1 Kolìntyàns 16:16 - The New Testament in the Babanki language

¹⁶ ghə̀ŋ ə nzhʉ fa viʼi alə to nə̀ vəwenə no tèbe nə̀ ndò ə tsen yi a ghə̀ shwèʼè wenə vəwenə.

1 Kolìntyàns 16:16 ပူးပေါင်းရင်းမြစ်များ

Lumans 16:12

Ghə̀ŋ toŋtə Tìfenà wenə Tìfosà, ə viʼi ə shyèʼ ə Bobo, ə tòŋtə Besìs, ə lèmə̀ vəghəŋ ə jùŋ. Ghə̀ shyèʼ li a Bobo no nànto.

Lumans 16:3

Ghə̀ŋ toŋtə Blisilyà wenə Akwilà a yo vəwenə ə shyèʼ a Yesò Klistò amuʼ.

Lumans 16:6

Ghə̀ŋ toŋtə Mèli. Ghə̀ shyèʼ li no nə̀ kədyoʼkə a ghə̀ŋ.

Lumans 16:9

Ghə̀ŋ toŋtə Obanùs a vəghəŋ vəwenə tsèntə shyèʼ a Yesò benə wùndoŋ ghom Sɨ̀takìs.

1 Kolìntyàns 12:28

A diʼ a ngə̀ŋ Nyìngòŋ mu Nyìngòŋ ə gə̀sə̀ li viʼi ə ghʉ̀ a tə chʉ̀ tə shwèʼ to tənkì a tənkì. Ghə̀ ghʉ̀ li viʼi ambì, a diʼ viʼi ntɨm, ə kùmtə nə̀ nshə̀ʼtə̀sə. Fa yi abàm ghə̀ ghʉ̀ ndìʼsə̀sə ə be ghʉ̀ viʼi vyi a və ne nyʉ̀ ə kaynəvə ə ghʉ̀ vətsevə la və nə̀ chʉʼʉ viʼi nə̀ viʼi a və gyàmtə̀ viʼi vətsenvə. Ghə̀ ghʉ̀ li viʼi la və ə̀ tisə viʼi ə ghʉ̀ vətsevə la və nkɨ təgaʼ tə tsentə, ko andiʼ la à ziʼi wìʼ ə ziʼi vəwenə tsu.

1 Kolìntyàns 3:9

Yès no və tsèm ə tsèntə shyèʼ to a Nyìngòŋ. Ghə̀ŋ diʼ əsɨm Nyìngòŋ be diʼ ngə̀ŋ wen.

Efisyàns 5:21

Ghə̀ŋ ne gumlə təwenə tyəŋtə byìʼì ando ghə̀ŋ kuʼsə Klistò.

Filìbàyns 4:3

Mà gaʼa à wù a ma ghʉ ə tyɨmə ghomə a wù a yowù tsentə̀ ə̀ shyèʼ a muʼu, Mà kəŋ la wù gyamtə ki venə byìʼe yo vəwenə nshə̀ʼtə̀ ntɨm ə jùŋ amuʼ əboʼsə nə̀ Clemèn bènə̀ viʼi vətsenvə a təzhiʼ tə vəwenə sə̀ diʼ a ŋwàʼlə̀ əbwòŋ.

1 Tèsàlonyà 1:3

Yes ə zhʉsə njɨ̀mə̀ a Nyìngòŋ ə, Tìʼ vəghəŋ, yes ə sə kwoʼtə ando ghə̀ŋ nè shyèʼ ə jùŋ ghə̀ byìʼì ando ghə̀ŋ byɨmə a Bobo vəghəŋ Yesò Klistò be kwoʼtə ando ghə̀ŋ tə nshyèʼ no nə̀ kədyoʼkə byìʼì ando ghə̀ŋ kòŋ wen. Yes be kwoʼtə ando ghə̀ŋ kəʼtə wen, kɨ kɨ la ghə̀ lu bwenə vi.

1 Tèsàlonyà 2:9

Vəlemə, ghə̀ŋ kɨli ando yes ə nshyèʼ no nə̀ kədyoʼkə. Yes ə nshyèʼ nə̀nchwì shyèʼ nətʉʼ ndi kə ghə̀ŋ faŋ nlè kəfo a yes a kətʉ ando yes ə shə̀ʼtə̀ ntɨm ə jùŋ na ghèn a ghə̀ŋ a Nyìngòŋ ə ku la yes ə shə̀ʼtə̀.

1 Tèsàlonyà 5:12

Vəlemə, yes ə sensə la, ghə̀ŋ shɨtə gumlə viʼi vyi a və shwèʼè a ghə̀ŋ a ntìntìn alə̀ to nə̀ əchʉ̀ ənòyn nə̀ viʼi və byɨməvə. Vəwenə tisə ghə̀ŋ be tùʼmə̀ nə̀ ghə̀ŋ.

1 Timotì 5:17

Və diʼ ə ngumlə̀ bè loʼo zomtə vəchəʼ vi a və shɨtə ne shwèʼ ə vəwenə, bè shɨtə loʼo zomtə əvi a və shə̀ʼtə̀ ntɨm ə jùŋ be ziʼi viʼi,

Hibùlù 13:17

Ghə̀ŋ nzhʉ to fa viʼi vyi a və tisə ghə̀ŋ, kə ghə̀ŋ nə̀ to kətʉ a vəwenə. Vəwenə tuʼmə nə̀ ghə̀ŋ, diʼ lù taŋ əchʉ̀ vəwenə a Nyìngòŋ kumə shwèʼè a ghenə. Ghə̀ŋ sətsen ə̀ nzhʉ to fa vəwenə, kə a gyàmtə̀ vəwenə nè shwèʼè nə̀ saŋlə, kə be a boŋ ə gyàmtə̀ ghə̀ŋ.

Hibùlù 13:24

Ghə̀ŋ toŋtə tʉtʉ vəŋə nə̀ viʼi Nyìngòŋ no vətsèm. Viʼi və byɨməvə vyi a və tsi alòʼ ə Italì ətɨmə ətoŋtə a ghə̀ŋ.

Hibùlù 6:10

Nyìngòŋ ə nə̀ nè no tèbe ghò to ji tɨmə. Ghə̀ zizi ko ghə̀ lu lyesə kòŋ yì a ghə̀ diʼi a viʼi wen nə̀ shwèʼ yì a ghə̀ŋ nè ə gyamtə vəwenə. A diʼ no tèbe luwen, ghə̀ŋ bo shwèʼè to ali.

1 Bità 5:5

Mbvòʼò ə wìʼ, ghə̀ŋ ə be zhʉ to fa vəchəʼ və ngə̀ŋ Nyìngòŋ. Ghə̀ŋ nò vətsèm mòʼ gumlə a ghə̀ŋ wèn a nə̀ ndisə ə gumlə təwen ə təŋtə. Ghə̀ŋ kɨli la Nyìngòŋ ə baynə viʼi vyi a və ghaŋsə əwen, ali tùʼmə̀ nə̀ viʼi a və shiʼsə təwen tə vəwenə.

3 Joyn 1:8

Kə mu sə diʼ la vəghəŋ diʼ ə ntomsə̀ nki viʼi avenə ndi vəghəŋ ə ntsèntə̀ shyèʼè à nəmwèʼè.

Kəmwetə 2:3

Mà kɨ la ghə̀ŋ kwiʼi tətyɨm mu ghə̀ŋ be yèn ə ngəʼsə byìʼì mò no sə ghoʼo, kènla ghə̀ŋ ə bwaʼkə li,