1 Kolìntyàns 2:12 - The New Testament in the Babanki language

¹² Vəghəŋ ko shi kəzhwì mu kə lù fa mbyi, vəghəŋ boŋsə shi kəzhwì kì a kə lù fa Nyìngòŋ ndiʼ vəghəŋ ə̀ kɨ əfo vyi a ghə̀ kù li a vəghəŋ.

1 Kolìntyàns 2:12 ပူးပေါင်းရင်းမြစ်များ

Lumans 8:1

Kə le diʼi la viʼi vyi a və mbyɨmə li a Yesò Klistò sə diʼ viʼi wen ko və zizi və lu be fəŋ nsòʼ ashɨ Nyìngòŋ ə luwen.

Lumans 8:32

Nyìngòŋ ə ko tyen ə ku Wàyn wen la və bayntə a kəntò byìʼì vəghəŋ və tsèm. Kə le diʼi la ghə̀ na ku no əfo ə tsèm a vəghəŋ ə kwʉ̀ʼsə a kətʉ ə Wàyn wen.

1 Kolìntyàns 1:27

Alì Nyìngòŋ ə tsuʼ nyʉ̀ vyi a viʼi mbyi ə yenə la à diʼ nyʉ̀ kəkoyn ə ne la və diʼsə kətʉ kə viʼi vətofəvə, ə be tsuʼ nyʉ̀ vyi a viʼi yen la à diʼ nyʉ̀ ə bwaʼa və ə diʼsə kətʉ kə viʼi kədyòʼ tsu.

1 Kolìntyàns 2:6

Nò tèbe ando ma gàʼà nyʉ̀ a venə no tsèm lə̀, yès ə ziʼi nyʉ̀ nə̀ ətof a nə̀ viʼi vyi a və kwi li a vəwenə a byɨmə. Ətof a yi ə ko diʼ ətof ə mbi ghenə kò ətof ə viʼi vyi a və soʼo mbyi ghèn, a diʼ viʼi le dyʉ̀ nə̀ kədyòʼ kə vəwenə.

1 Kolìntyàns 3:22

Kə le diʼ la, kò à diʼ Bol, kò à diʼ Abolòs kò à diʼ no tèbe Sefàs kò à diʼ mbyi ghèn, kò à diʼ ə ntsi, kò à diʼ əpfʉ̀, kò à diʼ əzhʉ̀ ghèn luwen, kò zhʉ̀ yi a ghə̀ lu vì, əfo a venə no ə tsèm tsèntə kiʼi to ghə̀ŋ.

2 Kolìntyàns 4:4

Viʼi a və ko byɨmə ko zhʉ̀ kɨ kənyʉ̀ byìʼì ando Satan a ghə̀ soʼo mbyi ghèn kəŋtə li tətof tə vəwenə la kə vəwenə byɨmə. Ghə̀ nè alə̀ la kə vəwenə yen əbayn yì a ntɨm ə jùŋ Klistò a ghə̀ diʼ kənfɨsə kə Nyìngòŋ ə vi nə̀ wenə ghə̀.

Efisyàns 2:2

Ghə̀ŋ ə ntsi to a mbyɨsə a sensə ando ghə̀ŋ mbo dzɨ̀mtə̀ nyʉ̀ ə mbyi, zhʉ to fa fòyn yi a ghə̀ soʼo əzhwì byɨvə vyi a və chò fa kàŋ, a diʼ kəzhwì kì a kə tisə viʼi vyi a və ko zhʉtə fa Nyìngòŋ.

Jems 4:5

Mu ghə̀ŋ ə lyɨ̀ la ŋwàʼlə̀ Nyìngòŋ ə gàʼà tò kədyàŋ la, “Nyìngòŋ ə kòŋə̀ kəzhwì kì a ghə̀ ne li kə sə diʼ à vəghəŋ a təwèn lo?” Kəshi akènkə gàʼà tò nəmwèʼè.

1 Joyn 2:20

Alì Klistò ku li kəzhwì kəŋwoʼkə à ghə̀ŋ la ghə̀ŋ ə kɨ kənyʉ̀ kə nəmwèʼè.

1 Joyn 2:27

Alì Klistò dìʼ mu ghə̀ ku li kəzhwì kə wen, kə mfaŋ à ghə̀ŋ. Ghə̀ŋ ə ko bè diʼ ə nkəŋə la wìʼ ə ndìʼsə̀ ghə̀ŋ, byìʼàndo, kəzhwì kə wen kə dìʼsə̀ ghə̀ŋ no nyʉ̀ tsèm, ə be dìʼsə̀ tò nəmwèʼè, kənyʉ̀ kə ndzɨ̀ŋ kə ko diʼ tsu. No tò ando kə dìʼsə̀ li ghə̀ŋ, ghə̀ŋ faŋ à wen.

Kəmwetə 12:9

Və mòʼ shìʼsə nyàm ə fànsə ayì a nse, zhù ə mu yì a və ndzàŋə̀ nə̀ Deblə̀ bènə̀ Satan. Adiʼ wen yì a ghə̀ lobtə̀ viʼi mbyi no vətsèm. Və mòʼ shìʼsə wen a nse wenə̀ ntsɨ̀ŋsə wen tò sətsèm.

Kəmwetə 22:6

Ntsɨŋ Nyìngòŋ ayi ə mu gàʼ a mò la, “Ənyʉ̀ venə a mà gàʼa lə ne diʼ to no nəmwèʼè, kwʉ̀ʼʉ̀ ando no ndo byɨmə. Bobo Nyìngòŋ yi a ghə̀ kù kəzhwì kə wen a nshə̀ʼtə̀ sə ghoʼsə tɨmə Ntsɨŋ Nyìngòŋ la ghə̀ diʼ nyʉ̀ vyi a və sə kəŋ ə fʉ̀ a viʼi və shyèʼ və nə̀ Nyìngòŋ ndiʼ vəwenə nə̀ kɨ.”