1 Kolìntyàns 15:14 - The New Testament in the Babanki language

¹⁴ Kə sətsen ə ndiʼ la və kò ə nlùsə Yesò fa pfʉ, a kə ne diʼi la əziʼi ə yesə le li to kədyàŋ, tèbe əbyɨmə ə ghəŋə be andiʼ to byɨmə zɨm ghə̀.

1 Kolìntyàns 15:14 ပူးပေါင်းရင်းမြစ်များ

Matìyò 15:9

Vəwenə ghoʼsə̀ mò tò kədyàŋ kədyàŋ byìʼàndo vəwenə dìʼsə̀ təsoʼ mu a shɨ̀tə̀ viʼi ə ghʉ la à dìʼ təsoʼ tyomtə?”

Shwèʼ 17:31

Nyìngòŋ nlù gàʼ a lì byìʼàndo ghə̀ ndìʼ mu ghə̀ ghʉ li kətsi kì a ghə̀ lu soʼ viʼi vətsèm tsu a mbi ashə̀ a ji tɨmə. Ghə̀ lu nè wìʼ, yì a ghə̀ ntsuʼ li ə̀ ghʉ soʼ viʼi avenə à wen. Ghə̀ diʼì li kənyʉ̀ a kènkə ə̀ myètə̀ a ndayn a ji la ghə̀ tə nè wìʼ ayì bwènsə̀ lù fà pfʉ.”

1 Kolìntyàns 15:13

Nò tèbè ali, kə sətsen ndi nəmwèʼè la viʼi ko lu lù tebè fa pfʉ, a kə a ndiʼi la Yesò nko nlù fa pfʉ.

1 Kolìntyàns 15:17

Kə sətsen ə ndiʼ la və kò ə lùsə Yesò fa pfʉ, a əbyɨmə ə ghəŋə a diʼ to byɨmə zɨm ghə̀, mbyɨ shəŋsə bo a diʼ to a ghə̀ŋ a kətʉ.

1 Kolìntyàns 15:2

A diʼ ntɨm ə jùŋ na ghèn a ghə̀ zizi ghə̀ bwoŋsə ghə̀ŋ, azhʉ̀ a ghə̀ŋ shətə ghaʼa kənyʉ̀ ki a mà tə shə̀ʼtə̀ a ghə̀ŋ, bwen ali, əbyɨmə ə ghəŋə a lè to kədyàŋ.

Gàlesìyà 2:2

Ma nkuʼ tsu byìʼì ando Nyìngòŋ ə diʼi a mò la ma diʼ ə kuʼ. A ndiʼ to ando ma diʼi tsu, ma nyoʼtə gàʼ to fa abàm fa abàm yo viʼi vyi a və ndiʼ tʉtʉ ntsèntə̀sə viʼi vəbyɨməvə a Jelusalèm, ə shətə shə̀ʼtə̀ ntɨm ə jùŋ yì a ma ə nshə̀ʼtə̀ a viʼi a nko diʼ viʼi Jus. Ma ə nshə̀ʼtə̀ ali ndiʼ shyèʼ yì a ma ne luwen nə̀ yi a mà tə nè, kə ghə̀ lə lè to kədyàŋ.

1 Tèsàlonyà 4:14

Vəghəŋ ə byɨmə la Yesò ə mpfʉ ə bwensə lù fa pfʉ, be byɨmə la Nyìngòŋ ə lu nè Yesò lyɨ̀ viʼi vyi a və ə tə pfʉ byɨmə ə vəwenə bwenə kuʼ a akàŋ, wenə vəwenə tsèntə diʼ to muʼ.

Jems 1:26

No ndò sətsèn ə nkwòʼtə̀ la ghə̀ dìʼ wu byɨmə ke nkɨ jì ə tisə kəlyɨmə kə wen mu ghə̀ lobtə̀ wen ə wen kò a ndiʼ la byɨmə wen ə kwʉʼʉ̀ tè a kənyʉ̀ kətsenkə.

Jems 2:20

Kəngwʉ̀ʼ kə kəfo kèn! Wù kəŋə la və dìʼ à wù la byɨmə kènə̀ shyèʼè dìʼ kənzɨm kə byɨmə mu?