1 Kolìntyàns 2:14 - The New Testament in the Babanki language

¹⁴ Wìʼ yi a ghə̀ ko kiʼ kəzhwì kə Ŋwoʼkə ə tyenə əfo vyi a kəzhwì kə Nyìngòŋ əku, byìʼì ando à diʼ əfo kəkoyn a wen. Ghə̀ zizi ko ghə̀ lu ə kɨ əfo a venə byìʼì ando à zizi a ne to Kəzhwì kə Ŋwoʼkə la ghə̀ ə kɨ.

1 Kolìntyàns 2:14 ပူးပေါင်းရင်းမြစ်များ

Matìyò 16:23

Yesò fuʼtə gàʼ à Bità la, “Bwènə̀ fà mò a bàm a Satan, wù tàʼsə̀ mò. Wù ko kiʼ kwoʼtə Nyìngòŋ. Wù kwòʼtə̀ to nə̀ wìʼ.”

Joyn 10:20

Viʼi ə gaʼa to kədə̀ŋ la, “Ghə̀ kiʼi kəzhwì kə kəbyɨkə, sùtə̀ bomə no bomə. Ghə̀ŋ zhʉtə ghò fa wen a?”

Joyn 12:37

Yesò ə nè no tèbe nyʉ̀ ə kaynəvə venə no ətsèm lə, vəwenə be tyenə to tyenə la və ko byɨmə a wen.

Joyn 14:17

Ngyàmtə̀ a ghèn ne ndiʼ Kəzhwì kə Nyìngòŋ kì a kə diʼi nəmwèʼè kumə Nyìngòŋ. Viʼi mbyi zizi ko və lu shisə Ngyàmtə̀ a ghèn byìʼàndo vəwenə ko yenə wen, ko və kɨ wen. Ghə̀ŋ kɨli wen byìʼàndo ghə̀ tsi ghə̀ŋ vəwenə, diʼ ə nè ə ndiʼ a ghə̀ŋ a ntìntìn.

Joyn 14:26

Ngyàmtə̀ yi a Tìʼ na tɨm a mo azhiʼ, a diʼ kəzhwì kə Ŋwoʼkə, kə ne ziʼi ghə̀ŋ no nə̀ nyʉ̀ nò tsèm, ə be nè ghə̀ŋ kwoʼtə no tèbe ghò yì a mà gàʼa li a ghə̀ŋ.

Joyn 15:26

“Ngyàmtə̀ ne vì, a mà tɨmə ə gaʼa nəmwèʼè kumə mò. Ghə̀ na lu fa ben Tìʼ, a diʼ Kəzhwì kə wen kì a kə gàʼà to nəmwèʼè.

Joyn 5:44

Ghə̀ŋ kòŋ ə ntemə təpfem a ghə̀ŋ tə wen, ko ghə̀ŋ mwomsə ə kiʼi kùʼsə yi a ghə̀ vi fa Nyìngòŋ yì a ghə̀ diʼ to əmùʼ. Ghə̀ŋ lə zi ghə̀ŋ byɨmə ale?

Joyn 8:43

Byìʼì ghò a ghə̀ŋ ko zhʉ kɨ kənyʉ̀ kì a ma gaʼa a? A diʼ byìʼàndo ghə̀ŋ ko kòŋ ə zhʉ.

Shwèʼ 16:14

Andìʼ a tì ki avenə a və mvì zhùŋtə̀ və sə zhʉtə̀ ando Bol gàʼà lì, wùwì tsen diʼ tsu, a zhiʼ wen ndìʼ Lydiyà mu ghə̀ lù fa ntə̀ʼ Tatiliyà. Ghə̀ nè mbaʼlə̀ nə̀ ndisə a ko yi nto no nànto, a be diʼ wùwì a ghə̀ ngumlə̀ Nyìngòŋ. Bobo bòʼtə̀ kwòʼtə̀ wen la ghə̀ ntùʼù zhʉtə̀ nyʉ̀ vyi a Bol ngàʼà lì ə̀ byɨmə nyʉ̀ a vyi.

Shwèʼ 17:18

Ndìʼsə̀ sə sətsensə ndìʼ tsu a və ə ndzàŋə̀ nə̀ ndzɨ̀mtə̀sə Ebikulyan nə̀ viʼi Stoyk yen Bol, vətsenvə mù sə bèmə̀ la, “Nki ndìʼsə̀ ghèn lè mwòmsə̀ əgàʼ la ghò, ko ndiʼ la ghə̀ kɨ no kənyʉ̀ a?” Vətsenvə gàʼ la, “Ghə̀ mwòmsə̀ əgàʼ kənyʉ̀ byìʼì vənyìngòŋ və ətɨm.” Vəwenə ngàʼà alə̀ byìʼàndo Bol nziʼi nyʉ̀ byìʼì Yesò be ziʼi la viʼi lu bwènə̀ lù fà pfʉ.

Shwèʼ 17:32

Andìʼ ando vəwenə nzhʉ Bol gàʼ kənyʉ̀ byìʼì məlù fà pfʉ, viʼi vətsenvə sə chəʼə wen, vətsenvə gàʼà la vəwenə a kòŋ la ghə̀ lù be vì ə gàʼ nyʉ̀ tsenəvə à vəwenə byìʼì kənyʉ̀ akì.

Shwèʼ 18:15

Ando ghə̀ŋ bòŋsə̀ soʼo nyʉ̀ byìʼì ziʼi tsenghə, nə̀ təzhiʼ tə viʼi bènə̀ soʼo ghə̀ŋ lə̀, à kɨ tò ghə̀ŋ. Mà zì kò mà lə̀ tɨ̀mə ə̀ nsoʼo nki nyʉ̀ à nə̀ venə.”

Shwèʼ 25:19

Vəwenə mbòŋsə̀ soʼo tò nyʉ̀ wenə̀ və Bol byìʼì jì yì a vəwenə ghoʼsə̀ Nyìngòŋ tsu, bènə̀ byìʼì wutsen a ghə̀ mpfʉ li və dzàŋə̀ wen nə̀ Yesò, alì Bol gàʼ la ghə̀ dìʼ to.

1 Kolìntyàns 1:18

Vəghəŋ kɨ la ntɨm byìʼì əpfʉ̀ ə Yesò a kəntò diʼ to kəkoyn kənyʉ̀ a viʼi vyi a və lèkə̀ dyʉ̀, ali a vəghəŋ vyi a Yesò ə bwòŋsə li, ghə̀ diʼi kədyòʼ kə Nyìngòŋ.

1 Kolìntyàns 1:21

Nyìngòŋ ə nyen li fa wen a tof la viʼi ko lu kɨ tebè wen nə̀ ətof ə ngəŋ ə vəwenə. Ghə̀ boŋsə ghʉ̀ la ghə̀ be lù bwòŋsə viʼi vyi a və zhʉ ntɨm yì a yès ə shə̀ʼtə̀ ə byɨmə no tèbe ando viʼi vətsenvə gàʼa la à diʼ kəkoynkə kənyʉ̀.

1 Kolìntyàns 1:23

ali fa yès, yès boŋsə shə̀ʼtə̀ to kənyʉ̀ kumə Yesò a və mbayntə. Kənyʉ̀ na kènkə zàfə viʼi Jus, a diʼ kənyʉ̀ kə kəkoyn a viʼi ətɨm.

1 Kolìntyàns 1:25

Kənyʉ̀ kì a kə kəʼə to nə̀ kənyʉ̀ kə kəkoynkə a viʼi kumə Nyìngòŋ ə chò kənyʉ̀ kə ətof ə viʼi, kikə a kə diʼi la Nyìngòŋ ko kiʼi kədyòʼ kə kiʼ kədyòʼ kə chò kədyòʼ kə viʼi.

1 Kolìntyàns 15:44

Və zhʉ sə mbvɨ̀mə̀, a sə diʼ kətsoʼ kəwen, və lu sə lùsə fa pfʉ, a ndiʼ əwen kəzhwì. To ando wen ə kətsoʼ diʼ, kə diʼi la əwen kəzhwì be diʼ.

1 Kolìntyàns 15:46

A ko vi əwen kəzhwì yi a Nyìngòŋ ə nku ambì, à vi əwen kətsoʼ, əwen kəzhwì ə dzɨ̀mtə̀.

1 Kolìntyàns 2:12

Vəghəŋ ko shi kəzhwì mu kə lù fa mbyi, vəghəŋ boŋsə shi kəzhwì kì a kə lù fa Nyìngòŋ ndiʼ vəghəŋ ə̀ kɨ əfo vyi a ghə̀ kù li a vəghəŋ.

1 Kolìntyàns 3:1

Ma ə zizi ko ma lù gàʼà a ghə̀ŋ a vəlemə vwomə a byɨmə ando ma gàʼa a viʼi vyi a və kiʼi kəzhwì kə Ŋwoʼkə. Ma ngàʼà a ghə̀ŋ to sə mà gàʼà a viʼi mbyi, a nə̀ voyndyə a əbyɨmə a Yesò.

Jems 3:15

Nki tof aghenə ko lù fà kàŋ. Ghə̀ lù fa nse ashə̀, kenla àdìʼ ə tof ə kəzhwì kəŋwoʼəkə, adìʼ tof ə Deblə̀.

1 Joyn 2:20

Alì Klistò ku li kəzhwì kəŋwoʼkə à ghə̀ŋ la ghə̀ŋ ə kɨ kənyʉ̀ kə nəmwèʼè.

1 Joyn 2:27

Alì Klistò dìʼ mu ghə̀ ku li kəzhwì kə wen, kə mfaŋ à ghə̀ŋ. Ghə̀ŋ ə ko bè diʼ ə nkəŋə la wìʼ ə ndìʼsə̀ ghə̀ŋ, byìʼàndo, kəzhwì kə wen kə dìʼsə̀ ghə̀ŋ no nyʉ̀ tsèm, ə be dìʼsə̀ tò nəmwèʼè, kənyʉ̀ kə ndzɨ̀ŋ kə ko diʼ tsu. No tò ando kə dìʼsə̀ li ghə̀ŋ, ghə̀ŋ faŋ à wen.

1 Joyn 5:20

Vəghəŋ ə̀ bè kɨ la wàyn Nyìngòŋ ə̀ mvi li ə̀ dìʼsə̀ vəghəŋ la vəghəŋ nkɨ Nyìngòŋ yì a ghə̀ diʼì nəmwèʼè. Vəghəŋ sə diʼ a kənyʉ̀ kə mùʼ vəghəŋ və wen yì a ghə̀ diʼì nəmwèʼè bènə̀ wàyn wen ə Yesò Klistò. Ghə̀ dìʼ Nyìngòŋ yì a ghə̀ diʼ nəmwèʼè be diʼ əbwòŋ a ghə̀ ko lu mè.

Ŋwàʼlə̀ Jud 1:19

A diʼ vəwenə vi a və vì nə̀ kəngəsə kə, ko ndiʼ la vəwenə kiʼi kəzhwì kə Nyìngòŋ a vəwenə a ntìntìn. Vəwenə ne to nyʉ̀ a ji a vəwenə kəŋ.