1 Kolìntyàns 14:2 - The New Testament in the Babanki language

² Wìʼ yi a ghə̀ gàʼà təgaʼ tə tsentə ko ndiʼ la à ziʼi wìʼ a wen ko gàʼà a viʼi, ghə̀ boŋsə gàʼà a Nyìngòŋ byìʼì ando ghə̀ gàʼà nyʉ̀ ə lyomtəvə a kədyòʼ kə Kəzhwì, ko wìʼ lu zhʉ kɨ kənyʉ̀ kì a ghə̀ gàʼà.

1 Kolìntyàns 14:2 ပူးပေါင်းရင်းမြစ်များ

Matìyò 13:11

Yesò bwènsə̀ gàʼ à vəwenə la, Nyìngòŋ ku li tof à ghə̀ŋ la ghə̀ŋ nzhʉ kɨ nyʉ̀ lyomtəvə vi a və diʼì byìʼì soʼo fòyn wen alì kò a ndiʼ la ghə̀ ku li à vəwenə.

Ŋwàʼlə̀ Mak 16:17

Viʼi vi a və byɨmə, Nyìngòŋ à kù àdyoʼ à vəwenə la vəwenə ndìʼì nchwi, nè nyʉ̀ kanəvə dzɨ̀mə̀ shìsə̀ zhwì byɨvə, be gàʼà təgàʼ a vəwenə nko təmə̀ gàʼ.

Ŋwàʼlə̀ Mak 4:11

Ghə̀ bwènsə̀ gàʼ à vəwenə la, “Nyìngòŋ ku li tof à ghə̀ŋ la ghə̀ŋ nzhʉ kɨ nyʉ̀ lyomtəvə a və diʼì kùmə̀ soʼ fòn Nyìngòŋ, alì və diʼi dìʼsə viʼi vətsenvə tò a ngàynsə

Shwèʼ 10:46

byìʼàndo Vəjew avenə nzhʉ li ando viʼi tɨm a vyi ngàʼà təgàʼ tə loʼ kədyàŋ, ghoʼsə̀ Nyìngòŋ byìʼì nyʉ̀ kanəvə vi a ghə̀ nè. Bità mù gàʼ la,

Shwèʼ 19:6

Bol mù ghʉ avu wen a vəwenə a tʉ, Kəzhwì kə ŋwòʼəkə mù vì à vəwenə, vəwenə zìtə̀ sə gàʼà təgàʼ tə kədyàŋ, be shə̀ʼtə̀ nyʉ̀ mu və lù fà Nyìngòŋ.

Shwèʼ 22:9

Viʼi vi a yo vəwenə njèʼè a muʼu yen li bayn ayi alì kò vəwenə lù zhʉ̀ kənyʉ̀ kì a və ngàʼà à mo.

Lumans 16:25

Əkuʼsə ə dyʉ̀ a Nyìngòŋ. Ghə̀ kiʼi kədyòʼ ə ne la ghə̀ŋ ə tò a ghə̀ŋ əbyɨmə to ndə̀ŋndəŋ ando ntɨm ə jùŋ yì a ma shə̀ʼtə̀ kumə Yesò Klistò ə ngàʼa. Ghə̀ nè li vəghəŋ kiʼi ntɨm ə jùŋ na ghèn, mu ghə̀ ə nlyomtə li fa viʼi vətsenvə no fa kəgaf,

1 Kolìntyàns 12:10

Kəzhwì na kèn to kə mùʼ nə̀ dyʉ̀ a wu ə tsen, kə ne la ghə̀ nshwèʼè təshwèʼ tə kaynətə, ə dyʉ̀ a wutsen, kə ku kədyòʼ la ghə̀ nshə̀ʼtə̀ nyʉ̀ mu və lù fa Nyìngòŋ. Kə dyʉ̀ a wu ə tsen, kə nè la ghə̀ nkɨ nəkwoŋ yì a ghə̀ diʼ a ntìntìn nyʉ̀ yi a və lù fa Kəzhwì kə Ŋwoʼkə nə̀ vyi a və lù fa zhwì ə tsevə. Kəzhwì na kì ne sə dyʉ̀ a wutsen, kə ne la ghə̀ ə nkɨ ə gàʼ təgàʼ ko andiʼ la ghə̀ ziʼi fa wìʼ, ə dyʉ̀ a wìʼ ə tsen, kə ne la ghə̀ ə nzhʉ kɨ təgàʼ a titə, shə̀ʼtə̀ kənyʉ̀ ki a tə gàʼà titə gàʼà.

1 Kolìntyàns 12:28

A diʼ a ngə̀ŋ Nyìngòŋ mu Nyìngòŋ ə gə̀sə̀ li viʼi ə ghʉ̀ a tə chʉ̀ tə shwèʼ to tənkì a tənkì. Ghə̀ ghʉ̀ li viʼi ambì, a diʼ viʼi ntɨm, ə kùmtə nə̀ nshə̀ʼtə̀sə. Fa yi abàm ghə̀ ghʉ̀ ndìʼsə̀sə ə be ghʉ̀ viʼi vyi a və ne nyʉ̀ ə kaynəvə ə ghʉ̀ vətsevə la və nə̀ chʉʼʉ viʼi nə̀ viʼi a və gyàmtə̀ viʼi vətsenvə. Ghə̀ ghʉ̀ li viʼi la və ə̀ tisə viʼi ə ghʉ̀ vətsevə la və nkɨ təgaʼ tə tsentə, ko andiʼ la à ziʼi wìʼ ə ziʼi vəwenə tsu.

1 Kolìntyàns 13:1

Mà sətsen ə nkɨ ə gàʼ təgàʼ tə viʼi to a tənkì a tənkì nə̀ tə gàʼà tə ətsɨŋsə Nyìngòŋ, alì ko andiʼ la ma kiʼi əkòŋ, a mà na nyaŋlə to tiʼitiʼi ə viʼi to nə̀ ngèm azhʉ̀ a və kumə buʼtə to buʼtə.

1 Kolìntyàns 13:2

Mà sətsen ə nkiʼ kəku ə nshɨtə kɨ ə shə̀ʼtə̀ kənyʉ̀ kə Nyìngòŋ, zhʉ kɨ nyʉ̀ ə lyomtəvə, no ə tsèm, kiʼi ətof kumə əfo ə tsèm be kiʼi əbyɨmə a ghə̀ zì ghə ne la mà ə məʼtə phènsə alì ko ndiʼ la ma kiʼi əkòŋ, ko mà na kwʉ̀ʼʉ̀ no kəfo no fa mpfen.

1 Kolìntyàns 14:16

Ghə̀ŋ sətsèn ə njɨ̀mə̀, ku kəzòŋ, a jɨ̀mə̀ to kəzhwì, wìʼ yi a ghə̀ bo ziʼi ziʼi ne nè ale ə tomsə kənyʉ̀ a kì ə gàʼ la, “Amèyn a” ko andiʼ la ghə̀ zhʉ kɨ nyʉ̀ vyi a ghə̀ŋ ə jɨ̀mə̀ a?

1 Kolìntyàns 14:26

Vəghəŋ zizi və gàʼà no la gho a vəlemə vwomə? Ghə̀ŋ zizi a ghə̀ŋ gàʼà la, ghə̀ŋ zhùŋtə̀ no zhʉ̀ko, wìʼ ə sə kiʼ dzàŋ ə zhɨm, ghə tsen ə kiʼi kənyʉ̀ a ziʼi, ghətsen kiʼi kənyʉ̀ a Nyìngòŋ ə diʼ làynsə a wen, ghətsen ə kiʼ kənyʉ̀ ə gàʼ a gàʼà ə kədyàŋ, ghətsen diʼ ə shə̀ʼtə̀ nyʉ̀ vyi a və gàʼa. Ghə̀ŋ ə ne nyʉ a venə ə no tsèm to gyamtə viʼi və byɨməvə.

1 Kolìntyàns 15:51

Ghə̀ŋ zhʉtə, mà shə̀ʼtə̀ kənyʉ̀, kəlyomtəkə wìʼ ə temə kɨ. Vəghəŋ ko lu pfʉ me tebè və tsèm, ali diʼ lù bvɨtə ə kwitə to vətsèm to zhʉ̀ ə mùʼ.

1 Kolìntyàns 2:10

Alì mu Nyìngòŋ ə ne li kəzhwì kə wen kə diʼi làynsə nyʉ̀ ə lyomtəvə ə wen a vəghəŋ. Kəzhwì kə Nyìngòŋ kə nə̀ yenə to nyʉ̀ ə tsèm, yenə no tèbe ghò, no tèbe kì kə a Nyìngòŋ ə lyomtə lyomtə.

1 Kolìntyàns 2:7

Ətof yì a yès gàʼà kumə lì diʼ ətof ə lyomtə ghə̀ Nyìngòŋ, mu və lyomtə li fa viʼi. Nyìngòŋ ə nghʉ̀ li mibu ghə̀ shətə mbyi ghèn la, ətof na yi ə lu nè vəghəŋ ə laynə to nə̀ Yesò.

Efisyàns 6:19

Ghə̀ŋ ə njɨ̀mə̀ a mò la Nyìngòŋ əku kənyʉ̀ ə ma shə̀ʼtə̀ a zhʉ a ma kəŋ ə gaʼa, ma kɨ kənyʉ̀ ki a ma zi mà gàʼ, la ma sə shə̀ʼtə̀ ntɨm ə jùŋ yi a viʼi ko kɨ ma nshə̀ʼtə̀ ko ma fwàynə̀ kəfo.

Kòlòsyàns 2:2

Ma ne alə̀ ndi vəwenə kiʼ tətyɨm tə totə, ndiʼ to kənyʉ̀ kə mùʼ, kòŋ tə wen tyəŋtə. Ma kəŋ la ghə̀ŋ shɨtə kɨ nyʉ̀ vyi a Nyìngòŋ ə lyomtə ndi ghə̀ŋ tuʼ tə ghaʼ nyʉ̀ na venə ə kiʼ əbwaʼmə ə ghoʼo. Ənyʉ̀ na venə a Nyìngòŋ ə nlyomtə sə diʼ luwen mu ghə̀ diʼi li làynsə a vəghəŋ a diʼ Klistò.

1 Timotì 3:16

Kə diʼ tò no nəmwèʼè la byɨmə ə vəghəŋ ə kiʼ kənyʉ̀ kə lyomtəkə la Nyìngòŋ diʼi laynsə, kə ghoʼo nò alə: Klistò ə nlu li vi ə lyɨ̀ əwen wìʼ, kəzhwì kə Ŋwòʼəkə diʼi la ghə̀ diʼ a nkàyn ashɨ ə Nyìngòŋ, Ntsɨŋsə Nyìngòŋ yenə wen, və ziʼi ənyʉ̀ byìʼì wen a təloʼ tə tsèm, viʼi mbyi byɨmə à wen, Nyìngòŋ lyɨ̀ kuʼ nə̀ wen a kàŋ.

1 Timotì 3:9

Vəwenə ə diʼ tɨmə a nəmwèʼè a və diʼ li kumə ə byɨmə nə̀ tyɨm ə muʼ.

Kəmwetə 10:7

byìʼì a ne ndiʼ a mətsi a yì a ntsɨ̀ŋ ngə̀ŋ ə̀ Nyìngòŋ kəmwetə fa tì ntsɨ̀ŋsə shì sòmbo ə toŋ əsoŋ wen ə Nyìngòŋ ne kənyʉ̀ kə lyomtəkə wen kì a ghə̀ ə̀ nghʉ ando ghə̀ ə̀ nshə̀ʼtə̀ à viʼi ə shyèʼ ə wen a ə̀ ndìʼ nshə̀ʼtə̀sə sə̀ghoʼkəsə.