1 Kolìntyàns 2:1 - The New Testament in the Babanki language

¹ A ndiʼ to ando mà nvi ə yen ghə̀ŋ a vəlemə vwomə ə shə̀ʼtə̀ kənyʉ̀ kì a kə diʼ nəmwèʼè kumə Nyìngòŋ, ma nko ngàʼà ə gàʼà ə jùŋə ghə̀, ko andiʼ la ma ngàʼà tebè to nə̀ wù ə ŋwàʼlə̀.

1 Kolìntyàns 2:1 ပူးပေါင်းရင်းမြစ်များ

Shwèʼ 20:21

Mà tə mpfàntə̀ Vəjew wenə̀ viʼi tɨm la vəwenə kwitə tətyɨm tə vəwenə fà vəwenə mbyɨsə ə̀ bwènə̀ vì à Nyìngòŋ, ə̀ byɨmə à Bobo vəghəŋ Yesò Klistò.

Shwèʼ 22:18

Ma yen Bobo, ghə̀ gàʼà gàʼ à mò la, ‘Zàŋsə̀ lù fʉ̀ fà Jelusalèm a shə̀ byìʼàndo viʼi avenə ko byɨmə kənyʉ̀ a wù gàʼà byìʼì mò.’

Lumans 16:18

Tənki tə viʼi na tèntə ə ko shyèʼ a Bobo vəghəŋ Yesò. Vəwenə kəŋ to ə nə̀ nè nyʉ̀ vyi a və nfwomə a vəwenə. Vəwenə gàʼa nyʉ̀ ə fwoməvə to ə lobtə viʼi vyi a və ko shɨtə kɨ nyʉ̀.

Lumans 16:25

Əkuʼsə ə dyʉ̀ a Nyìngòŋ. Ghə̀ kiʼi kədyòʼ ə ne la ghə̀ŋ ə tò a ghə̀ŋ əbyɨmə to ndə̀ŋndəŋ ando ntɨm ə jùŋ yì a ma shə̀ʼtə̀ kumə Yesò Klistò ə ngàʼa. Ghə̀ nè li vəghəŋ kiʼi ntɨm ə jùŋ na ghèn, mu ghə̀ ə nlyomtə li fa viʼi vətsenvə no fa kəgaf,

1 Kolìntyàns 1:17

Yesò ə ko ntɨm mo la mà vi əku mu a viʼi. Ghə̀ ntɨm la mà vi ə shə̀ʼtə̀ ntɨm ə jùŋ, shə̀ʼtə̀ ko ndiʼ nə̀ ətof ə viʼi. Ma nshə̀ʼtə̀ ali, ndi kə pfʉ ə wen a kəntò a le kədyòʼ kì a ghə̀ kiʼi.

1 Kolìntyàns 1:6

Kənyʉ̀ ki a ghə̀ŋ zhʉ̀ kumə Yesò kiʼi li aghaŋ ghə̀ nto a ghə̀ŋ a ntìntìn

1 Kolìntyàns 2:13

Kə le diʼ la yès ə ko ziʼi, tebè nyʉ̀ nə̀ ətof ə mu ghə̀ lù fa viʼi. Yès ə ziʼi nyʉ̀ a diʼi Kəzhwì kə Nyìngòŋ ando yès ə ziʼi laynsə nyʉ̀ kəzhwì a viʼi vyi a vəwenə kiʼi kəzhwì na kènkə.

1 Kolìntyàns 2:4

Ma ko nziʼi be shə̀ʼtə̀ ntɨm ə jùŋ nə̀ ətof ə mu ghə̀ lù fa wìʼ, a diʼ ətof ə ten wìʼ tenə la ghə̀ byɨmə kənyʉ̀, ali ma nshə̀ʼtə̀, kə diʼi mwetə kədyòʼ kə kəzhwì kə Kəŋwoʼkə.

1 Kolìntyàns 2:7

Ətof yì a yès gàʼà kumə lì diʼ ətof ə lyomtə ghə̀ Nyìngòŋ, mu və lyomtə li fa viʼi. Nyìngòŋ ə nghʉ̀ li mibu ghə̀ shətə mbyi ghèn la, ətof na yi ə lu nè vəghəŋ ə laynə to nə̀ Yesò.

2 Kolìntyàns 10:10

Byìʼì viʼi vətsenvə gàʼa la ma zhʉsə nyoʼo ŋwàʼlə̀, gaʼa yì ə sə to kiʼi kədyòʼ ali ma ne sə boŋsə vi a ghə̀ŋ ashɨ ma sə bwaʼsə gaʼa diʼ sə ma ko ki ə gàʼ a ntìntìn ə viʼi.

2 Kolìntyàns 11:6

Ma kɨli la ma ko kɨ ə gàʼ ashɨ viʼi ali, kɨ kənyʉ̀ ki a ma gàʼà. Yès sə diʼ mù yès ə diʼi li nakèn kə a ghə̀ŋ to ji sə tsèm.

2 Tèsàlonyà 1:10

A lu ndiʼ ando ghə̀ vi a kətsi na yi, viʼi Nyìngòŋ və tsèm ndiʼ nə̀ əkaynə, ku əkuʼsə a wen. No ghə̀ŋ lu bè boŋ diʼ a ntìntìn ə viʼi na venə byìʼì ando ghə̀ŋ byɨmə li nyʉ̀ vyi a yès tə ə shə̀ʼtə̀ a ghə̀ŋ.

1 Timotì 1:11

Ənyʉ̀ a venə ə diʼ a ntìntìn ntɨm ə jùŋ yi a Nyìngòŋ ku la mà shə̀ʼtə̀. A diʼ Nyìngòŋ kaynə yì a viʼi ə kuʼsə.

2 Timotì 1:8

Kə lə diʼi la wù ko diʼ ə ndiʼsə kətʉ ə tɨmə ncho nsoʼ à Bobo vəghəŋ, kò be ndiʼsə kətʉ byìʼì mò ando ma diʼì a mfɨŋ byiʼ ando ma byɨmə à Klistò. Mà gàʼà la wù bòŋsə lyɨ̀ kədyòʼ ki a Nyìngòŋ ku à wù, ə vi boʼsə à mò atyi ngəʼ yi a ma diʼì tsu byìʼì ntɨm ə jùŋ.

1 Joyn 4:14

Vəghəŋ ə yen li be sə shə̀ʼtə̀ à viʼi vətsenvə la Tìʼ ə ntɨm li wàyn wen a nə̀ mbwòŋsə̀ viʼi mbyi.

Kəmwetə 1:2

Joyn ə nshə̀ʼtə̀ li ənyʉ̀ no tsèm ando ghə̀ ə̀ yenə. Ghə̀ nə̀ diʼ əgàʼ ə wen ə kùm ə ntɨm yì fà Nyìngòŋ bènə̀ nəmwèʼè yì a Yesò Klistò ndìʼi à wen a ndayn.

Kəmwetə 1:9

Mà dìʼ Joyn ə lèmə̀ ghə̀ŋ. Vəghəŋ ə viʼi və byɨməvə à Yesò ə tsèntə̀ yenə ngəʼ alì ghaʼa ətyɨm, kə̀ʼtə̀ ə lu ndiʼ a kəshi kə fòyn ə Nyìngòŋ. Və nghʉ̀ mo a fəŋ ə̀ Batmòs byìʼàndo mà ə̀ nshə̀ʼtə̀ ntɨm ə̀ Nyìngòŋ be shə̀ʼtə̀ ənyʉ̀ nəmwèʼè vi a Yesò ə̀ ndiʼi a ndayn.

Kəmwetə 19:10

Mo Joyn shiʼi a nse la ma kəŋə ghoʼsə wen alì ghə̀ gàʼ à mò la, “Kə a mwòm! mà bè dìʼ wù shyèʼ ə̀ Nyìngòŋ to nə̀ wù əboʼsə nə̀ vəlèmə̀ vyə vi a və̀ nshɨ̀tə̀ ghàʼ nəmwèʼè yì a Yesò ə̀ ndiʼì. Ghoʼsə Nyìngòŋ.” Nəmwèʼè ayì a Yesò ə̀ nlù dìʼ a ndayn dìʼ kənyʉ̀ a kə gyàmtə̀ nshə̀ʼtə̀sə sə̀ghoʼkəsə la sə̀ nshə̀ʼtə̀ kənyʉ̀ kə Nyìngòŋ.