1 Kolìntyàns 13:9 - The New Testament in the Babanki language

⁹ Kə diʼ alə̀ byìʼì ando vəghəŋ ə tofə to kəbyəʼ kəbyəʼ, shə̀ʼtə̀ ntɨmə Nyìngòŋ to kəbyəʼ kəbyəʼ.

1 Kolìntyàns 13:9 ပူးပေါင်းရင်းမြစ်များ

Matìyò 11:27

Yesò bè gàʼ à viʼi la, “Tìʼ ghom ə ku li tofə nyʉ̀ tsèm à mò. Wìʼ zì kò ghə̀ lə̀ kɨ̀ wàyn à bwen tò tìʼ wen, kò a ndiʼ la wìʼ zì ghə̀ kɨ tìʼ a bwen tò wàyn bènə̀ viʼi vyi a wàyn kòŋə̀ ə shə̀ʼtə̀ à vəwenə.

Lumans 11:34

Kə diʼ ndə̀ŋndəŋ ando və nyoʼ a Ŋwàʼlə̀ Nyìngòŋ la: “Wìʼ ə ko kɨ kənyʉ̀ kì a Bobo ə kwoʼtə, wìʼ ə ko kwʉ̀ʼ ə tyɨftə wen.

1 Kolìntyàns 13:10

Ənyʉ̀ ə tɨməvə lu vì, ə nyʉ̀ vyì a ko diʼ nyʉ̀ tɨməvə li mè.

1 Kolìntyàns 13:12

Vəghəŋ ə yenə nyʉ̀ luwen tosə vəghəŋ yenə a məlaməlamə, yenə sə vəghəŋ yenə a zhʉ a kənkàʼtə̀ ko kə tuʼtə baynə. Kətsi kə lu vì, ə vəghəŋ shɨtə yen mwetə. Luwen diʼ, ma kɨ nyʉ̀ to kəbyəʼ kəbyəʼ, kətsi kə diʼ lù vì, ə mà shɨtə kɨ mwetə nyʉ̀ no tsèm to ndə̀ŋndəŋ ando Nyìngòŋ ə kɨ mò.

1 Kolìntyàns 2:9

Yès ə ziʼi to kənyʉ̀ a və nyòʼò a Ŋwàʼlə̀ Nyìngòŋ la: “Wìʼ ko təmə yen, ko ndiʼ la wìʼ təmə zhʉ, wìʼ ko təmə kwòʼtə kənyʉ̀ ki tèbe kwoʼtə a Nyìngòŋ ə bàtə li a viʼi vyi a və kòŋ wen.”

1 Kolìntyàns 8:2

Wìʼ yi a ghə̀ kwòʼtə̀ la ghə̀ kɨli kənyʉ̀ diʼ ali ko ghə̀ ə kɨ ə zàʼa ando ghə̀ ndiʼ ə kɨ.

Efisyàns 3:8

No tebe ando ma nko kwʉ̀ʼ ə nzaʼ a diʼ nə̀ viʼi vətsevə a ntìntìn viʼi Nyìngòŋ, Nyìngòŋ mbe kù ji a mò ə ne la mà ngàʼà a viʼi ətɨm, shə̀ʼtə̀ ə mbwaʼsə yì a Yesò Klistò ə ku a viʼi,

1 Joyn 3:2

Vəlèmə̀ və kòŋ ə̀ mò, vəghəŋ vətsèm dìʼ vunə Nyìngòŋ luwèn. Vəghəŋ ə ko təmə kɨ̀ la vəghəŋ ə lu ndiʼ ale lo, alì vəghəŋ ə kɨ la ghə̀ lu bvʉ̀tə fʉ̀ ə vəghəŋ ə ndiʼ tò nə̀ wen byìʼàndo vəghəŋ ə lu yen ə wen tò ando ghə̀ diʼì.