1 Kolìntyàns 4:14 - The New Testament in the Babanki language

¹⁴ Ma ko nyoʼo tebè nyʉ̀ venə alə̀ ndi diʼsə kətʉ kəŋkə̀, ma boŋsə nyòʼtə̀ ə ziʼi ghə̀ŋ to nə̀ vunə əkòŋ ə mò.

1 Kolìntyàns 4:14 ပူးပေါင်းရင်းမြစ်များ

Shwèʼ 20:31

Ghə̀ŋ ntùʼmə̀ lì be kwòʼtə̀ ando mà tə nziʼì ghə̀ŋ nə̀nchwì bènə̀ nəntʉʼʉ a tì ngwʉ̀ʼsə sènsə sətaʼ nə̀ məshɨ à mò ashɨ la ghə̀ŋ tuʼù kɨ̀ Nyìngòŋ.

1 Kolìntyàns 15:34

Ghə̀ŋ bwensə vi a ghə̀ŋ a tətof, əghʉ̀sə mbyɨ shi a ghə̀ŋ ə ne. Ma gàʼà alə la ndi diʼsə kətʉ kəŋ kə byìʼì ando ghə̀ŋ vətsevə ko kɨ Nyìngòŋ.

1 Kolìntyàns 4:15

Ghə̀ŋ nkiʼi tebe viʼi a və tuʼu, tyɨftə ghə̀ŋ kumə Yesò, və taŋtə lè ali ghə̀ŋ kiʼ to Tìʼ ə mùʼ. Mà sə diʼ mù ma vi li to nə̀ tìʼ a ghə̀ŋ a kənyʉ̀ ə Yesò Klistò chò fa ntɨm ə jùŋ ə wen yì a ma nziʼi ghə̀ŋ tsu.

1 Kolìntyàns 4:17

A le kənyʉ̀ kì a mà tɨm Timotì a ghə̀ŋ. Ghə̀ diʼ wàyn ə koŋə ə mò, ma choʼsə wen byìʼì ando ghə̀ dzɨ̀mtə̀ Bobo no akayn. Ghə̀ a ne la ghə̀ŋ kwoʼtə ntsìnə̀ yì a ma tsi to nə̀ wù ə Yesò. Ma ziʼi ntsìnə̀ a ghèn a ntsèntə̀sə viʼi və byɨməvə to ashi ə tsèm.

1 Kolìntyàns 6:5

Kətʉ kəŋ kə ko dìʼì? Kə lə diʼ la no wu tofə ko diʼ a ghə̀ŋ a ntìntìn a ghə̀ zì ghə̀ tyinə nsòʼ sə a ntìntìn vəlemə mu?

1 Kolìntyàns 9:15

Ma sə diʼ ko andiʼ la ma nè kənyʉ̀ nə̀ kədyòʼ na kènkə, ko ma nyoʼtə tebè luwen la ghə̀ŋ ku kəfo kə tsenkə a mò. Kə bòŋ la mà boŋsə pfʉ pfʉ, azhʉ la wìʼ taʼsə la kə mà ə̀ saŋlə kumə ji yì a ma shə̀ʼtə̀ ntɨm ə jùŋ fa tsù.

2 Kolìntyàns 11:11

Ghə̀ŋ kwòʼtə la ma gàʼa alə̀ byìʼì ando mà ko kòŋ ghə̀ŋ mu? Nyìngòŋ ə kɨ la mà kòŋ ghə̀ŋ.

2 Kolìntyàns 12:19

Ghə̀ŋ kwòʼtə la yès nyoʼtə nyʉ̀ venə alə byìʼì ando yès ə kəŋ ntaŋ ə chʉ̀ yèsə laynə a ghə̀ŋ ashɨ mu? Jòʼ! yès ə gaʼa to nə̀ viʼi Yesò ashɨ Nyìngòŋ. Yès sə gaʼa nyʉ̀ a venə a ghə̀ŋ no ətsèm alə̀ to byìʼì ando yès ə kòŋ ghə̀ŋ, kəŋ la ghə̀ŋ nkwi a jisə yi a Nyìngòŋ ə kəŋ fa tsu a vəlemə.

2 Kolìntyàns 7:3

Ma ko gàʼà nyʉ̀ a venə alə ə gàʼ la ghə̀ŋ ne li byɨbsə kənyʉ̀. Mà sə diʼ mù ma gàʼà li la yès ə kòŋ ghə̀ŋ no nànto, diʼ faŋ nkòŋ ghə̀ŋ to kòŋ, kò à vì tèbe əpfʉ̀.

Kòlòsyàns 1:28

A le kənyʉ̀ ki a yes ə shə̀ʼtə̀ ntɨm kumə wen, ku kətyiftə be ziʼi viʼi və tsèm nə̀ ətof ə tsèm ə, ndiʼ yès ne vəwenə nə̀ diʼ wenə Klistò amuʼ ə vi ashɨ Nyìngòŋ to nə̀ viʼi a və ti a kayn.

1 Tèsàlonyà 2:11

Yes tə ə ghaʼa ghə̀ŋ to ando tiʼi wàyn nə̀ gaʼa a vunə wen,

1 Tèsàlonyà 5:14

Yes ə sensə tamə ghə̀ŋ a vəlemə la, ghə̀ŋ ku kətyiftə a viʼi vyi a və ko kòŋ tebè ə nə̀ shyèʼ, ə nè la viʼi və fwàynkəvə ə nkiʼ tətyɨm tə totə, ə gyàmtə̀ viʼi vyi a vəwenə ə kəŋ ə gyamtə. Ghə̀ŋ ə kiʼ əkwiʼ ətyɨm no tèbe a ndò.

2 Tèsàlonyà 3:14

Wìʼ ə sətsen ə tensə la ghə̀ ko nè tebè kənyʉ̀ ki a yès nyòʼ a ghə̀ŋ a ŋwàʼlə̀ ashə, ghə̀ŋ ghʉ̀ əshɨ a wenə wen. Ghə̀ŋ ghʉ̀ ali, kə ghə̀ŋ na be nè tèbè nyʉ̀ ghə̀ŋ vəwenə ndi kətʉ kə wen kəndiʼ.

Filimùyn 1:10

Ma sensə la wù diʼi tyɨm ə jùŋ ghə̀ a Onesimùs a ghə̀ sə diʼ a mò to nə̀ wàyn ə ghom. Ando mà diʼ a ngə̀ŋ nfɨŋ a shə lə ghə̀ tə vi ma gyàmtə̀ wen ghə̀ byɨmə Yesò.

1 Joyn 2:1

Mà nyòʼò nyʉ̀ venə à ghə̀ŋ a vunə vwomə ndi kə ghə̀ŋ a nè ənyʉ̀ byɨvə, alì à nè tè ndò nè mbyɨ, ghə̀ŋ ə nkɨ la vəghəŋ kìʼ wù kənyʉ̀ kətɨməkə à diʼ Yesò Klistò. Ghə̀ sensə Tìʼ à vəghəŋ ə kəshi.

3 Joyn 1:4

No kənyʉ̀ kətsenkə ko diʼ a kə zì kə ne mà be ə ntùʼù saŋlə̀ ə chò ando ma zhʉ li la vunə vwomə tsi a nəmwèʼè.