1 Kolìntyàns 3:10 - The New Testament in the Babanki language

¹⁰ Ma tə lyɨ̀ kəku kì a Nyìngòŋ ə tə kù a mò byìʼì kusə nshinsə wen ə we kəchɨ kə ngə̀ŋ a nə̀ wìʼ a ghə̀ shɨtə kɨ kəmbwom, wìʼ ə tsen ə sə ə bwòm ayi kwì. No ndò ə ntùʼmə̀ a ji yi a ghə̀ bwomə fa tsù.

1 Kolìntyàns 3:10 ပူးပေါင်းရင်းမြစ်များ

Matìyò 24:45

Yesò bè mù bèm la, “Wù shyèʼ yì a ghə̀ zhʉ ti shyèʼ wen be tofə li diʼ ghə̀ ko lo? A diʼi yì a ti shyèʼ wen bʉʼsə ndyʉ̀ a jèʼ ghə̀ ghʉ wen a mbì be kù kədyòʼ a wen la ghə̀ ə ntùʼmə̀ nə̀ ngə̀ŋ wen be ku fozhɨvə a viʼi shyèʼ vətsenvə vi a zhʉ a vəwenə kəŋə.

Matìyò 7:24

“Kə lə diʼ la no mə ndo yi a ghə̀ zhʉ̀tə̀ ənyʉ̀ venə a mà gàʼ lə ə ne to ando mà gàʼa ghə̀ a diʼ to ndo wù ə tofə yi a ghə̀ nlu sə ə əbwom ngə̀ŋ wen ə wye kəchɨ ki nə̀ nguʼsə,

Ŋwàʼlə̀ Luk 11:35

Ghə̀ŋ ntùʼmə̀ la kə bayn yi a ghə̀ŋ kiʼi li à kaʼkə ndiʼ nfɨnə.

Ŋwàʼlə̀ Luk 21:8

Ghə̀ gàʼ la, “Ghə̀ŋ tùʼmə̀ la kə wìʼ lù lobtə ghə̀ŋ. Viʼi lu nvì no və ghoʼo diʼ la və vì à mò a zhiʼ. Gàʼà la, Ma diʼ no nkàyntə wen yi lə̀, be gàʼà la ‘Zhʉ kwʉʼli luwen!’ Ghə̀ŋ zhʉ alì kə wì à dzɨ̀mtə̀ vəwenə.

Shwèʼ 18:27

A sə ndiʼ ando Abolòs ngàʼà la ghə̀ a kòŋ ətɨmə dyʉ̀ a Akayà, viʼi vəbyɨməvə a Efesùs gyàmtə̀ wen ə̀ nyòʼ ŋwàʼlə̀ à viʼi vəbyɨməvə a Akayà gàʼà la vəwenə shisə wen no a nkàyn. Ghə̀ tɨmə̀ ə̀ dyʉ̀ tsu ə̀ sə ku gyàmtə̀ ghoʼghə à viʼi vyi a və sə ndiʼ mu və byɨmə li byìʼì bòŋə̀ tyɨm ə Nyìngòŋ.

Lumans 1:5

Nyìngòŋ ə kiʼi ətyɨm ə jùŋə a mò ə ghʉ̀ mò a wù ə ntɨm la mà njèʼè shə̀ʼtə̀ ntɨm ə jùŋ kuʼsə Yesò ndi viʼi zhʉ ə byɨmə to təloʼ tə tsèm. Ghə̀ ne alə̀ chò fa a Yesò Klistò.

Lumans 12:3

Nyìngòŋ ə kiʼi li ətyɨm ə jùŋə ghə̀ a mò ə ku shyèʼ ə wen la mà ə nè, ma sətsèn ə gàʼ a ghə̀ŋ no və tsèm la, kə ghə̀ŋ ə̀ lyɨ təwen ə təŋtə shəʼmə a nsəʼ, a ghə̀ŋ ko zàʼa tebè tsu. Ghə̀ŋ shiʼsə tə kwoʼtə ə təŋtə ə lyɨ̀ təwen ə təŋtə to ando ghə̀ŋ diʼi. Ghə̀ŋ ə ki təwen ə təŋtə chò fa əbyɨmə yi a ghə̀ ku li a ghə̀ŋ.

Lumans 15:15

Ma nyòʼò li nyʉ̀ ə tsenəvə a ghə̀ŋ a ŋwàʼlə̀ ashə to no a kədyòʼ ə zɨ̀ŋtə nyʉ̀ a vyi a ghə̀ŋ. Mà nyoʼ alə̀ byìʼì kədyòʼ kì a Nyìngòŋ ə ku a mò la mà ə̀ nè shwèʼè a ghèn nə̀.

Lumans 15:20

Mà tuʼtə kòŋ to ə shə̀ʼtə̀ ntɨm ə jùŋ ashi a viʼi ko təmə ə zhʉ̀ kənyʉ̀ tsu kumə Yesò. Ma ko kòŋ ə bè ə shə̀ʼtə̀ a kəshi mu viʼi sə kɨ kənyʉ̀ tsu kumə Yesò, kə kə ne diʼi la ma shyèʼè a kəshi ə wù kədyàŋ.

1 Kolìntyàns 3:11

Nyìngòŋ ə sə diʼ mù ghə̀ ghʉ̀ li Yesò Klistò la à diʼ kəchɨ kə ngə̀ŋ kì a kə diʼ, wìʼ ko diʼ a ghə̀ zizi ghə̀ be we kəchɨ kətsen.

1 Kolìntyàns 9:2

Mà sətsèn ke ndiʼ tebè wù ə ntɨm a viʼi vətsenvə, a mà ndiʼ wù ə ntɨm a ghə̀ŋ, byìʼì ando ji yi a ghə̀ŋ diʼi fa tsù a Bobo diʼ byìʼì shwèʼ ə ghomə to nə̀ wù ə ntɨm.

2 Kolìntyàns 10:15

Yès ə ko kumə kədyʉ̀ʼ shi əkuʼsə a shwèʼè viʼi kədyàŋ. Yès ə kəŋ to la ghə̀ŋ kwi a ghə̀ŋ a byɨmə ndi shyèʼ yì a yès ne a ghə̀ŋ a ntìntìn boŋ kwi.

Efisyàns 2:20

Ghə̀ŋ diʼ ngə̀ŋ mu və bwom a ntsìnə̀ yì nə̀ əziʼi yì a viʼi ntɨm ə Yesò, nə̀ nshə̀ʼtə̀sə ghoʼkəsə ə ziʼi kùmə̀, ngùʼ bù ə ngə̀ŋ a ghèn adiʼ to no Yesò Klistò nə̀ wèn ə wen.

Kòlòsyàns 1:29

A diʼ byìʼì ənyʉ̀ a venə a ma taŋkə, shwèʼè nə̀ kədyoʼkə kì a ghə̀ kù a mo.

Kòlòsyàns 4:17

Ghə̀ŋ gàʼ a Akibùs la ghə̀ kɨ la ghə̀ diʼ ə mwetə shyèʼ ə Bobo yì a və kù a wen la ghə̀ ne.

1 Tèsàlonyà 3:2

ə tɨm lèmə̀ yes Timotì yi a ghə̀ shwèʼè a Nyìngòŋ yo wen, shə̀ʼtə̀ ntɨm ə jùŋ kumə Yesò. Yes ə tɨm Timotì la ghə̀ vi ə nè ghə̀ŋ kiʼ ətɨm ə to ghə̀, tuʼ choʼsə Yesò,

1 Timotì 4:16

Wù tùʼmə̀ nə̀ wen ə wu, be tùʼmə̀ nə̀ jì yi a wù ziʼi viʼi fatsu. Wu sətsen ə ne tò alə, ə Nyìngòŋ ə bwòŋsə wù, bè bwòŋsə no viʼi vi a wù ziʼi.

2 Timotì 2:15

Mwòmsə̀ no nə̀ kədyòʼ kə ə nè la Nyìngòŋ yen la wù dìʼ wù ə shyèʼ yi a ghə̀ ko diʼsə kətʉ ə ne əshwèʼ ə wen, bè ziʼi tò nəmwèʼè yi a ghə̀ diʼi a ntɨm ə jùŋ ə̀ wen.

Jems 3:1

Kə nghoʼo ghə̀ŋ à ndiʼ ndìʼsə̀sə a vəlèmə̀ vwomə. Ghə̀ŋ ə kɨ la Nyìngòŋ lu soʼ vəghəŋ vi a və diʼì ndìʼsə̀sə chò viʼi vətsenvə.

1 Bità 4:11

Wìʼ yi a ghə̀ shə̀ʼtə̀ kənyʉ̀ kə Nyìngòŋ, ghə̀ nshə̀ʼtə̀ to no kənyʉ̀ ki a kə lù fa Nyìngòŋ. Wìʼ yi a diʼ wù ə shwèʼè, ghə̀ ə shyèʼ to no nə̀ kədyòʼ kì a Nyìngòŋ ə kù li a wen. Ghə̀ŋ ə nè to alə ndiʼ viʼi ə kuʼsə Nyìngòŋ chò fa a Yesò Klistò. Ghə̀ kiʼi kùʼsə nə̀ kədyoʼkə to məzhʉ̀ ə tsèm. Amèyn.

2 Bità 3:15

Ghə̀ŋ ə kɨ la Bobo vəghəŋ ə ghaʼa tyɨm alə̀, ku ji a ghə̀ŋ ndi ghə̀ŋ bwòŋ. Lèmə̀ vəghəŋ Bol yi a vəghəŋ ə kòŋ tə ə nyòʼ to nyʉ̀ a venə a ghə̀ŋ nə̀ ətof mu à ku Nyìngòŋ a wen.

Kəmwetə 21:14

Ghə̀ ndiʼ mu və bwòm a kwi əkɨ ə ngə̀ŋ njʉ̀sə̀ bò, a diʼ no kəchɨ kə ngə̀ŋ kə kò mu və nyòʼò li zhiʼ ə wù ə ntɨm tsu, a diʼ viʼi vyi a və shyèʼ a We Njɨ̀.

Kəmwetə 21:19

Ətsi ə mbàyn ayi ə ndiʼ mu və lafsə li nə̀ tənki tə ngùʼ sə jùŋ tə to tə tsèm. Ngùʼ ə mbì ndiʼ jasɨbà, kəkumtəkə ə diʼ sàfayà, ghətsen diʼ agàt, ghətsen diʼ emelà.