1 Kolìntyàns 16:14 - The New Testament in the Babanki language

¹⁴ Ghə̀ŋ ə ne no tèbe gho, ghə̀ŋ ə ne koŋə.

1 Kolìntyàns 16:14 ပူးပေါင်းရင်းမြစ်များ

Joyn 15:17

Kènkə diʼ əsoʼ ə ghomə la, ghə̀ŋ kòŋ təwen ə təŋtə.

Lumans 14:15

Wù sətsen ə zhɨ̀ nki kəfo kətsen kə, kənyʉ̀ kikə ə ku ngəʼ a kwòʼtə ə lèmə̀ wù, ko kə be a diʼi la wù kòŋ wen. Kə wù a nè la lèmə̀ wù fəŋ byìʼì kəfo kì a wu zhɨ. Wù kɨli la Yesò ə pfʉ a wen.

1 Kolìntyàns 12:31

Ghə̀ŋ ə soynə ə kiʼi kəku a kə kiʼ shwèʼ ghoʼoghə. Ma diʼ ji a ghə̀ŋ luwen, ghə̀ bòŋ kwʉʼʉ.

1 Kolìntyàns 14:1

Ghə̀ŋ nkəŋ ji to məzhʉ̀ ə tsèm ə ndiʼi əkòŋ a viʼi. Ghə̀ŋ ə soynə ə kiʼi kəku kikə a kəzhwì kə Ŋwoʼkə ə ku, soynə no nəkwoŋ la kə ne, ghə̀ŋ nkɨ ə shə̀ʼtə̀ ntɨm ə Nyìngòŋ.

1 Kolìntyàns 16:15

Ghə̀ŋ kɨli Sɨ̀tèfanàs a vəlemə vwomə, wenə viʼi ngwaʼ ə wen diʼi mbìsə viʼi əbyɨmə Akayà. Vəwenə ku li təwen tə vəwenə sə gyamtə viʼi Nyìngòŋ. Ma sə sensə ghə̀ŋ la,

1 Kolìntyàns 8:1

Ma kəŋ ə gàʼa kənyʉ̀ luwen kumə əfo ə zhɨvə vyi a və moʼo a nshəʼsə. Vəghəŋ ə kɨ la vəghəŋ vətsèm ə kiʼ ətof. Ətof ə vì to nə̀ əghaŋsə ə wenə ali əkòŋ ə bwòm viʼi bwòmə.

Gàlesìyà 5:22

Alì kəzhwì kə Ŋwoʼkə kòŋ la: viʼi ə̀ nkòŋ vətsevə, saŋlə, kiʼ mbwaʼmə, wensə, kiʼi tyɨmə jùŋ ghə̀ be nè njùŋ a viʼi, choʼsə viʼi.

1 Tèsàlonyà 3:12

Bobo na nè ə ghə̀ŋ tuʼ kòŋ təwen ə tyəŋtə be kòŋ viʼi və tsèm ndə̀ŋndəŋ ando yes ə kòŋ ghə̀ŋ.

1 Tèsàlonyà 3:6

Timotì bwensə li vi luwen ə shə̀ʼtə̀ ntɨmə ə jùŋ a yes la ghə̀ŋ bo choʼsə to Yesò, be kòŋ viʼi vətsenvə. Ghə̀ be ə gàʼ la ghə̀ŋ kwòʼtə̀ yes no zhʉ̀ko, a ghə̀ŋ saŋlə to alə, kòŋ ə yen yes tamə ando yo wen ə kòŋ ə yen ghə̀ŋ.

2 Tèsàlonyà 1:3

Vəlemə, yès nə̀ ku kəzòŋ a Nyìngòŋ to məzhʉ̀ ə tsèm byìʼì ghə̀ŋ. A diʼ to no kənyʉ̀ kə jùŋ kə a yès ə nè alə byìʼì ando əbyɨmə ə ghəŋə a Yesò ə kwi dyʉ̀ to ambì, ə kòŋ ə ghəŋə be kwi dyʉ̀ to ambì.

1 Timotì 1:5

Mà gaʼa kənyʉ̀ a kenkə à wù alə byìʼì ando ma kəŋ la viʼi və byɨməvə ə kiʼ əkòŋ yi a ghə̀ fʉ̀ fa tətyɨm tə laynə tə, kə və wenə a nkiʼ kwòʼtə̀ ə byɨghə, bè nkiʼ əbyɨmə yi a ghə̀ diʼi nəmwèʼè.

Hibùlù 13:4

Ghə̀ŋ ə̀ nshɨtə ghaʼa kənyʉ̀ ki a Nyìngòŋ ə gàʼa kumə làm. Kə wìʼ ə lu əwʉ̀sə lɨmə wen kò wùwì wen ə dyʉ̀ ntsì wenə wù kədyàŋ. Ghə̀ŋ kɨli la Nyìngòŋ ə lu soʼ no ndò yi a ghə̀ tsi a ji na ghèn ə soʼo no tèbe ndò ə tsen yi a ghə̀ tsi ntsìnə̀ kənfwàʼlə̀ wenə və ki ko lʉmə.

1 Bità 4:8

Nò kənyʉ̀ kə to kə ə diʼ la ghə̀ŋ ə shɨtə kòŋmə tə wenə ətəŋtə byìʼì ando əkòŋ ə na nè, və lyesə ku mbyɨsə to kədə̀ŋ.

2 Bità 1:7

Ghə̀ŋ sə tsì ntsìnə̀ na yì, ghə̀ŋ ə kòŋ vəlemə, kə ghə̀ŋ kòŋ to vəlemə ali ghə̀ŋ be kiʼi kòŋ to a viʼi vətsèm.