1 Kolìntyàns 4:19 - The New Testament in the Babanki language

¹⁹ Alì mu Bobo sətsen ə tomsə kəvu, ma laʼtə to alə ə vì yèn ghə̀ŋ. Ma ko vi zhʉ to kənyʉ̀ kì a vəwenə ghaŋsə əwen gàʼà, ali be yen to no kədyòʼ kì a vəwenə ə gàʼa la vəwenə kiʼ.

1 Kolìntyàns 4:19 ပူးပေါင်းရင်းမြစ်များ

Shwèʼ 18:21

Andìʼ ando ghə̀ nlù, ghə̀ gàʼ à vəwenə la, “Mà lu be bwènə̀ vì, a zhʉ a Nyìngòŋ sətsèn kòŋ.” Ghə̀ gàʼ a lì mù lù ə̀ mòʼtə̀ Blisilyà wenə̀ Akwilà a Efesùs.

Shwèʼ 19:21

A bàmə nyʉ̀ avenə, Kəzhwì kə ŋwòʼəkə nè, Bol ghʉ la ghə̀ a chò fa shyə loʼ Macedonia bènə̀ fa Akayà ə dyʉ̀ zaʼa a Jelusalèm. Ghə̀ bè ghʉ̀ la ghə̀ a tsìtə tsu ə mu chò dyʉ̀ a Lum.

Shwèʼ 20:2

Ghə̀ jèʼ chò fa shyə ayì ziʼì dyʉ̀ nə̀ viʼi no vəghoʼo nè la byɨmə vəwenə nto mù chò dyʉ̀ zaʼa a Glis,

Lumans 15:32

Ghə̀ŋ ə jɨ̀mə̀ ndi mà na sə vi a ghə̀ŋ, ghə̀ŋ saŋlə azhʉ̀ a Nyìngòŋ ə we kəvu, a ma be zhʉ̀tə̀ vəghəŋ.

1 Kolìntyàns 11:34

Wìʼ sətsen ə ndiʼ, jɨŋ ə zafə wen, ghə̀ zhɨ̀ mibu vì, bwen alì və vi tsentə̀, ghə̀ a ne Nyìngòŋ soʼ byɨbsə wen. Ma lu tisə nyʉ̀ ə tsenəvə vyi a ghə̀ŋ tə nyòʼ li azhʉ̀ a mà vi ə yen ghə̀ŋ.

1 Kolìntyàns 14:5

Ma kòŋ la ghə̀ŋ ngàʼà təgaʼ tə kədyàŋ ali tuʼtə kòŋ la ghə̀ŋ ə mbòŋsə̀ shə̀ʼtə̀ nyʉ̀ mu və lù fa Nyìngòŋ, a no ndò a zhʉ̀. Wìʼ yi a ghə̀ shə̀ʼtə̀ nyʉ̀ mu və lù fa Nyìngòŋ ə chò wìʼ yi a ghə̀ gàʼà to təgaʼ tə kədyàŋ, a bwen la ghə̀ sə ngàʼà, wìʼ sədiʼ ə nshə̀ʼtə̀ làynsə kənyʉ̀ kì a ghə̀ gàʼà, ndi viʼi və byɨməvə vyi a və diʼi a ntsentə nkwi, no vətsèm.

1 Kolìntyàns 16:5

Mà lu chò ji fa Màsìdonìyà mibu vi ə ghàyntə ghə̀ŋ.

1 Kolìntyàns 16:7

Ma ko kòŋ ə vì ə yen ghə̀ŋ to sə ma chò cho. Ma kɨli la Bobo sətsen tomsə vəghəŋ a tsitə.

1 Kolìntyàns 2:6

Nò tèbe ando ma gàʼà nyʉ̀ a venə no tsèm lə̀, yès ə ziʼi nyʉ̀ nə̀ ətof a nə̀ viʼi vyi a və kwi li a vəwenə a byɨmə. Ətof a yi ə ko diʼ ətof ə mbi ghenə kò ətof ə viʼi vyi a və soʼo mbyi ghèn, a diʼ viʼi le dyʉ̀ nə̀ kədyòʼ kə vəwenə.

1 Kolìntyàns 4:18

Viʼi vətsenvə a ghə̀ŋ a ntìntìn sə ghaŋsə təwen, kwòʼtə̀ la ma ko be a vì ə yen ghə̀ŋ.

1 Kolìntyàns 4:6

Ma gàʼa nyʉ̀ a venə a vəlemə vwomə kumə wenə ghomə yo Abolòs to nə̀ nchwi ndi ghə̀ŋ ziʼi, ə nè to kənyʉ̀ kì a və nyoʼ a Ŋwàʼlə̀ Nyìngòŋ. Kə wìʼ fa ghə̀ŋ ne nghaŋsə əwen kumə wìʼ ə tsen, cho ghətsen.

2 Kolìntyàns 1:23

Mà tə faŋ ke be ə vi a Kolìn byìʼì ando ma ko tə ə kòŋ ə vi ə kəŋkə̀ ghə̀ŋ a kənyʉ̀. Nyìngòŋ ə kɨ la ma gàʼà to nəmwèʼè.

2 Kolìntyàns 10:9

Nò tebe ali ma ko kòŋ tebè la ghə̀ŋ nkwoʼtə la ma nyoʼo və ŋwàʼlə̀ vwomə ne la ghə̀ŋ ə mfwàynə̀.

Hibùlù 6:3

Nyìngòŋ sətsèn ə tomsə kəvu, vəghəŋ a fʉ̀ fa nyʉ̀ na ghèn ə kwi.

Jems 4:15

Ghə̀ŋ bòŋsə̀ diʼ ə ngàʼà la, “Bobo sətsèn kòŋ, yès à tsitə nè kənyʉ̀ kèn ko kì.”