1 Kolìntyàns 3:1 - The New Testament in the Babanki language

¹ Ma ə zizi ko ma lù gàʼà a ghə̀ŋ a vəlemə vwomə a byɨmə ando ma gàʼa a viʼi vyi a və kiʼi kəzhwì kə Ŋwoʼkə. Ma ngàʼà a ghə̀ŋ to sə mà gàʼà a viʼi mbyi, a nə̀ voyndyə a əbyɨmə a Yesò.

1 Kolìntyàns 3:1 ပူးပေါင်းရင်းမြစ်များ

Matìyò 16:23

Yesò fuʼtə gàʼ à Bità la, “Bwènə̀ fà mò a bàm a Satan, wù tàʼsə̀ mò. Wù ko kiʼ kwoʼtə Nyìngòŋ. Wù kwòʼtə̀ to nə̀ wìʼ.”

Lumans 7:14

Vəghəŋ ə kɨ la Əsoʼ ə diʼ mu à ku Nyìngòŋ, ali ma kumə diʼ to wìʼ a və baʼlə a kəkòs a mbyɨ.

1 Kolìntyàns 14:20

Kə ghə̀ŋ a nkwoʼtə to nə̀ voyndyə, a vəlemə vwomə, ghə̀ŋ ne boŋsə diʼ to voyndyə kumə mbyɨ ali kwoʼtə nyʉ̀ to nə̀ ə viʼi vətokəvə.

1 Kolìntyàns 14:37

Wìʼ sətsen ə kwoʼtə la ghə̀ diʼ nshə̀ʼtə̀ kò ghə̀ kiʼi Kəzhwì kə Ŋwoʼkə, ghə̀ kɨ la kənyʉ̀ ki a ma gàʼà a ghə̀ŋ diʼ mu à gàʼ Bobo.

1 Kolìntyàns 2:6

Nò tèbe ando ma gàʼà nyʉ̀ a venə no tsèm lə̀, yès ə ziʼi nyʉ̀ nə̀ ətof a nə̀ viʼi vyi a və kwi li a vəwenə a byɨmə. Ətof a yi ə ko diʼ ətof ə mbi ghenə kò ətof ə viʼi vyi a və soʼo mbyi ghèn, a diʼ viʼi le dyʉ̀ nə̀ kədyòʼ kə vəwenə.

Gàlesìyà 6:1

Vəlemə vwomə a byɨmə, wìʼ fa ghə̀ŋ sətsen nè no tèbe mbyɨ ə kò, ghə̀ŋ vətsenvə vi a kəzhwì kə Ŋwoʼkə tisə ghə̀ŋ, ghə̀ŋ mwomsə ə diʼ ji tɨmə. Ghə̀ŋ sə ne alə ghə̀ŋ to no nə̀ mbwaʼmə. Ghə̀ŋ sə diʼ, ghə̀ŋ tùʼmə̀ nə̀ təwen ə təŋtə abwen ali, ghə̀ŋ be fəŋ a mwomsə.

Hibùlù 5:13

Nò ndo yi a ghə̀ bo nyoŋ to zhwin a diʼ wàyn ə bwaʼa, ko ghə̀ lə yen ə kɨ kənyʉ̀ ki a kə diʼ kənyʉ̀ kə tɨməkə ashi Nyìngòŋ.

1 Joyn 2:12

Mà nyòʼò nyʉ̀ a venə à ghə̀ŋ a vunə vwomə byìʼàndo Nyìngòŋ ə lyesə li nku mbyɨsə sə̀ŋsə chò fà Yesò Klistò.