1 Kolìntyàns 14:3 - The New Testament in the Babanki language

³ Alì a wìʼ yi a ghə̀ shə̀ʼtə̀ nyʉ̀ mu və lù fa Nyìngòŋ, ghə̀ gàʼà a viʼi ə gyàmtə̀ la vəwenə nə̀ kiʼi ətyɨm ə to ghə̀, be kiʼi tyɨm əzhʉtəghə.

1 Kolìntyàns 14:3 ပူးပေါင်းရင်းမြစ်များ

Ŋwàʼlə̀ Luk 3:18

Ghə̀ gàʼ ali ə shə̀ʼtə̀ ntɨm ə jùŋ à vəwenə ə bè tyɨftə vəwenə a jisə a jisə.

Shwèʼ 13:15

Və dzàŋ nyʉ̀ fa ŋwàʼlə̀ soʼ Mosìs bènə̀ fa vəŋwàʼlə̀ və nshə̀ʼtə̀ sə ghoʼkəsə, viʼi vyi a və ntisə nyʉ̀ a ngə̀ŋ ntsèntə̀ tɨm wìʼ la ghə̀ gàʼ à vəwenə la, “Vəlèmə̀ vyesə, a zhʉ a ghə̀ŋ kiʼi kənyʉ̀ əgàʼ a kə a gyàmtə̀ ətosə byɨmə viʼi venə, ghə̀ŋ ə gàʼa.”

Shwèʼ 14:22

ə tomsə viʼi vəbyɨməvə la vəwenə nghaʼa tyɨmə a vəwenə a byɨmə. Vəwenə bè gàʼ la, “Vəghəŋ diʼi chò fa tì ngəʼsə no sə ghoʼo mibu kwen a kəshi kə fòyn Nyìngòŋ.”

Shwèʼ 15:32

Judàs wenə̀ Silàs, a ndiʼì nshə̀ʼtə̀sə səghoʼkəsə lyɨ̀ zhʉ no alə̀ əshə̀ʼtə̀ ntɨm ə̀ Nyìngòŋ a vəwenə ə be gàʼa nyʉ̀ à və tomsə̀ la vəwenə nto a vəwenə a byɨmə be kiʼ kədyòʼ.

Shwèʼ 4:36

Wù loʼ Sayblùs tsen be fʉ̀ vì nə̀ ko a ghə̀ mbaʼlə̀ sɨm ə wen tsu ə̀ kù à viʼi ntɨm Yesò la vəwenə gətə à viʼi və byɨməvə. Zhiʼ wìʼ ayi ndìʼ Josèf, və ndzàŋ wen la Balnabas kənàʼ kikə diʼ la, “Ghə̀ nwe tətyɨm” Ghə̀ ndìʼ wù ngwàʼa ngə̀ŋ Levì.

Shwèʼ 9:31

No viʼi vəbyɨməvə vətsèm a Judiyà nə̀ Galìlì bènə̀ a Samalìyà nko be fàynə. Nòyn viʼi vəbyɨməvə mù sə ghoʼo vì tò vì, byɨmə vəwenə be to kuʼu tò kuʼu, Kəzhwì kə ŋwòʼəkə gyàmtə̀ vəwenə, vəwenə ntsi ando Bobo nkəŋə.

Lumans 12:8

Wìʼ ə nkɨ ə tyɨftə viʼi, ghə̀ ə̀ tyɨftə to tyɨftə; wìʼ nkɨ ə ku fo ə gyàmtə̀ viʼi, ghə̀ nku, kə ghə̀ a nghə̀ʼ. Wìʼ a ghə̀ tisə viʼi diʼ ə ne shyèʼ to nə̀ ətyɨm ə wenə no tsèm, yi a ghə̀ tuʼmə nə̀ viʼi ə nshyèʼ to nə̀ saŋlə.

Lumans 14:19

Vəghəŋ mwomsə ə nè to nyʉ̀ vyi a və vì nə̀ mbwaʼmə, nè la viʼi ə kwi a vəwenə byɨmə.

Lumans 15:2

No ndò ə ne to kənyʉ̀ a lèmə̀ wen na saŋlə to saŋlə ndiʼ na kèn kə gyàmtə̀ ə kwisə wen.

1 Kolìntyàns 10:23

Viʼi vətsenvə nə̀ gàʼa la vəghəŋ ə kiʼi kədyòʼ ə ne no tèbe ghò, alì a ko diʼ nyʉ̀ ə tsèm a və gyàmtə̀ vəghəŋ. Viʼi vətsenəvə nə̀ gàʼa la vəghəŋ ə kiʼi kədyòʼ ə ne no tèbe ghò, ali a ko diʼ nyʉ̀ ə tsèm a və bòŋ.

1 Kolìntyàns 14:12

Ma gàʼà la, ando ghə̀ŋ lɨ̀mtə̀ ə kiʼi kəku kə kəzhwì kə Ŋwoʼkə, ghə̀ mwomsə no nə̀ kədyòʼ kə ə ne tə shwèʼ a tə gyàmtə̀ ə kwisə ngə̀ŋ ə Nyìngòŋ.

1 Kolìntyàns 14:17

Wù zi wù njɨ̀mə̀ ə ku kəzòŋ a Nyìngòŋ ə no nkayn, ali kò kə lə gyàmtə̀ viʼi vətsen və no fa mphen.

1 Kolìntyàns 14:26

Vəghəŋ zizi və gàʼà no la gho a vəlemə vwomə? Ghə̀ŋ zizi a ghə̀ŋ gàʼà la, ghə̀ŋ zhùŋtə̀ no zhʉ̀ko, wìʼ ə sə kiʼ dzàŋ ə zhɨm, ghə tsen ə kiʼi kənyʉ̀ a ziʼi, ghətsen kiʼi kənyʉ̀ a Nyìngòŋ ə diʼ làynsə a wen, ghətsen ə kiʼ kənyʉ̀ ə gàʼ a gàʼà ə kədyàŋ, ghətsen diʼ ə shə̀ʼtə̀ nyʉ̀ vyi a və gàʼa. Ghə̀ŋ ə ne nyʉ a venə ə no tsèm to gyamtə viʼi və byɨməvə.

1 Kolìntyàns 14:31

Nò ghə̀ŋ vətsèm zizi ghə̀ŋ a shə̀ʼtə̀ ntɨm mu ghə̀ lù fa Nyìngòŋ azhʉ̀ wìʼ ə mùʼ ə gàʼà chiʼ mibu ghətsen be gàʼ ndiʼ viʼi ziʼi nyʉ̀ fa yi tin be kɨ və gyamtə vəwenə.

1 Kolìntyàns 8:1

Ma kəŋ ə gàʼa kənyʉ̀ luwen kumə əfo ə zhɨvə vyi a və moʼo a nshəʼsə. Vəghəŋ ə kɨ la vəghəŋ vətsèm ə kiʼ ətof. Ətof ə vì to nə̀ əghaŋsə ə wenə ali əkòŋ ə bwòm viʼi bwòmə.

2 Kolìntyàns 1:4

Ghə̀ wye tətyɨm tə vəghəŋ a zhʉ a vəghəŋ diʼi no ngəʼ ko a yi, ndi vəghəŋ ə be wye tətyɨm tə viʼi vətsevə a zhʉ̀ a vəwenə ə yenə ngəʼ, ndə̀ŋndəŋ ando Nyìngòŋ wye tətyɨm tə vəghəŋ.

2 Kolìntyàns 2:7

Ghə̀ŋ lyesə ku wen luwen be bwaʼsə ə tyɨm ə wen a bwen alì, a ghə̀ a faŋ a kwoʼ mbyi ə fəŋ fa wen a byɨmə.

Efisyàns 4:29

Kə əgaʼa byɨkə ə lu fʉ̀ fa wìʼ chʉ̀. Ghə̀ŋ ə boŋsə gàʼa to kənyʉ̀ ki a ghə̀ŋ zizi ghə̀ŋ gyamtə viʼi və tò a vəwenə byɨmə ndiʼ no ndo a ghə̀ əzhʉ əgàʼ ə ghəŋə, ghə̀ a sè kənyʉ̀.

Efisyàns 6:22

A diʼ kənyʉ̀ kikə a ma tɨmə wen a ghə̀ŋ alə ndi ghə̀ vi ə shə̀ʼtə̀ soʼgho a ghə̀ŋ kumə yès, be lɨ̀msə̀ ghə̀ŋ a ghə̀ŋ əbyɨmə.

Kòlòsyàns 4:8

Ma a tɨm to no wen a ghə̀ŋ alə ndiʼ ghə̀ vi ə shə̀ʼtə̀ soʼgho a ghə̀ŋ kumə yes, be lɨ̀msə̀ ghə̀ŋ a ghə̀ŋ əbyɨmə.

1 Tèsàlonyà 2:11

Yes tə ə ghaʼa ghə̀ŋ to ando tiʼi wàyn nə̀ gaʼa a vunə wen,

1 Tèsàlonyà 2:3

Kənyʉ̀ a yes ə nshə̀ʼtə̀, yes ə nko shə̀ʼtə̀ nè nə̀ kənlobtə kə no faphen ko nə̀ əkwoʼtə byɨ ghə̀.

1 Tèsàlonyà 3:2

ə tɨm lèmə̀ yes Timotì yi a ghə̀ shwèʼè a Nyìngòŋ yo wen, shə̀ʼtə̀ ntɨm ə jùŋ kumə Yesò. Yes ə tɨm Timotì la ghə̀ vi ə nè ghə̀ŋ kiʼ ətɨm ə to ghə̀, tuʼ choʼsə Yesò,

1 Tèsàlonyà 4:1

Vəlemə, à le faŋ nyʉ̀ venə ndi mà gàʼ mwetə a ghə̀ŋ. Yes əziʼi li ghə̀ŋ, ghə̀ŋ sə ə kɨ ji yì a ghə̀ŋ diʼ ə nə̀ tsi fa tsu ə nè Nyìngòŋ ə saŋlə, a diʼ nyʉ̀ mu ghə̀ŋ sə nè. Yes ə sensə ghə̀ŋ luwen no nànto, a kədyòʼ Bobo Yesò la ghə̀ŋ be nè chò no fa li.

1 Tèsàlonyà 4:18

Ghə̀ŋ shə̀ʼtə̀ nyʉ̀ na venə a yès ə nyoʼo lə ə nè la tətyɨm tə vəlemə vəŋə ə saŋlə.

2 Tèsàlonyà 3:12

Yès ə gàʼa a viʼi na venə a kədyòʼ ə Bobo Yesò Klistò, gàʼa to no nə̀ kədyoʼkə la, vəwenə shɨtə tsi to ando viʼi diʼ ə tsi, shyèʼ ə kiʼi kəfo ə gyàmtə̀ təwen tə vəwenə tsu.

1 Timotì 1:4

Gaʼa la kə viʼi a venə ə nchòsə̀ ə zhʉ vəwenə jèʼ mò mətitì mə zɨmə kùmə̀ vətiʼi vəwenə. Kənyʉ̀ a kenkə ə nè, viʼi pfènə̀ ətʉ ə vəwenə tò kədyàŋ, bè taʼsə la kə viʼi byɨmə ə ne ə shwèʼè yi a Nyìngòŋ ə kəŋ. Wìʼ zi ghə̀ ne tò shwèʼ a ghenə a zhʉ a ghə̀ kiʼ byɨmə a Nyìngòŋ.

1 Timotì 4:13

Wù mwòmsə ndzàŋ Ŋwàʼlə̀ Nyìngòŋ à viʼi, shə̀ʼtə̀ ntɨm ə jùŋ, be ziʼi viʼi ə zaʼa fa zhʉ mà vì.

1 Timotì 6:2

Əkòs vi a və shyèʼ à viʼi, a diʼ viʼi və byɨməvə ə ko diʼ ə nchasə vəwenə byìʼì ando və tìʼ və shyèʼ a vi ə diʼ viʼi və byɨməvə to nə̀ vəwenə. Vəwenə ə diʼ ə mbòŋsə̀ shwèʼ nə̀ kədyòʼ kə byìʼì ando se a yi ə dyʉ̀ à wìʼ, a dìʼ wù ə byɨmə, vəwenə kòŋ wen. Wù dìʼ ə shɨ̀tə̀ ə ziʼi ənyʉ̀ a venə à vəwenə.

2 Timotì 4:2

wù ə nshə̀ʼtə̀ ntɨm ə jùŋ à viʼi no mənzhʉ̀ ntsèm. Wù nshə̀ʼtə̀ tò shə̀ʼtə̀ kò viʼi ə kòŋ ə zhʉtə, kò və faŋ ke kòŋ. Wù diʼi laynsə kənyʉ̀ ki a viʼi ə nè byɨsə, ə gàʼ la kə vəwenə bè nè, ə sensə la vəwenə ə nzhʉ ənyʉ̀ a venə. Wù sə ə ziʼì vəwenə, wù ə shɨtə ziʼi nə̀ ətyɨm ə zhʉtə ghə̀.

Taytùs 1:9

Ghə̀ diʼ nshɨ̀tə̀ ghaʼa ntɨm ə jùŋ yì ando və ndìʼsə̀. Ghə̀ dìʼ be ziʼi viʼi nə̀ nyʉ̀ vyi a Nyìngòŋ ə kəŋə, be dìʼì à viʼi a və tyenə ziʼi aghenə la vəwenə nè li ə nshwè.

Taytùs 2:15

Dìʼsə̀ nyʉ̀ venə, tyɨftə vəwenə be kəŋkə̀ vəwenə nə̀ àdyoʼ no tsèm a wu kiʼì a vəwenə a kətʉ. Kə a mòʼtə la wìʼ à chàs wù!

Taytùs 2:6

Wù diʼ be dìʼsə mbvòʼò wìʼ to ndə̀ŋndəŋ əjì la vəwenə nghaʼa təwen tə vəwenə.

Taytùs 2:9

Dìʼsə̀ əkòs la vəwenə nzhʉ gɨ̀sə vətì və shwèʼ və vəwenə be nè ənyʉ̀ tsèm a ji a vəwenə a nsaŋlə̀. Vəwenə ko diʼ nsoʼtə vətì və shwèʼ və vəwenə.

Hibùlù 10:25

Kə vəghəŋ ne kwen a kənyʉ̀ yi a vəlemə vətsenəvə ə ne ə lyesə ntsìnə̀ yì a vəghəŋ ə diʼ ə nvi tsèntə to kənyʉ̀ kə mùʼ. Vəghəŋ ə boŋsə ghòmtə̀ təwen tə vəghəŋ byìʼì ando vəghəŋ ə yen li la kətsi kì a Bobo a bwenə vi sə boʼsə.

Hibùlù 13:22

Vəlemə ə vwomə ma sensə la ghə̀ŋ shɨtə ghaʼ nyʉ̀ venə a mà gàʼa lə̀. Ma ko nyoʼ nyʉ̀ ə ghoʼo və.

Hibùlù 3:13

Ghə̀ŋ boŋsə gyamtə tyɨftə təwenə tyəŋtə to mətsi ə tsèm ə zàʼa ando Nyìngòŋ ə bo gaʼa a ghə̀ŋ, ndi kə mbyɨ na lobtə ghə̀ŋ ə ne la ghə̀ŋ to kətʉ.

1 Bità 5:12

A gyàmtə̀ Silàs ngyàmtə̀ mò ma nyoʼtə fə ŋwàʼlə̀ na fenfə a ghə̀ŋ. Ghə̀ diʼ to no lèmə̀ ə jùŋ a əbyɨmə. Mà nyoʼtə mənyʉ̀tə a mèyn ndiʼ ghə̀ŋ lɨ̀mtə̀, ə be ə diʼi a ghə̀ŋ la Nyìngòŋ ə nshɨtə tùʼmə̀ nə̀ ghə̀ŋ. Ghə̀ŋ tɨmə ə nto a tuʼmə a ghèn.

Ŋwàʼlə̀ Jud 1:20

Alì, a diʼ fa ghə̀ŋ a ndoŋ shomsə jùŋ sə, ghə̀ŋ diʼ ngyàmtə̀ təwen ə təŋtə, kwi a ghə̀ŋ a əbyɨmə, a diʼ əbyɨmə a ghə̀ laynə kwʉ̀ʼ. Ghə̀ŋ ne sə njɨ̀mə̀, ghə̀ŋ njɨ̀mə̀ a kədyòʼ kə kəzhwì kə Ŋwoʼkə.