1 Kolìntyàns 4:12 - The New Testament in the Babanki language

¹² Yès ə shyèʼè li shyèʼè to ghə to no nə̀ avu a yèsə. A zhʉ a viʼi telə yès, yès sə boŋsə jɨ̀mə̀ la Nyìngòŋ ə mbwàʼsə vəwenə bwàʼsə, a zhʉ a və ku ngəʼ a yès, yès ə sə wensə to wensə.

1 Kolìntyàns 4:12 ပူးပေါင်းရင်းမြစ်များ

Matìyò 5:11

Mbwaʼmə dìʼ a ghə̀ŋ a viʼi telə ghə̀ŋ tsuʼ aghʉ ghəŋə be zhò tənkyì tə ndzɨ̀ŋsə tò tətsèm byìʼì ghə̀ŋ tò byiʼàndo ghə̀ŋ diʼi viʼi vwomə.

Matìyò 5:44

Alì mà gàʼà ghə̀ŋ luwen la ghə̀ŋ kòŋ viʼi kəbàyn ghə̀ŋ ə jɨ̀m à viʼi vyi a və tsuʼu aghʉ ghəŋə.

Ŋwàʼlə̀ Luk 23:34

Yesò laʼtə̀ ə gàʼ la “Tìʼ! maʼa lè nyʉ̀ vəwenə byiʼè vəwenə ko kɨ kənyʉ̀ a vəwenə nè.” Vəwenə laʼtə mù zìtə̀ sə̀ tem baʼ ndì yèn wìʼ a ghə̀ a ghə̀ a zhɨ ndisə Yesò.

Ŋwàʼlə̀ Luk 6:28

Ghə̀ŋ bwaʼsə viʼi a və telə ghə̀ŋ, jɨ̀mə a viʼi a və nyàblə̀ nə̀ ghə̀ŋ.

Joyn 15:20

Kə ghə̀ŋ lyesə kənyʉ̀ ki a mà tə ziʼi a ghə̀ŋ la, ‘wù ə shwèʼ ko tɨmə chò tìʼ shyèʼ wen.’ Vəwenə sətsen ə ndi mu vəwenə ə ntsuʼ li kəghʉ ə kòmkə, vəwenə be a ntsuʼ kənkə to ndə̀ŋndəŋ. Vəwenə sətsen ə ndiʼ mu vəwenə ə zhʉtə əziʼi ə ghomə, vəwenə be a zhʉtə əziʼi ghəŋə to alì.

Shwèʼ 18:3

wenə̀ vəwenə sə tsi be tsèntə nè təshyèʼ a muʼu byìʼàndo vəwenə mbe tasə fo tò nə̀ Bol nə̀ gwʉsə nyamsə, shɨ̀tə̀ təto tsu.

Shwèʼ 20:34

Nkàntə̀ ghə̀ŋ ə kɨ la no ghò yì a yo viʼi vwomə tə nkiʼ dìʼ mu à tə shwèʼ tò mò nə̀ avu à ghomə.

Shwèʼ 7:60

Ghə̀ shiʼi à wen a nchiʼsə alwi ə̀ dì a gɨ̀ to gàʼà la, “Bobo, lyesə nyʉ̀ byɨvə viʼi venə.” Ghə̀ gàʼ ali no a zhʉ̀ kò, ə̀ pfʉ.

Lumans 12:14

Ghə̀ŋ ə jɨ̀mə̀ la Nyìngòŋ ə boŋsə bwaʼsə viʼi vyi a və tsuʼ kəghʉ ə kəŋkə̀. Kə ghə̀ŋ a jɨ̀mə̀ la ghə̀ telə vəwenə.

Lumans 12:20

Və nyoʼo li a Ŋwàʼlə̀ Nyìngòŋ la, “Jɨŋ ə zafə viʼi kəbàyn ə wù, wù ku kəfo, vəwenə zhɨ̀, ətoŋ mu ə zɨmtə vəwenə, wù ku mu, vəwenə nyʉ. Wù sətsèn ə nè a ji na ghèn, vəwenə a diʼsə kətʉ ə kwitə ntsìnə̀sə vəwenə.”

Lumans 8:35

A zizi a ghəsə no ghò ə gə̀sə̀ vəghəŋ fa kòŋ ə Yesò a? A zizi a gə̀sə̀ ngəʼsə a ghə̀ byɨfə mu, nyʉ̀ ando və to mu, kəghʉ̀ kə vəghəŋ a və tsuʼ mu, jɨŋ a ghə̀ ku vəghəŋ mu, kəfem mu, pfʉ a ghə̀ shwetə vəghəŋ mu, no əpfʉ̀ yì a ghə̀ diʼ lù vi a vəghəŋ mu?

1 Kolìntyàns 9:6

Mu à diʼ to yo Bànabàs a yes diʼ ə nshyèʼ to shyèʼ mibu ə nzhɨ̀ lo?

2 Kolìntyàns 11:8

Ma tə shyèʼè a ghə̀ŋ, diʼ to sə ma tsoŋə tsoŋ fa ntsèntə̀sə viʼi vəbyɨmə sə tsensə byìʼì ando ma tə shyèʼ a ghə̀ŋ ali lòʼ ghomə boŋsə lù fa vəwenə.

Efisyàns 4:28

A tə ndiʼ mù wìʼ tə tsoŋ, kə ghə̀ bè tsoŋ. Ghə̀ boŋsə diʼ ə shwèʼ kəfo nə̀ avù wen, ə kiʼi kəfo ə gyamtə viʼi vətsenvə vi a və ko kiʼ.

1 Tèsàlonyà 2:9

Vəlemə, ghə̀ŋ kɨli ando yes ə nshyèʼ no nə̀ kədyoʼkə. Yes ə nshyèʼ nə̀nchwì shyèʼ nətʉʼ ndi kə ghə̀ŋ faŋ nlè kəfo a yes a kətʉ ando yes ə shə̀ʼtə̀ ntɨm ə jùŋ na ghèn a ghə̀ŋ a Nyìngòŋ ə ku la yes ə shə̀ʼtə̀.

2 Tèsàlonyà 3:8

Yès ə ko ə zhɨ̀ kəfo kə wìʼ faŋ kye lòʼ. Yès ə shyèʼè no nə̀ kədyoʼkə. Yès ə nshyèʼè nə̀nchwì shyèʼè nətʉʼ byìʼì ando yès ə ko ə kòŋ ə ku ngəʼ a ghə̀ŋ.

1 Timotì 4:10

Vəghəŋ ə soynə bè shwèʼè nə̀ kədyòʼ ə kiʼi ntsìnə̀ a ghenə byìʼì ando vəghəŋ ə ghʉ kwòʼtə à Nyìngòŋ yi a ghə̀ tsi. A dìʼ wen a ghə̀ mbwòŋsə̀ viʼi və tsèm, bè bwòŋsə viʼi vyi a və byɨmə a wen.

1 Bità 2:23

A ndiʼ no tèbe ando və ntelə wen, ghə̀ nko bwensə. A ndiʼ ando və kù ngəʼ a wen, ghə̀ nko ə kàyntə̀ kənyʉ̀. Ghə̀ mbòŋsə ku wen ə wen a Nyìngòŋ yi a ghə̀ soʼo a ji ə tɨmə.

1 Bità 3:14

Alì ghə̀ŋ sətsen ə yenə ngəʼ byìʼì ando ghə̀ŋ ne nyʉ̀ ə jùŋə və, Nyìngòŋ a bwàʼsə ghə̀ŋ. Və nyoʼo li a Ŋwàʼlə̀ Nyìngòŋ la, “kə ghə̀ŋ ne fwàynə̀ viʼi vyi a və tsuʼ kəghʉ ə kəŋkə̀, kə kəlem əkəŋkə ne tinkə̀”

1 Bità 3:9

Wìʼ ə ne mbyɨ a wù, kə wù a bwensə nə̀ mbyɨ, ə telə wù, kə wù a bwensə telə wen. Wù diʼ ə boŋsə jɨ̀mə̀ la Nyìngòŋ ə bwàʼsə nkì ə wìʼ na ghèn byìʼì ando à diʼ ə mbwaʼsə na ghə̀ŋ a Ghə̀ tsuʼ ghə̀ŋ la ghə̀ŋ ne, diʼi ne bwaʼsə ghə̀ŋ kumə kənyʉ̀ na kèn.

1 Bità 4:19

Kə le diʼi la viʼi vyi a və yenə ngəʼ, a kòŋ ə Nyìngòŋ diʼ faŋ ə nè to jùŋ, ə be ku təwen tə vəwenə a Nyìngòŋ byìʼì ando à shɨtə Nyìngòŋ shɨtə vəwenə. Ghə̀ nè no tèbe ghoʼ yi a ghə̀ ghʉ̀.

Ŋwàʼlə̀ Jud 1:9

Nò tèbe Mayikel a ghə̀ diʼi kətʉ kə ətsɨŋsə Nyìngòŋ ə ko ə mwomsə ə telə Deblə̀ ando wenə wen ə kiʼi kəngùmə̀ kumə kəmpfʉ kə Mosìs. Ghə̀ bòŋsə̀ gaʼa a wen la, “Bobo ə kəŋkə̀ wù.”