1 Kolìntyàns 2:6 - The New Testament in the Babanki language

⁶ Nò tèbe ando ma gàʼà nyʉ̀ a venə no tsèm lə̀, yès ə ziʼi nyʉ̀ nə̀ ətof a nə̀ viʼi vyi a və kwi li a vəwenə a byɨmə. Ətof a yi ə ko diʼ ətof ə mbi ghenə kò ətof ə viʼi vyi a və soʼo mbyi ghèn, a diʼ viʼi le dyʉ̀ nə̀ kədyòʼ kə vəwenə.

1 Kolìntyàns 2:6 ပူးပေါင်းရင်းမြစ်များ

Matìyò 13:22

Ngwaʼa tsen yì a ghə̀ mfəŋkə a tì ndzoŋsə lì dìʼ to nə̀ wìʼ yì a ghə̀ zhʉ kənyʉ̀ kə Nyìngòŋ, ngəʼsə kwi nse a shə̀ bè nə̀ kòŋə əkiʼi ə ghoʼ tàʼsə kənyʉ̀ akì la kə kə kumə ashɨ a wen a ntsìnə̀.

Matìyò 19:21

Yesò bwènsə̀ à wen la, “A zhʉ a wù kəŋə kwʉ̀ʼʉ̀ mè, wu dyʉ̀ bàʼlə fo vyə no tsèm ə̀ ku ko yi à viʼi kənfem ndi lu kiʼi ghoʼ a kàŋ. Wù ne nè a lì wù vì dzɨ̀mtə̀ mò.”

Matìyò 5:48

Ntsìnə̀ shəŋsə diʼ ŋwòʼə̀ ando ntsìnə̀ Tiʼi ghə̀ŋ a kàŋ ŋwòʼə̀.”

Ŋwàʼlə̀ Luk 16:8

Tìʼ Shwèʼ nè yen ji yì a wù Shwèʼ wamə ndi shɨtə kənyʉ̀ kə wen tsu ə bwomsə wen a wen ji tof.” Yesò mù gàʼ la, “Viʼi mbyì venə tofə a jisə a vəwenə shìtə nyʉ̀ vəwenə tsu chò vunə bayn.

1 Kolìntyàns 1:28

Nyìngòŋ ə tsuʼ viʼi və bwaʼ və vi a və ko lyɨ tebè vəwenə a kənyʉ̀, be tsùʼtə əfo vi a viʼi ə yen la və ko diʼ kə fo ə byɨbsə vi a və nyenə la à diʼ nkàyntə̀ əfo,

1 Kolìntyàns 12:8

Kəzhwì na kènkə kə mùʼ nə̀ dyʉ̀ a wu ə tsen, kə ne la ghə̀ ngàʼà nə̀ ətofə, kə dyʉ̀ a wutsen kə ne la ghə̀ nkɨ ə shə̀ʼtə̀ nyʉ̀ vyi a kə diʼi a wen.

1 Kolìntyàns 14:20

Kə ghə̀ŋ a nkwoʼtə to nə̀ voyndyə, a vəlemə vwomə, ghə̀ŋ ne boŋsə diʼ to voyndyə kumə mbyɨ ali kwoʼtə nyʉ̀ to nə̀ ə viʼi vətokəvə.

1 Kolìntyàns 2:1

A ndiʼ to ando mà nvi ə yen ghə̀ŋ a vəlemə vwomə ə shə̀ʼtə̀ kənyʉ̀ kì a kə diʼ nəmwèʼè kumə Nyìngòŋ, ma nko ngàʼà ə gàʼà ə jùŋə ghə̀, ko andiʼ la ma ngàʼà tebè to nə̀ wù ə ŋwàʼlə̀.

1 Kolìntyàns 2:13

Kə le diʼ la yès ə ko ziʼi, tebè nyʉ̀ nə̀ ətof ə mu ghə̀ lù fa viʼi. Yès ə ziʼi nyʉ̀ a diʼi Kəzhwì kə Nyìngòŋ ando yès ə ziʼi laynsə nyʉ̀ kəzhwì a viʼi vyi a vəwenə kiʼi kəzhwì na kènkə.

1 Kolìntyàns 2:8

Nò wù ə soʼo ə mùʼ a mbyi a shèn ə nko kɨ ətof na ghenə. A tu ndiʼ la vəwenə nkɨ li, mu vəwenə nko ə bayntə Bobo yi a ghə̀ kiʼi kùʼsə.

1 Kolìntyàns 3:1

Ma ə zizi ko ma lù gàʼà a ghə̀ŋ a vəlemə vwomə a byɨmə ando ma gàʼa a viʼi vyi a və kiʼi kəzhwì kə Ŋwoʼkə. Ma ngàʼà a ghə̀ŋ to sə mà gàʼà a viʼi mbyi, a nə̀ voyndyə a əbyɨmə a Yesò.

2 Kolìntyàns 1:12

Yès ə saŋlə no nànto, kɨ no fa yès a tətyɨm la no tèbe ghò yi a yès tə nè a mbi a shen, nə̀ ji a yès tə tsi vəghəŋ fa tsu, la yès ə nè to nə̀ tətyɨm tə laynə, ti a Nyìngòŋ ə kʉʼʉ. Yès tə ne no tèbe ghò, nè to byìʼì ətyɨm ə jùŋə ghə̀ Nyìngòŋ, a nko diʼ byìʼì ətof ə mbyi.

2 Kolìntyàns 13:11

Ə mwètə̀ a vəlemə vwomə, ma sə gàʼa la, ghə̀ŋ faŋ to akàyn. Ghə̀ŋ baʼtə̀ ntsìnə̀ shəŋsə. Ghə̀ŋ shə̀tə̀ ghaʼ kənyʉ̀ kì a mà gàʼa. Ghə̀ŋ ntsi tò kənyʉ̀ kə mùʼ, tsi nə̀ mbwaʼmə ndiʼ Nyìngòŋ ghə̀ŋ a ghə̀ kòŋ viʼi be ku mbwaʼmə a ghə̀ŋ, ndiʼ wye vəwenə.

2 Kolìntyàns 4:3

Kə le yi ndiʼ tèbe la kəfo kə sətsèn be chiʼtə no tèbe ətof wìʼ la kə ghə̀ zhʉ̀ kɨ ntɨm ə jùŋ yì a yès ə shə̀ʼtə̀, à ne diʼ tò wìʼ a ghə̀ le le.

2 Kolìntyàns 4:4

Viʼi a və ko byɨmə ko zhʉ̀ kɨ kənyʉ̀ byìʼì ando Satan a ghə̀ soʼo mbyi ghèn kəŋtə li tətof tə vəwenə la kə vəwenə byɨmə. Ghə̀ nè alə̀ la kə vəwenə yen əbayn yì a ntɨm ə jùŋ Klistò a ghə̀ diʼ kənfɨsə kə Nyìngòŋ ə vi nə̀ wenə ghə̀.

Efisyàns 2:2

Ghə̀ŋ ə ntsi to a mbyɨsə a sensə ando ghə̀ŋ mbo dzɨ̀mtə̀ nyʉ̀ ə mbyi, zhʉ to fa fòyn yi a ghə̀ soʼo əzhwì byɨvə vyi a və chò fa kàŋ, a diʼ kəzhwì kì a kə tisə viʼi vyi a və ko zhʉtə fa Nyìngòŋ.

Kòlòsyàns 1:28

A le kənyʉ̀ ki a yes ə shə̀ʼtə̀ ntɨm kumə wen, ku kətyiftə be ziʼi viʼi və tsèm nə̀ ətof ə tsèm ə, ndiʼ yès ne vəwenə nə̀ diʼ wenə Klistò amuʼ ə vi ashɨ Nyìngòŋ to nə̀ viʼi a və ti a kayn.

Kòlòsyàns 4:12

Èbafàlàs yi a ghə̀ diʼi tamə wù ənòyn ə ghə̀ŋ, be diʼ wù ə shwèʼè a Yesò Klistò gaʼa li la mà toŋtə ə ghə̀ŋ. Ghə̀ zhʉsə jɨm no zhʉ̀ko, ghə̀ sə kwoʼtə ghə̀ŋ a wen a jɨ̀m no akayn, sensə la Nyìngòŋ ə nè ghə̀ŋ faŋ to ati əbyɨmə ghə̀ŋ, ə kwi tsù, ə shɨtə kɨ be ne nyʉ̀ ə tsèm vi a ghə̀ kəŋ.

Hibùlù 5:14

Alì, wìʼ yi a ghə̀ zhɨ əfo ə zhɨvə ə tovə diʼ wìʼ mu ghə̀ ziʼi li nkɨ nəkwoŋ fa kənyʉ̀ ə jùŋə və, nə̀ byɨvə.

Hibùlù 6:1

Kə lə diʼi la vəghəŋ ə diʼ ko di faŋ to a ziʼi ə mbì yì a və ziʼi vəghəŋ kumə Yesò ə kwen ə dyʉ̀ a ntìntìn əziʼi ə laynə ghə̀. Kə vəghəŋ na faŋ to nyʉ̀ ə mbì nziʼi to la viʼi bwensə tətyɨm tə vəwenə fa nyʉ̀ ə əbyɨvə a və vì nə̀ əpfʉ̀ əbyɨmə a Nyìngòŋ,

Jems 3:15

Nki tof aghenə ko lù fà kàŋ. Ghə̀ lù fa nse ashə̀, kenla àdìʼ ə tof ə kəzhwì kəŋwoʼəkə, adìʼ tof ə Deblə̀.

Jems 3:2

Vəghəŋ vətsèm lu nè shwè. No ndò sətsèn ə ngàʼà ke nshwè mu ghə̀ dìʼ wù kənyʉ̀ kə tɨməkə, be diʼ mu ghə̀ zì ghə̀ tuʼmə nə̀ sò kətʉ wen.

1 Bità 5:10

Ghə̀ŋ a nyenə ngəʼ to fəshyinə fə zhʉ̀ alə̀, ə Nyìngòŋ ə tisə ghə̀ŋ, ə ku kədyòʼ a ghə̀ŋ, a kə nè la ghə̀ŋ ə to no nànto. Ghə̀ diʼ Nyìngòŋ, kusə shinsə no nànto. A ndzàŋ wen ə dzàŋ ghə̀ŋ la ghə̀ŋ vi kwen a wen a tyi əbayn ə ghoʼoghə chò fa Yesò, a diʼ əbayn, ko andiʼ la ghə̀ lu mè.