1 Kolìntyàns 3:8 - The New Testament in the Babanki language

⁸ Wìʼ yi a ghə̀ we nə̀ wìʼ yi a ghə̀ chi diʼ to ndə̀ŋndəŋ, no ando diʼ lù kiʼi əmòʼtə wen ando ghə̀ tə nshwèʼè.

1 Kolìntyàns 3:8 ပူးပေါင်းရင်းမြစ်များ

Matìyò 16:27

Mà gàʼ alə̀ byìʼàndo Wàyn Wìʼ sə̀ laʼtə bwènə̀ vì a tì baynə ghoʼ ghə̀ tìʼ wen wenə ntsɨ̀ŋsə wen ndi ku no moʼtə ndo ando ghə̀ tə nshwèʼè.

Ŋwàʼlə̀ Luk 19:19

Ghə̀ bwènsə̀ gàʼ à wen la, ‘Wu a soʼo ntə̀ʼsə tàyn.’

Lumans 2:6

Ghə̀ lu ku əmoʼtə əshwèʼè no ndò a wen.

1 Kolìntyàns 15:58

Ma sə gàʼà a ghə̀ŋ a vəlemə vwomə və juŋəvə la, ghə̀ŋ shɨtə ghaʼ əbyɨmə ə ghəŋə, kə ghə̀ a nə̀ʼkə̀. Ghə̀ŋ ə nghablə, shyèʼ a Bobo to məzhʉ̀ ə tsèm byìʼì ando ghə̀ŋ kɨli la shwèʼè ghəŋə a wen zizi ko ghə̀ lu ə lè to kədyàŋ.

1 Kolìntyàns 3:14

Nyìngòŋ ə lu ku əmoʼtə no a ndò yi a ghə̀ mwomsə shyèʼ ə wen nə̀ zhiʼi, ko ghə̀ lu fwi.

1 Kolìntyàns 3:7

Kə lə diʼ la wìʼ yì a ghə̀ wè nə̀ wìʼ yi a ghə̀ chì ə ko kwʉ̀ʼ tebe a kəfo kətsen, à kwʉ̀ʼ to Nyìngòŋ a ghə̀ nè ghə̀ŋ kwi.

1 Kolìntyàns 3:9

Yès no və tsèm ə tsèntə shyèʼ to a Nyìngòŋ. Ghə̀ŋ diʼ əsɨm Nyìngòŋ be diʼ ngə̀ŋ wen.

1 Kolìntyàns 4:15

Ghə̀ŋ nkiʼi tebe viʼi a və tuʼu, tyɨftə ghə̀ŋ kumə Yesò, və taŋtə lè ali ghə̀ŋ kiʼ to Tìʼ ə mùʼ. Mà sə diʼ mù ma vi li to nə̀ tìʼ a ghə̀ŋ a kənyʉ̀ ə Yesò Klistò chò fa ntɨm ə jùŋ ə wen yì a ma nziʼi ghə̀ŋ tsu.

1 Kolìntyàns 9:7

A diʼ sugyèʼ ə kò a ghə̀ shyèʼ be bwènsə̀ loʼ wen ə wen a? A zizi a nshyèʼ ndò shyèʼ əsɨm, ko diʼ ə lo ashɨ fo vyi a və fʉ̀ fa sɨm na ghèn a? A diʼi ntsɨ̀ŋ nyamsə ə kò a ghə̀ ko kamə ə zhwin ə nyàm ə nyʉ a?

Gàlesìyà 6:4

Nò ndò shɨtə lye nyʉ̀ a ghə̀ ne. Sətsen nyʉ̀ vyi mbù, ghə̀ a kumə kədyʉ̀ʼ kə wen, ko diʼ ghə̀ shəʼmə wenə wìʼ tsen,

Gàlesìyà 6:5

byìʼì ando no ndò diʼ ne ghə̀ wenə əshyèʼ a Nyìngòŋ kəŋ la ghə̀ nè.

Hibùlù 6:10

Nyìngòŋ ə nə̀ nè no tèbe ghò to ji tɨmə. Ghə̀ zizi ko ghə̀ lu lyesə kòŋ yì a ghə̀ diʼi a viʼi wen nə̀ shwèʼ yì a ghə̀ŋ nè ə gyamtə vəwenə. A diʼ no tèbe luwen, ghə̀ŋ bo shwèʼè to ali.

1 Bità 5:4

Ghə̀ŋ ə nè alə, ndi wìʼ yi a ghə̀ diʼi to nə̀ kətʉ kə a ətsɨŋsə byisə lù bwenə vi no a tʉʼ ə ko ə ku əsòʼ ə təfòyn nə̀ əmòʼtə a ghə̀ŋ, ghə̀ baynə, ko ghə̀ lu musɨ.

2 Joyn 1:8

Ghə̀ŋ tuʼmə la kə ghə̀ŋ nè lè kəfo kì a ghə̀ŋ shwèʼè, kəŋə kiʼi. Ghə̀ŋ ə bòŋsə̀ kəŋə jì əkiʼi ə zhùʼtə̀ ayi no tsèm.

Kəmwetə 2:23

Mà ne zhwilə viʼi vì a və dzɨ̀mtə̀ ntsìnə̀ wen ə ntsèntə̀sə viʼi və byɨməvə no sətsèm ə kɨ la mà dìʼ wìʼ yì a ghə̀ kɨ təkwòʼtə̀ tə viʼi bènə̀ ənyʉ̀ a vəwenə kòŋə̀ ənè. Mà ne lòʼ no ndò fà ghə̀ŋ ə ntìntìn to a jì a ghə̀ tə nshyèʼè fa tʉ.

Kəmwetə 22:12

Yesò gàʼ la, “Ghə̀ŋ zhʉtə, ma vi to luwen nə̀ əmoʼtə a ghə̀ŋ, diʼ ə ku no tèbè a ndò to ndə̀ŋndəŋ ndo ghə̀ tə nə̀ shyèʼ.