1 Kolìntyàns 3:5 - The New Testament in the Babanki language

⁵ Nò tèbe ali, Abolòs diʼ ndò, Bol diʼ ndò? A vəwenə ə diʼ to viʼi ə shyèʼ a Nyìngòŋ ə ku a ghə̀ŋ la vəwenə shə̀ʼtə̀ ntɨm ə jùŋ ghə̀ŋ zhʉ, ə byɨmə. Nò tèbe ndò ə ne to shwèʼ yì a Bobo ku la ghə̀ ə nè.

1 Kolìntyàns 3:5 ပူးပေါင်းရင်းမြစ်များ

Matìyò 25:15

Ghə̀ nku mbo ko ətàyn à wìʼ muʼ, kù mbo bò à kənkùmtə̀ bè kù kəmbò kə ko kə mùʼ à wutsen, Ghə̀ nkù a no mə ndò tò a ji a ghə̀ nyenə la ghə̀ zì ghə̀ tuʼmə nə̀ wen ghə̀. Ghə̀ ku a lì mù lù dyʉ̀ a jèʼ.

Ŋwàʼlə̀ Luk 1:2

Vəwenə nyòʼo nyʉ̀ mu vəghəŋ Zhʉ li fà viʼi vyi a və n-yèn nyʉ̀ avyi no fa kənzìtə, ando və nlyɨ̀ kəshi.

Joyn 3:27

Joyn gàʼ a vəwenə la, “Wìʼ zi ghə̀ ne to kənyʉ̀ kì a Nyìngòŋ ə ku kədyòʼ la ghə̀ ə nè.

Shwèʼ 18:24

Wu Jus tsen lù vì a Efesùs mu ghə̀ kwì a Alèksandìliyà, zhiʼ wen diʼ Abolòs. Ghə̀ nkɨ əgàʼ a ji a no ndò nkòŋ əzhʉtə. Ghə̀ nkɨ nyʉ̀ fa tì Ŋwàʼlə̀ Nyìngòŋ no ghoʼo.

Shwèʼ 19:1

Andìʼ ando Abolòs ndìʼ a ntə̀ʼ Kolìn a shyə Akayà, Bol chò fa tì loʼ ayì ə̀ dyʉ̀ zaʼa a Efesùs ə̀ yèn viʼi vəbyɨməvə vətsenvə tsu,

Lumans 15:16

Ghə̀ nè la mà ə̀ diʼ wù ə shwèʼè ə Yesò Klistò, shyèʼ a viʼi ətɨm. Ma shyèʼ to nə̀ pfem ə ngə̀ŋ Nyìngòŋ, shə̀ʼtə̀ ntɨm ə jùŋ Nyìngòŋ a viʼi ətɨm kə diʼ alə̀ to nə̀ kəku a Nyìngòŋ, kəzhwì kə Ŋwoʼkə shʉ̀ laynsə vəwenə, nè la Nyìngòŋ be shi kəku a kì nə̀ saŋlə ghə̀.

1 Kolìntyàns 12:28

A diʼ a ngə̀ŋ Nyìngòŋ mu Nyìngòŋ ə gə̀sə̀ li viʼi ə ghʉ̀ a tə chʉ̀ tə shwèʼ to tənkì a tənkì. Ghə̀ ghʉ̀ li viʼi ambì, a diʼ viʼi ntɨm, ə kùmtə nə̀ nshə̀ʼtə̀sə. Fa yi abàm ghə̀ ghʉ̀ ndìʼsə̀sə ə be ghʉ̀ viʼi vyi a və ne nyʉ̀ ə kaynəvə ə ghʉ̀ vətsevə la və nə̀ chʉʼʉ viʼi nə̀ viʼi a və gyàmtə̀ viʼi vətsenvə. Ghə̀ ghʉ̀ li viʼi la və ə̀ tisə viʼi ə ghʉ̀ vətsevə la və nkɨ təgaʼ tə tsentə, ko andiʼ la à ziʼi wìʼ ə ziʼi vəwenə tsu.

1 Kolìntyàns 16:12

A lèmə̀ vəghəŋ Abolòs, ma sensə li wen no nànto to aghayn aghayn la, wenə vəlemə vətsenvə vi ghàyntə ghə̀ŋ ali ko ghə̀ lu kòŋ ə vì luwen. Əzhʉ na kwʉ̀ʼ ghə̀ vi.

1 Kolìntyàns 3:10

Ma tə lyɨ̀ kəku kì a Nyìngòŋ ə tə kù a mò byìʼì kusə nshinsə wen ə we kəchɨ kə ngə̀ŋ a nə̀ wìʼ a ghə̀ shɨtə kɨ kəmbwom, wìʼ ə tsen ə sə ə bwòm ayi kwì. No ndò ə ntùʼmə̀ a ji yi a ghə̀ bwomə fa tsù.

1 Kolìntyàns 3:22

Kə le diʼ la, kò à diʼ Bol, kò à diʼ Abolòs kò à diʼ no tèbe Sefàs kò à diʼ mbyi ghèn, kò à diʼ ə ntsi, kò à diʼ əpfʉ̀, kò à diʼ əzhʉ̀ ghèn luwen, kò zhʉ̀ yi a ghə̀ lu vì, əfo a venə no ə tsèm tsèntə kiʼi to ghə̀ŋ.

1 Kolìntyàns 3:7

Kə lə diʼ la wìʼ yì a ghə̀ wè nə̀ wìʼ yi a ghə̀ chì ə ko kwʉ̀ʼ tebe a kəfo kətsen, à kwʉ̀ʼ to Nyìngòŋ a ghə̀ nè ghə̀ŋ kwi.

1 Kolìntyàns 9:17

Mà tə ndiʼ la ma ne shwèʼ a ghenə fa mò a kòŋ, a və ne diʼ ə lòʼò mò. Alì ma sə ne to byìʼì ando à diʼ kənyʉ̀, a ma diʼ ə ne, mu à gàʼ Nyìngòŋ la ma ə ne.

2 Kolìntyàns 11:23

Vəwenə ngàʼa la vəwenə diʼ viʼi və shyèʼè ə Yesò. Ma bòŋə shyèʼè a Yesò, chò tèbè vəwenə. Mà sə gàʼà dyʉ̀ to sə ma bomə bomə. Ma shyèʼè li nchò vəwenə. Və shwinə̀ li mò a nfɨŋ to aghayn aghayn chò ando və shwinə̀ vəwenə. Və ghòmə li mò to aghayn a kədə̀ŋ ə be shwe ə zhwi mo to aghayn aghayn.

2 Kolìntyàns 3:3

Ghə̀ŋ diʼ ŋwàʼlə̀ a Yesò nyoʼo to fa wen a ngəŋ, ghə̀ nchò fa yès a kəvu. Ghə̀ ko nyoʼ ŋwàʼlə̀ na ghèn nə̀ ntu ə ŋwàʼlə̀, ghə̀ boŋsə nyoʼ nə̀ Kəzhwì kə Nyìngòŋ yi a ghə̀ tsi. Ghə̀ ko nyoʼo a kwi ngùʼ, ghə̀ nyoʼo a tətyɨm ə viʼi.

2 Kolìntyàns 3:6

A nè wen la yès kwʉ̀ʼʉ̀ ə nshə̀ʼtə̀ kənyʉ̀ kumə məkàyn mə mfimə̀ mì a ghə̀ zhɨ wenə viʼi. Məkàyn na mèyn ko diʼ a soʼ yì a və nyoʼo, à diʼ məkàyn mə Kəzhwì kɨ Ŋwoʼkə. Əsoʼ mughə yì a və nyoʼo ə nè viʼi pfʉ, kəzhwì kə Ŋwoʼkə nè la və ndiʼ.

2 Kolìntyàns 4:1

Ando Nyìngòŋ ə kusə li shinsə a yès nku shyèʼ ghənə la yès ə nè, yès zizi ko və lu be bwaʼ ə nè.

2 Kolìntyàns 4:5

Ghə̀ŋ ə kɨ la, yès zhʉsə nshə̀ʼtə̀ ntɨm ə jùŋ a ghèn, ko yès nə nshə̀ʼtə̀ kumə təwen tyetə. Yès ə shə̀ʼtə̀ to la Yesò Klistò diʼ Bobo, yès ə be ku wenə yèsə a viʼi shyèʼ a ghə̀ŋ byìʼì wen.

2 Kolìntyàns 4:7

Alì yès vyi a və kiʼi əghoʼ kəzhwì a ghənə a yès a təwèn a tə diʼ to nə̀ vəntòyn və kətsoʼ a və zizi və pfʉkə, ə diʼ la kədyòʼ kə ghoʼokə kiʼi Nyìngòŋ, a ko kiʼi yès.

2 Kolìntyàns 5:18

Ənyʉ̀ a venə no tsèm diʼ mu à nè Nyìngòŋ a vəghəŋ, ə bwensə bàtə ntsìnə̀ vəghəŋ, vəghəŋ və wen. Ghə̀ ne alə̀ chò fa Yesò. Ghə̀ ku li shwèʼè a ghenə ə mbaʼtə ntsìnə̀sə viʼi a yès.

2 Kolìntyàns 6:1

A nə̀ viʼi a və shwèʼè wenə və Nyìngòŋ amuʼ, yès ə sensə ghə̀ŋ la ando Nyìngòŋ ə diʼ li ə boŋ tyɨm ə wen a ghə̀ŋ lə, kə ghə̀ŋ a nè ə boŋ tyɨm ə wen a ghenə lè to kədyàŋ.

2 Kolìntyàns 6:4

Yès ə boŋsə diʼi to la yès diʼ viʼi shyèʼ ə Nyìngòŋ no a gho a yès ə nè. Yès ə wensə a tyi ngəʼ shisə a yès ə yenə, nə̀ a nyʉ̀ a və to, nə̀ a tənki tə nyʉ̀ a tovə ə tsenəvə və fʉ yès.

Efisyàns 3:7

Ma ə nzìtə̀ shə̀ʼtə̀ ə ntɨm ə jùŋ a ghèn mu à ku Nyìngòŋ əku kədyòʼ kə wen la mà nè. Nyìngòŋ ne alə̀ byìʼì ətyɨm ə jùŋə ghə̀ ə wen.

Kòlòsyàns 1:23

Kə ne ndiʼ ali a zhʉ ghə̀ŋ tuʼtə ghaʼ əbyɨmə a yi la ghə̀ ntò to tò. Kə ghə̀ŋ moʼtə kənyʉ̀ kə nə̀ʼsə̀ kwoʼtə yi a ghə̀ŋ kiʼi byìʼì ntɨm ə jùŋ yi a ghə̀ŋ tə zhʉ li. Nò mò Bol diʼ wù ə shwèʼè Klistò, shə̀ʼtə̀ to ntɨm jùŋ na ghèn, a diʼ wen yì a və sə diʼ mù və nshə̀ʼtə̀ li no a viʼi və tsèm a mbi.

Kòlòsyàns 1:25

Nyìngòŋ be tsuʼ mo a wù ə shwèʼ a viʼi və byɨmə ə Klistò. Əshwèʼè a ghənə diʼ la mà shə̀ʼtə̀ mwetə ntɨmə Nyìngòŋ na ghèn a ghə̀ŋ.

1 Timotì 1:12

Mà ku kəzòŋ à Bobo vəghəŋ Yesò Klistò ando ghə̀ ku kədyòʼ la mà ə nè shwèʼ a ghenə, bè choʼsə mò, mbe tsuʼ mò la ma nshwèʼè a wen.

1 Bità 4:10

Nyìngòŋ ə bwàʼsə li ghə̀ŋ ə ku mə ku to a tənkì a tənki. Kə lə diʼi la no ndò ə diʼ ə lyɨ̀ kəku kə wen kì a Nyìngòŋ ə ku li ə nè jùŋ a viʼi vətsenvə nə̀ kəwenkə to nə̀ viʼi shyèʼ və jùŋvə Nyìngòŋ.