1 Kolìntyàns 2:15 - The New Testament in the Babanki language

¹⁵ Wìʼ yi a ghə̀ kiʼi kəzhwì kə Ŋwoʼkə ə yenə kɨ no nyʉ̀ ə tsèm, ali ko wìʼ ə tsen zizi ghə̀ yen əkɨ kənyʉ̀ kumə wen.

1 Kolìntyàns 2:15 ပူးပေါင်းရင်းမြစ်များ

Joyn 7:17

No ndò a ghə̀ kòŋ ə ne kənyʉ̀ a Nyìngòŋ ə kəŋ, mu ghə̀ na yen əkɨ la ziʼi ə ghomə lù fa Nyìngòŋ mu ma ziʼi to kənyʉ̀ ə komkə lò.

Shwèʼ 16:3

Bol nkəŋə əlyɨ Timotì wenə̀ wen lu, mù nè la və shɨtə ndyə̀ wen. Ghə̀ ne a lì byìʼàndo Vəjew vi a və ntsi tsu nkɨ la tìʼ Timotì ndìʼ wu Glis.

1 Kolìntyàns 14:37

Wìʼ sətsen ə kwoʼtə la ghə̀ diʼ nshə̀ʼtə̀ kò ghə̀ kiʼi Kəzhwì kə Ŋwoʼkə, ghə̀ kɨ la kənyʉ̀ ki a ma gàʼà a ghə̀ŋ diʼ mu à gàʼ Bobo.

1 Kolìntyàns 3:1

Ma ə zizi ko ma lù gàʼà a ghə̀ŋ a vəlemə vwomə a byɨmə ando ma gàʼa a viʼi vyi a və kiʼi kəzhwì kə Ŋwoʼkə. Ma ngàʼà a ghə̀ŋ to sə mà gàʼà a viʼi mbyi, a nə̀ voyndyə a əbyɨmə a Yesò.

1 Kolìntyàns 4:5

Ali, kə ghə̀ŋ tyinə nsòʼ ko ndiʼ la zhʉ̀ yi kʉʼʉ li. Ghə̀ŋ kəʼtə, Bobo vi. Ghə̀ a vi ə diʼ làynsə nyʉ̀ ə lyomtəvə vyi a və nyoʼtə ne a kəbəŋ kə fenəkə, ə shə̀ʼtə nyʉ̀ vyi a viʼi əkwoʼtə lyomtə a və wenə a tətyɨm. Nyìngòŋ ə mu bwomsə no ndò to ji a ghə̀ əshyèʼè.

Gàlesìyà 6:1

Vəlemə vwomə a byɨmə, wìʼ fa ghə̀ŋ sətsen nè no tèbe mbyɨ ə kò, ghə̀ŋ vətsenvə vi a kəzhwì kə Ŋwoʼkə tisə ghə̀ŋ, ghə̀ŋ mwomsə ə diʼ ji tɨmə. Ghə̀ŋ sə ne alə ghə̀ŋ to no nə̀ mbwaʼmə. Ghə̀ŋ sə diʼ, ghə̀ŋ tùʼmə̀ nə̀ təwen ə təŋtə abwen ali, ghə̀ŋ be fəŋ a mwomsə.

Filìbàyns 1:10

Ma jɨ̀mə̀ alə̀ ndiʼ ghə̀ŋ kɨ kənyʉ̀ ki a kə bòŋ kwʉ̀ʼʉ̀ ə lu ndiʼ ə̀ laynə a kə̀ʼə̀ Nyìngòŋ, ko ndiʼ la ghə̀ŋ kiʼi ə mbyɨ, ko wìʼ ə ghamə tebè ghə̀ŋ a kənyʉ̀ a kətsi yi a Yesò lə bwenə vì.

Kòlòsyàns 1:9

Kənyʉ̀ na kènkə ənè li, yès sə jɨ̀mə̀ to jɨ̀mə̀ a ghə̀ŋ fa achʉʼ a yès əzhʉ, loynə la Nyìngòŋ ə ku ətof ə be ne ghə̀ŋ nzhʉ kɨ nyʉ̀ ə tsèm vi a kəzhwì kə Ŋwoʼkə ne viʼi kɨ ndiʼ ghə̀ŋ kɨ mwetə kənyʉ̀ ki a ghə̀ kəŋ.

1 Tèsàlonyà 5:21

Ghə̀ŋ boŋsə kaʼtə no nyʉ̀ ə tsèm ə yen la, və le lù to no fa Nyìngòŋ ə lo. Ghə̀ŋ yen to kə nəmwèʼè kə ghə̀ŋ a byɨmə,

Hibùlù 5:14

Alì, wìʼ yi a ghə̀ zhɨ əfo ə zhɨvə ə tovə diʼ wìʼ mu ghə̀ ziʼi li nkɨ nəkwoŋ fa kənyʉ̀ ə jùŋə və, nə̀ byɨvə.

1 Joyn 2:20

Alì Klistò ku li kəzhwì kəŋwoʼkə à ghə̀ŋ la ghə̀ŋ ə kɨ kənyʉ̀ kə nəmwèʼè.

1 Joyn 4:1

Viʼi ndoŋsə mò, kə ghə̀ŋ a mbyɨmə viʼi vətsèm a və gàʼà la vəwenə kiʼ kəzhwì, alì ghə̀ŋ mwomsə vəwenə ə yen la, tì kəzhwì akì lù fà Nyìngòŋ lo. Ghə̀ŋ diʼ ənè a lì byìʼàndo nshə̀ʼtə̀sə ndzɨŋsə fʉ li se jèʼè fa mbi no səghoʼo.