1 Kolìntyàns 14:34 - The New Testament in the Babanki language

³⁴ Ki na ndyʉ̀ a ntsèntə̀sə, kə və a gàʼa byìʼì ando və ko ku adyòʼ la vəwenə ngàʼa. Vəwenə ə diʼ ə ndi to a ti əsoʼ ə lʉ̀mə ando Əsoʼ ə gàʼa.

1 Kolìntyàns 14:34 ပူးပေါင်းရင်းမြစ်များ

1 Kolìntyàns 11:13

Ghə̀ŋ soʼtə̀ to no fa ghə̀ŋ a ngeŋsə la, kə lə diʼ a le la wùwì ə nti a ntìntìn ə viʼi, jɨ̀mə̀ a Nyìngòŋ ko andiʼ la ghə̀ chiʼtə kətʉ kə wen lo?

1 Kolìntyàns 11:3

ali ma kəŋ la ghə̀ŋ ə kɨ la, Yesò diʼ kətʉ̀ kə lʉ̀mə vətsèm, wulɨm diʼ kətʉ̀ a wì wen, Nyìngòŋ ə diʼ kətʉ̀ a Yesò.

1 Kolìntyàns 11:5

A wùwì, mu ghə̀ sətsèn njɨ̀mə̀ kò ghə̀ shə̀ʼtə̀ ntɨm mu ghə̀ lù fa Nyìngòŋ ko andiʼ la ghə̀ chiʼtə li kətʉ kə wen, ghə̀ a diʼsə kətʉ kə lɨmə wen, a ghə̀ diʼi kətʉ a wen. Ghə̀ yi ne alə, ko nəkwoŋ na diʼ fa wen nə̀ wùwì yi a və kom li kətʉ̀ kə wen.

1 Kolìntyàns 14:21

Və nyòʼò li a ŋwàʼlə̀ Əsoʼ la: “A gàʼà mò Nyìngòŋ la, Mà lu ne, ə viʼi tɨm ə̀ nshə̀ʼtə̀ ntɨmə ghom a viʼi venə. Mà lu ne, ə və gàʼ a vəwenə a gàʼà kətɨm. Və lu ne tèbe alə̀, vəwenə tyen la və ko zhʉtə kənyʉ̀ kì a ma gàʼà.”

1 Kolìntyàns 14:35

Wìʼ fa tsu sətsen ə kòŋ ə kɨ kənyʉ̀, ghə̀ bèmə a lɨmə wen a ngə̀ŋ, byìʼì ando à diʼ kənyʉ̀ kə kətʉ kədiʼkə ə wùwì ngàʼà a ngə̀ŋ Nyìngòŋ.

Efisyàns 5:33

Luwen le no wulɨm ko kòŋ wi wen ndə̀ŋndəŋ ando ghə̀ kòŋ wèn ə wen. No wùwì ko be gumlə lɨmə wen.

Kòlòsyàns 3:18

Ghə̀ŋ diʼi ə gumlə lʉmə vəŋə a ki və lamkəvə. A diʼ kənyʉ̀ a viʼi vyi a və dzɨ̀mtə̀ Bobo diʼ ənè.

Taytùs 2:5

Ki vətokəvə avenə diʼ ndìʼsə̀ ki a və bò làm tò lamə la vəwenə nghaʼa təwen tə vəwenə be laynə à vəwenə ntsìnə̀sə, shwèʼè à vəwenə aloʼ, tùʼmə̀ be zhʉmə̀ vəlɨm və vəwenə, ndi kə wìʼ à nkiʼ no kənyʉ̀ kə byɨkə kətsenkə gàʼ byìʼì kənyʉ̀ kə Nyìngòŋ.