1 Kolìntyàns 14:29 - The New Testament in the Babanki language

²⁹ Nshə̀ʼtə̀ sə ngàʼa, sə ngàʼà to sə bò kò sə tàʼ. Vəwenə ngàʼà, viʼi vətsenvə nkìtə̀ kənyʉ̀ ki a vəwenə gàʼà.

1 Kolìntyàns 14:29 ပူးပေါင်းရင်းမြစ်များ

Shwèʼ 13:1

Andìʼ a ntsèntə̀ viʼi vəbyɨməvə a ghə̀ ndiʼ a Antìyòk, viʼi vətsenvə ndiʼ tsu shə̀ʼtə ntɨm Nyìngòŋ, vətsenvə diʼ ndìʼsə̀sə à viʼi vəbyɨməvə. Andìʼ Balnabas nə̀ Simìyòn a və ndzàŋə̀ wen nə̀ Wù Fenə, nə̀ Lusyòs a ghə̀ nlu fa Silen, nə̀ Manen a ghə̀ nkwi wenə̀ gumnà Helòd, bènə̀ Saul.

1 Kolìntyàns 12:10

Kəzhwì na kèn to kə mùʼ nə̀ dyʉ̀ a wu ə tsen, kə ne la ghə̀ nshwèʼè təshwèʼ tə kaynətə, ə dyʉ̀ a wutsen, kə ku kədyòʼ la ghə̀ nshə̀ʼtə̀ nyʉ̀ mu və lù fa Nyìngòŋ. Kə dyʉ̀ a wu ə tsen, kə nè la ghə̀ nkɨ nəkwoŋ yì a ghə̀ diʼ a ntìntìn nyʉ̀ yi a və lù fa Kəzhwì kə Ŋwoʼkə nə̀ vyi a və lù fa zhwì ə tsevə. Kəzhwì na kì ne sə dyʉ̀ a wutsen, kə ne la ghə̀ ə nkɨ ə gàʼ təgàʼ ko andiʼ la ghə̀ ziʼi fa wìʼ, ə dyʉ̀ a wìʼ ə tsen, kə ne la ghə̀ ə nzhʉ kɨ təgàʼ a titə, shə̀ʼtə̀ kənyʉ̀ ki a tə gàʼà titə gàʼà.

1 Kolìntyàns 13:2

Mà sətsen ə nkiʼ kəku ə nshɨtə kɨ ə shə̀ʼtə̀ kənyʉ̀ kə Nyìngòŋ, zhʉ kɨ nyʉ̀ ə lyomtəvə, no ə tsèm, kiʼi ətof kumə əfo ə tsèm be kiʼi əbyɨmə a ghə̀ zì ghə ne la mà ə məʼtə phènsə alì ko ndiʼ la ma kiʼi əkòŋ, ko mà na kwʉ̀ʼʉ̀ no kəfo no fa mpfen.

1 Kolìntyàns 14:28

Wìʼ sətsen faŋke ndiʼ ə shə̀ʼtə̀ kənyʉ̀ ki a və gàʼà, vəwenə chiʼ to kuʼ, no ndo ə ngàʼà to a wen a wèn, be gàʼà to a Nyìngòŋ.

1 Kolìntyàns 14:30

Nshə̀ʼtə̀ zìtə̀ ə gàʼ kənyʉ̀, Nyìngòŋ ə ku ntɨm ə fi a wìʼ ə tsen, nshə̀ʼtə̀ ə mbì ə chiʼ ndiʼ wìʼ ayi gàʼ.

1 Kolìntyàns 14:32

Viʼi vi a və kiʼi kəku nshə̀ʼtə̀ ntɨm mu ghə̀ lù fa Nyìngòŋ diʼ nshɨtə kɨ ə ghaʼ ntɨm ayi.

1 Kolìntyàns 14:37

Wìʼ sətsen ə kwoʼtə la ghə̀ diʼ nshə̀ʼtə̀ kò ghə̀ kiʼi Kəzhwì kə Ŋwoʼkə, ghə̀ kɨ la kənyʉ̀ ki a ma gàʼà a ghə̀ŋ diʼ mu à gàʼ Bobo.

1 Kolìntyàns 14:39

Ghə̀ŋ ə nsoynə li no nə̀ kədyoʼkə, a vəlemə vwomə, ə nshə̀ʼtə̀ ntɨm yì a ghə̀ lù fa Nyìngòŋ. Kə ghə̀ŋ a ntensə la kə viʼi gàʼà təgaʼ tə kədyàŋ a ngə̀ŋ Nyìngòŋ.