1 Kolìntyàns 2:10 - The New Testament in the Babanki language

¹⁰ Alì mu Nyìngòŋ ə ne li kəzhwì kə wen kə diʼi làynsə nyʉ̀ ə lyomtəvə ə wen a vəghəŋ. Kəzhwì kə Nyìngòŋ kə nə̀ yenə to nyʉ̀ ə tsèm, yenə no tèbe ghò, no tèbe kì kə a Nyìngòŋ ə lyomtə lyomtə.

1 Kolìntyàns 2:10 ပူးပေါင်းရင်းမြစ်များ

Matìyò 13:11

Yesò bwènsə̀ gàʼ à vəwenə la, Nyìngòŋ ku li tof à ghə̀ŋ la ghə̀ŋ nzhʉ kɨ nyʉ̀ lyomtəvə vi a və diʼì byìʼì soʼo fòyn wen alì kò a ndiʼ la ghə̀ ku li à vəwenə.

Matìyò 16:17

Yesò mù gàʼ la, “Mbwaʼmə̀ dìʼ à wù a Simon wàyn Jonà, byìʼàndo a ko shə̀ʼtə̀ Wùmə̀nsòŋ nshyə̀ʼtə̀ kənyʉ̀ kènkə la wu gàʼ a lì, à dìʼ Tìʼ ghom ə Nyìngòŋ yì a ghə̀ diʼì a kàŋ.

Ŋwàʼlə̀ Luk 10:21

Tò a zhʉ ayì, kəzhwì kəŋwoʼəkə nè Yesò sə saŋlə mù jɨ̀m la,“Tìʼ ghom, Bobo yì a ghə̀ soʼo kaŋ bènə̀ nse, mà ku kəzòŋ à wù byìʼàndo wù lyomtəli nyʉ̀ venə fà viʼi a və kwòʼtə̀ la vəwenə tofə ə ndìʼ à ndzɨ̀ŋtə. Nəmwèʼè a Tìʼ, à tə kòŋ tò wù ənè alə̀.”

Ŋwàʼlə̀ Luk 2:26

Mu kəzhwì kəŋwoʼkə ndiʼ li a wen la ghə̀ ko lu pfʉ kèn la ghə̀ yenli wìʼ yi a Bobo ntsuʼ li ə tɨm.

Joyn 14:26

Ngyàmtə̀ yi a Tìʼ na tɨm a mo azhiʼ, a diʼ kəzhwì kə Ŋwoʼkə, kə ne ziʼi ghə̀ŋ no nə̀ nyʉ̀ nò tsèm, ə be nè ghə̀ŋ kwoʼtə no tèbe ghò yì a mà gàʼa li a ghə̀ŋ.

Joyn 16:13

Alì, kəzhwì kə Ŋwoʼkə kì a kə diʼi nəmwèʼè a vi tisə ghə̀ŋ, ghə̀ŋ kɨ no tèbe kənyʉ̀ kə kò ki a kə diʼi nəmwèʼè. Ghə̀ a vi, ko ghə̀ lu gaʼa tebè nyʉ̀ ə ngeŋ wen; ghə̀ a vì ə shə̀ʼtə̀ to nyʉ̀ mu və gàʼ gaʼa a wen, ə shə̀ʼtə̀ nyʉ̀, və bò diʼ ə ne fʉ̀.

1 Kolìntyàns 14:30

Nshə̀ʼtə̀ zìtə̀ ə gàʼ kənyʉ̀, Nyìngòŋ ə ku ntɨm ə fi a wìʼ ə tsen, nshə̀ʼtə̀ ə mbì ə chiʼ ndiʼ wìʼ ayi gàʼ.

1 Kolìntyàns 2:11

A diʼ to kəzhwì kəŋwoʼkə kì a kə diʼ a wìʼ a wèn a kə kɨ mwetə wìʼ ayi. Kə le diʼ to ndə̀ŋndəŋ ando wìʼ zizi ko ghə̀ lu kɨ kənyʉ̀ kì a kə diʼ a kwòʼtə Nyìngòŋ, a bwen to Kəzhwì kə Nyìngòŋ.

Gàlesìyà 1:12

Ma ko tə zhʉ ntɨm na ghèn fa wìʼ, wìʼ ko tə ziʼi kənyʉ̀ a mò. A tə diʼ no nkàyntə̀ Yesò Klistò a ghə̀ tə diʼ nyʉ̀ na venə a mo no tsèm.

Efisyàns 3:3

Ənyʉ̀ a venə diʼ ə nyʉ̀ lyomtəvə vyi a Nyìngòŋ ə mbaʼtə li ə ghʉ̀, a sə kɨ to wen, ə diʼi làynsə a mò, mà sə nyòʼ a ghə̀ŋ to kətemə.

Efisyàns 3:5

A diʼ nyʉ̀ ko andiʼ la Nyìngòŋ ndiʼi li a viʼi ambì. Nyìngòŋ ə lyɨ kəzhwì kə Ŋwoʼkə ə wen ə nè la kə diʼ laynsə nyʉ̀ venə a viʼi ə ntɨm ə wen nə̀ nshə̀ʼtə̀sə.

1 Timotì 4:1

Kəzhwì kə Ŋwòʼəkə ə diʼi laynsə la, à lu ə dìʼ a mətsi mə kəmwetə, ə viʼi vətsenvə tensə ko və mbe byɨmə əziʼi yi a ghə̀ diʼ nəmwèʼè byìʼì Yesò Klistò ə nə̀ bòŋsə byɨmə əziʼi ə ndzɨŋsə yi a əzhwì ə byɨvə ə ku.

1 Bità 1:12

Nyìngòŋ ə ndiʼi li làynsə a nshə̀ʼtə̀sə ghoʼokəsə na sensə la vəwenə ə shə̀ʼtə̀ ntɨm na ghèn ko vəwenə shəʼtə̀ a və wenə təwen, la vəwenə ə boŋsə shyèʼ a ghə̀ŋ. Nyìngòŋ ə sə diʼ mù ghə̀ tɨm li Kəzhwì kə Ŋwoʼkə a viʼi mu kə lù fa kàŋ, və shə̀ʼtə̀ nyʉ̀ na venə a ghə̀ŋ chò fa a ntɨm ə jùŋ, a diʼ nyʉ̀ a no tèbe ətsɨŋsə Nyìngòŋ əkòŋ ə kɨ.

1 Joyn 2:20

Alì Klistò ku li kəzhwì kəŋwoʼkə à ghə̀ŋ la ghə̀ŋ ə kɨ kənyʉ̀ kə nəmwèʼè.

1 Joyn 2:27

Alì Klistò dìʼ mu ghə̀ ku li kəzhwì kə wen, kə mfaŋ à ghə̀ŋ. Ghə̀ŋ ə ko bè diʼ ə nkəŋə la wìʼ ə ndìʼsə̀ ghə̀ŋ, byìʼàndo, kəzhwì kə wen kə dìʼsə̀ ghə̀ŋ no nyʉ̀ tsèm, ə be dìʼsə̀ tò nəmwèʼè, kənyʉ̀ kə ndzɨ̀ŋ kə ko diʼ tsu. No tò ando kə dìʼsə̀ li ghə̀ŋ, ghə̀ŋ faŋ à wen.

Kəmwetə 1:1

Ŋwàʼlə̀ ghèn dìʼ byìʼì ənyʉ̀ a Yesò Klistò ə̀ ndìʼi a ndayn. Nyìngòŋ ə̀ nku ənyʉ̀ avenə la ghə̀ diʼ à viʼi shwèʼ ə wen ənyʉ̀ vyi a və sə̀ laʼtə̀ ə fʉ̀. Klistò ə̀ ne Joyn kɨ ənyʉ̀ avenə chò fà ntsɨ̀ŋ ə̀ wen a ghə̀ ntɨmə̀ à Joyn.

Kəmwetə 2:24

Ghə̀ŋ vətsenvə diʼ a Tatiliyà a ghə̀ŋ tyen li təziʼi tə byɨtə a tèntə, ghə̀ŋ ko ziʼi ənyʉ̀ vyi a viʼi vətsenvə dzàŋə̀ nə̀ ənyʉ̀ lyomtəvə Satan. Mà sə gàʼà à ghə̀ŋ la mà ko be a ku kəbyèʼè kətsenkə à ghə̀ŋ.