensə li no nyʉ̀ ə kətʉ kədiʼkə nò tsèm vyi a və nyoʼtə nè. Yès ko lobtə wìʼ, ko yès kaʼsə kənyʉ̀ kə Nyìngòŋ. Yès ə boŋsə gaʼa to kənyʉ̀ kì a kə diʼ nəmwèʼè ashɨ Nyìngòŋ, ə diʼi nəmwèʼè a viʼi la yès diʼ tò nò viʼi və juŋəvə.

Kòlòsyàns 1:7

Ghə̀ŋ nziʼi ntɨmə jùŋə na ghèn fa Èbafàlàs. Yès əkòŋ wen no nànto yo wen tsentə shwèʼè a Yesò. Ghə̀ shwèʼè a Klistò nə̀ tyɨmə wenə no tsèm. Ghə̀ shwèʼè ə shwèʼ a yès tə ndiʼ nshwèʼè.

Kòlòsyàns 4:17

Ghə̀ŋ gàʼ a Akibùs la ghə̀ kɨ la ghə̀ diʼ ə mwetə shyèʼ ə Bobo yì a və kù a wen la ghə̀ ne.

Kòlòsyàns 4:7

Lèmə̀ əkòŋ vəghəŋ Tikikùs a əshəʼtə əsoʼgho ə tsèm a ghə̀ŋ kumə mò. Yès ə tsèntə shwèʼè a Bobo amuʼ, ghə̀ shwèʼè to no nə̀ ətyɨm ə wen ə tsèm.