1 Kolìntyàns 14:31 - The New Testament in the Babanki language

³¹ Nò ghə̀ŋ vətsèm zizi ghə̀ŋ a shə̀ʼtə̀ ntɨm mu ghə̀ lù fa Nyìngòŋ azhʉ̀ wìʼ ə mùʼ ə gàʼà chiʼ mibu ghətsen be gàʼ ndiʼ viʼi ziʼi nyʉ̀ fa yi tin be kɨ və gyamtə vəwenə.

1 Kolìntyàns 14:31 ပူးပေါင်းရင်းမြစ်များ

Lumans 1:12

Kənyʉ̀ ki a ma gaʼa diʼ la mà vi, ə vəghəŋ və tsèm tsentə se kənyʉ̀. Mà vi, ə lɨ̀msə̀ ghə̀ŋ a ghə̀ŋ əbyɨmə, ghə̀ŋ be boŋ lɨ̀msə̀ mò a mo əbyɨmə.

1 Kolìntyàns 14:19

Alì mu mà yi ngàʼà a ngə̀ŋ ə Nyìngòŋ, mà ne kòŋ ə gàʼ to nyʉ̀ à tayn la viʼi zhʉ kɨ ə ziʼi kənyʉ̀ fa kənyʉ̀ a ma gàʼà chò ando mà yi gàʼà nyʉ̀ nkamsə əwùm a təgaʼ tə kədyàŋ, ko viʼi lu ə nzhʉ.

1 Kolìntyàns 14:3

Alì a wìʼ yi a ghə̀ shə̀ʼtə̀ nyʉ̀ mu və lù fa Nyìngòŋ, ghə̀ gàʼà a viʼi ə gyàmtə̀ la vəwenə nə̀ kiʼi ətyɨm ə to ghə̀, be kiʼi tyɨm əzhʉtəghə.

1 Kolìntyàns 14:30

Nshə̀ʼtə̀ zìtə̀ ə gàʼ kənyʉ̀, Nyìngòŋ ə ku ntɨm ə fi a wìʼ ə tsen, nshə̀ʼtə̀ ə mbì ə chiʼ ndiʼ wìʼ ayi gàʼ.

1 Kolìntyàns 14:32

Viʼi vi a və kiʼi kəku nshə̀ʼtə̀ ntɨm mu ghə̀ lù fa Nyìngòŋ diʼ nshɨtə kɨ ə ghaʼ ntɨm ayi.

1 Kolìntyàns 14:35

Wìʼ fa tsu sətsen ə kòŋ ə kɨ kənyʉ̀, ghə̀ bèmə a lɨmə wen a ngə̀ŋ, byìʼì ando à diʼ kənyʉ̀ kə kətʉ kədiʼkə ə wùwì ngàʼà a ngə̀ŋ Nyìngòŋ.

2 Kolìntyàns 1:4

Ghə̀ wye tətyɨm tə vəghəŋ a zhʉ a vəghəŋ diʼi no ngəʼ ko a yi, ndi vəghəŋ ə be wye tətyɨm tə viʼi vətsevə a zhʉ̀ a vəwenə ə yenə ngəʼ, ndə̀ŋndəŋ ando Nyìngòŋ wye tətyɨm tə vəghəŋ.

Efisyàns 6:22

A diʼ kənyʉ̀ kikə a ma tɨmə wen a ghə̀ŋ alə ndi ghə̀ vi ə shə̀ʼtə̀ soʼgho a ghə̀ŋ kumə yès, be lɨ̀msə̀ ghə̀ŋ a ghə̀ŋ əbyɨmə.

Kòlòsyàns 2:2

Ma ne alə̀ ndi vəwenə kiʼ tətyɨm tə totə, ndiʼ to kənyʉ̀ kə mùʼ, kòŋ tə wen tyəŋtə. Ma kəŋ la ghə̀ŋ shɨtə kɨ nyʉ̀ vyi a Nyìngòŋ ə lyomtə ndi ghə̀ŋ tuʼ tə ghaʼ nyʉ̀ na venə ə kiʼ əbwaʼmə ə ghoʼo. Ənyʉ̀ na venə a Nyìngòŋ ə nlyomtə sə diʼ luwen mu ghə̀ diʼi li làynsə a vəghəŋ a diʼ Klistò.

1 Tèsàlonyà 4:18

Ghə̀ŋ shə̀ʼtə̀ nyʉ̀ na venə a yès ə nyoʼo lə ə nè la tətyɨm tə vəlemə vəŋə ə saŋlə.

1 Tèsàlonyà 5:11

Ali ma sə gàʼa la, ghə̀ŋ ku ətyɨm ə to ghə̀ a vəlemə vəŋə, gyàmtə̀ vəwenə no tèbe ando ghə̀ŋ sə gyàmtə̀ to no luwen.

1 Tèsàlonyà 5:14

Yes ə sensə tamə ghə̀ŋ a vəlemə la, ghə̀ŋ ku kətyiftə a viʼi vyi a və ko kòŋ tebè ə nə̀ shyèʼ, ə nè la viʼi və fwàynkəvə ə nkiʼ tətyɨm tə totə, ə gyàmtə̀ viʼi vyi a vəwenə ə kəŋ ə gyamtə. Ghə̀ŋ ə kiʼ əkwiʼ ətyɨm no tèbe a ndò.

1 Tèsàlonyà 5:20

kò tensə ntɨm yì a viʼi shə̀ʼtə̀ a ghə̀ŋ mu ghə̀ lù fa Nyìngòŋ.