1 Kolìntyàns 16:10 - The New Testament in the Babanki language

¹⁰ Timotì vi no zhʉ̀ko, kə ghə̀ŋ a ne la ghə̀ nki əfwàyn a ghə̀ŋ a ntìntìn byìʼì ando ghə̀ ne shyèʼ Bobo ndə̀ŋndəŋ to nə̀ mò.

1 Kolìntyàns 16:10 ပူးပေါင်းရင်းမြစ်များ

Shwèʼ 16:1

Bol wenə̀ Silàs jèʼ ə̀ dyʉ̀ zaʼa Delbə̀ nə̀ Lista. Wu byɨmə tsen ntsi tsu, zhiʼ wen diʼ Timotì, lì wen be diʼ wu byɨmə, a ndìʼ Jus, alì tìʼ wen diʼ wu Glis.

Shwèʼ 19:22

Ghə̀ ghʉ a lì mù tɨ̀m viʼi vi vəbò a və ngyàmtə̀ wen a ndiʼì Timotì wenə̀ Elastùs, la vəwenə dyʉ̀ a Macedonia a mbì, ghə̀ be tsìtə a Asìyà.

Lumans 16:21

Timotì, a yo wen ə shyèʼ amuʼ ə tɨmə ətoŋtə a ghə̀ŋ. Lusìyùs nə̀ Jesɨ̀yn nə̀ Sòsìbatà ə viʼi lòʼ yès ə be tɨmə ətoŋtə a ghə̀ŋ.

1 Kolìntyàns 15:58

Ma sə gàʼà a ghə̀ŋ a vəlemə vwomə və juŋəvə la, ghə̀ŋ shɨtə ghaʼ əbyɨmə ə ghəŋə, kə ghə̀ a nə̀ʼkə̀. Ghə̀ŋ ə nghablə, shyèʼ a Bobo to məzhʉ̀ ə tsèm byìʼì ando ghə̀ŋ kɨli la shwèʼè ghəŋə a wen zizi ko ghə̀ lu ə lè to kədyàŋ.

1 Kolìntyàns 16:11

Kə wìʼ fa ghə̀ŋ a chasə ə wen. Ghə̀ŋ gyàmtə̀ wen, ghə̀ jeʼ to nə̀ mbwaʼmə ə bwenə vi byìʼì ando yo vəlemə vətsenvə ə kəʼtə wen.

1 Kolìntyàns 4:17

A le kənyʉ̀ kì a mà tɨm Timotì a ghə̀ŋ. Ghə̀ diʼ wàyn ə koŋə ə mò, ma choʼsə wen byìʼì ando ghə̀ dzɨ̀mtə̀ Bobo no akayn. Ghə̀ a ne la ghə̀ŋ kwoʼtə ntsìnə̀ yì a ma tsi to nə̀ wù ə Yesò. Ma ziʼi ntsìnə̀ a ghèn a ntsèntə̀sə viʼi və byɨməvə to ashi ə tsèm.

2 Kolìntyàns 1:1

A nyòʼò mo Bol ə wù ə ntɨm ə Yesò Klistò mu à ntsuʼ Nyìngòŋ ntsuʼ mo fa wen a kòŋ. Ma nyoʼo ŋwàʼlə̀ ghèn a ntsèntə̀sə viʼi Nyìngòŋ vyi no vətsèm a və tsi a Kolìn, be nə̀ a ghə̀ŋ viʼi Nyìngòŋ vyi a ghə̀ŋ tsi ashə Akayà no vətsèm. Ma diʼ yo Timotì ə lèmə̀ ə vəghəŋ a byɨmə.

2 Kolìntyàns 6:1

A nə̀ viʼi a və shwèʼè wenə və Nyìngòŋ amuʼ, yès ə sensə ghə̀ŋ la ando Nyìngòŋ ə diʼ li ə boŋ tyɨm ə wen a ghə̀ŋ lə, kə ghə̀ŋ a nè ə boŋ tyɨm ə wen a ghenə lè to kədyàŋ.

1 Tèsàlonyà 3:2

ə tɨm lèmə̀ yes Timotì yi a ghə̀ shwèʼè a Nyìngòŋ yo wen, shə̀ʼtə̀ ntɨm ə jùŋ kumə Yesò. Yes ə tɨm Timotì la ghə̀ vi ə nè ghə̀ŋ kiʼ ətɨm ə to ghə̀, tuʼ choʼsə Yesò,

1 Tèsàlonyà 4:12

Ghə̀ŋ sətsen ə nè alə viʼi vi à ko diʼ viʼi və byɨməvə nə̀ gumlə ghə̀ŋ, ghə̀ŋ nə̀ zhɨ̀ to byìʼì kəzhʉʼsə ə kəŋkə̀, ko wu a nki tebè wìʼ.