1 Kolìntyàns 14:13 - The New Testament in the Babanki language

¹³ Kə lə diʼi la wìʼ yi a ghə̀ kɨ ə gàʼà təgàʼ tə kədyàŋ ndiʼ ə jɨ̀mə̀ la kəzhwì kə ku kwʉ̀ʼsə kədyòʼ, ghə̀ kɨ ə shə̀ʼtə ə làynsə nyʉ̀ vyi a ghə̀ gàʼà.

1 Kolìntyàns 14:13 ပူးပေါင်းရင်းမြစ်များ

Ŋwàʼlə̀ Mak 11:24

Ma mù sə gàʼà à ghə̀ŋ la ghə̀ŋ sətsèn njɨ̀mə̀ bèmə̀ no ghò à Nyìngòŋ byɨmə la ghə̀ŋ kiʼi li kəfo akì mu ghə̀ŋ ne kiʼi.

Shwèʼ 1:14

A ndìʼ a lì, vəwenə nghoʼo zhùŋtə̀ əjɨ̀m a ntsèntə̀ wenə̀ ki vətsenvə nə̀ Mèli ə lì Yesò bènə̀ vəlèmə̀ və wen.

Shwèʼ 8:15

Bità wenə̀ Joyn nè dyʉ̀ zaʼa tsu, ə̀ jɨ̀m à viʼi vəbyɨməvə a vyi ndi Kəzhwì kə ŋwòʼəkə vi à vəwenə,

1 Kolìntyàns 12:10

Kəzhwì na kèn to kə mùʼ nə̀ dyʉ̀ a wu ə tsen, kə ne la ghə̀ nshwèʼè təshwèʼ tə kaynətə, ə dyʉ̀ a wutsen, kə ku kədyòʼ la ghə̀ nshə̀ʼtə̀ nyʉ̀ mu və lù fa Nyìngòŋ. Kə dyʉ̀ a wu ə tsen, kə nè la ghə̀ nkɨ nəkwoŋ yì a ghə̀ diʼ a ntìntìn nyʉ̀ yi a və lù fa Kəzhwì kə Ŋwoʼkə nə̀ vyi a və lù fa zhwì ə tsevə. Kəzhwì na kì ne sə dyʉ̀ a wutsen, kə ne la ghə̀ ə nkɨ ə gàʼ təgàʼ ko andiʼ la ghə̀ ziʼi fa wìʼ, ə dyʉ̀ a wìʼ ə tsen, kə ne la ghə̀ ə nzhʉ kɨ təgàʼ a titə, shə̀ʼtə̀ kənyʉ̀ ki a tə gàʼà titə gàʼà.

1 Kolìntyàns 12:30

A ko kiʼ viʼi və tsèm kiʼ kəku ə nchʉʼʉ viʼi. Ko a kiʼ viʼi və tsèm kiʼ kəku ə ngàʼà təgaʼ ko andiʼ la à ziʼi wìʼ a vəwenə, ko a kiʼi viʼi və tsèm kiʼ kəku ə kɨ nyʉ̀ vyi a və gàʼà a təgàʼ na ghèn.

1 Kolìntyàns 14:12

Ma gàʼà la, ando ghə̀ŋ lɨ̀mtə̀ ə kiʼi kəku kə kəzhwì kə Ŋwoʼkə, ghə̀ mwomsə no nə̀ kədyòʼ kə ə ne tə shwèʼ a tə gyàmtə̀ ə kwisə ngə̀ŋ ə Nyìngòŋ.

1 Kolìntyàns 14:14

Mà sətsèn ə̀ jɨ̀mə̀ a gàʼà ə kədyàŋ, kə a ndiʼi la ma jɨ̀mə̀ a mò kəzhwì, ali ko kwòʼtə̀ ə ghomə kɨ kənyʉ̀ a ma gàʼà

1 Kolìntyàns 14:26

Vəghəŋ zizi və gàʼà no la gho a vəlemə vwomə? Ghə̀ŋ zizi a ghə̀ŋ gàʼà la, ghə̀ŋ zhùŋtə̀ no zhʉ̀ko, wìʼ ə sə kiʼ dzàŋ ə zhɨm, ghə tsen ə kiʼi kənyʉ̀ a ziʼi, ghətsen kiʼi kənyʉ̀ a Nyìngòŋ ə diʼ làynsə a wen, ghətsen ə kiʼ kənyʉ̀ ə gàʼ a gàʼà ə kədyàŋ, ghətsen diʼ ə shə̀ʼtə̀ nyʉ̀ vyi a və gàʼa. Ghə̀ŋ ə ne nyʉ a venə ə no tsèm to gyamtə viʼi və byɨməvə.