1 Kolìntyàns 13:7 - The New Testament in the Babanki language

⁷ Wìʼ ə sətsen ə nkòŋ viʼi, ko ntsìnə̀ wìʼ be na byɨf ə ghoʼo wen, ko ghə̀ be nlye mbyɨsə viʼi, ghə̀ ne tsi kɨ to kɨ la no tebe ghò yi a ghə̀ bo ki kəʼtə lu ndiʼ to alì. Wìʼ sətsen ə nkòŋ viʼi, a ghə̀ ne wensə nyʉ̀ tsèm to wensə.

1 Kolìntyàns 13:7 ပူးပေါင်းရင်းမြစ်များ

Matìyò 10:22

Viʼi lu ə bàynə̀ ghə̀ŋ tò və tsèm byìʼì mò, alì mu à wensə no ndo ə zaʼa kəmwetə, ghə̀ a bwoŋ.

Ŋwàʼlə̀ Mak 9:23

Yesò bwènsə̀ gàʼ à wen la, “Byìʼì ghò a wu gàʼà à mò la a zhʉ a mà zì mà ne kənyʉ̀ a? No ndò a ghə̀ byɨmə mu və zi və ne no mə ghò à wen.”

Lumans 15:1

Vəghəŋ vyi a və to a vəghəŋ a byɨmə diʼ ə gyàmtə̀ viʼi vyi a və bwaʼa a vəwenə ngəʼsə. Kə vəghəŋ ne to nyʉ̀ vyi a və bòŋ to vəghəŋ.

Lumans 8:24

Nyìngòŋ ə bwoŋsə vəghəŋ, vəghəŋ sə ki dyʉ̀ sə to nə̀ kətsi kì a vəghəŋ lù fʉ̀ mwetə fa ngəʼ sèn. Wìʼ sətsen kiʼi kəfo a kəvu, ko ghə̀ be a ki dyʉ̀ sə nə̀ kəwenkə. A diʼ ndo fa vəghəŋ a ntìntìn a ghə̀ zizi a ghə̀ ə gàʼa la ghə̀ nki dyʉ̀sə nə̀ kəfo kə mu kə sə diʼ a kəvu a?

1 Kolìntyàns 13:4

Wìʼ ə sətsen ə nkòŋ viʼi, a ghə̀ ne wensə be tuʼmə, wìʼ ə sətsen ə nkòŋ viʼi, kò ghə̀ be a ghə̀ʼə̀ vəwenə, kò ghə̀ be nà kùmə kədyʉ̀ʼ, ko ghaŋsə əwèn.

1 Kolìntyàns 9:12

Viʼi vətsenvə sətsen ə̀ kiʼ kədyòʼ ə nkiʼi əfo ə zhɨvə fa ghə̀ŋ, a ko yès andiʼ nkiʼ chò tèbè fa lì. Alì yès sə diʼ ko andiʼ la yès ne kənyʉ̀ byìʼì kədyòʼ a kènkə a yès kiʼi ndiʼ nshi fo fa ghə̀ŋ. Yès ə boŋsə wensə to wensə byìʼì ando yès ə ko kòŋ ə ne kənyʉ̀ kə taʼsə ntɨm ə jùŋ ə Yesò la kə ghə̀ kwi.

Gàlesìyà 6:2

Sətsen wìʼ ndiʼ a ngəʼ, ghə̀ŋ ə gyàmtə̀ wen. Ghə̀ŋ sətsen ə nè alə̀, mu ghə̀ŋ ə ghʉ li soʼ a Klistò nkù a vəghəŋ.

2 Tèsàlonyà 1:4

A le kənyʉ̀ ki a yès ə zhʉsə ngaʼa a nòynə viʼi və byɨməvə vətsenvə, yès sə naynə kumə ghə̀ŋ. Yès nə̀ nè alə̀ byìʼì ando ghə̀ŋ timə li to a ghə̀ŋ a byɨmə no tèbe ando viʼi ə tsuʼ kəghʉ ə kəŋkə̀, ghə̀ŋ be yenə ngəʼ sə tsensə ali wensə to wensə.

2 Timotì 2:24

Wù kɨ la wù ə shyèʼ ə Nyìngòŋ ə ko diʼ ə ntaŋmə̀. Ghə̀ diʼ ə bwaʼmə wenə no ndo, bè shɨtə ziʼi viʼi tò no a nkàyn, be kiʼi əghaʼa ətyɨm a nə̀ ndìʼsə̀.

2 Timotì 3:11

Wù yen li ando və tə ntsuʼ kəghʉ ə kom mbè yenə ngəʼ shisə a və tə ku à mò a ntə̀ʼ Antìyòk. Wù kɨ ə nyʉ̀ vyi a və tə chò nə̀ mò a ntə̀ʼ Ikonùm nə̀ Lista, ma kwiʼi tò ətyɨm ə byèʼè ngəʼsə ashi, Bobo shìsə mò fa a ngəʼsə na shìsə no sətsèm.

2 Timotì 4:5

Fà wù, wù dìʼ ə ghaʼa wenə wu, ə kwiʼi ətyɨm ə bwəʼ ngəʼ wù ə nshə̀ʼtə̀ dyʉ̀ nə̀ ntɨm ə jùŋ, bè nè ə shwèʼ ə wu no tsèm a nə̀ wù ə shyèʼ ə Nyìngòŋ.

Hibùlù 13:13

Kə le diʼi la vəghəŋ diʼ fʉ̀ fa ntə̀ʼ ando ghə̀ fʉ, ə be kiʼi ndə̀ŋndəŋ kətʉ kədiʼikə ando ghə̀ nki.

Jems 1:12

Mbwaʼmə̀ dìʼ à wìʼ yì a ghə̀ ghaʼa tyɨm a zhʉ a təmwòmsə̀ tə vì à wen. Byiʼàndo ghə̀ sətsèn ə̀ to chò təmwòmsə̀ a tèntə, ghə̀ a kiʼi əzhùʼtə̀ yi a Nyìngòŋ ə nghʉ li la ghə̀ a ku à viʼi a və kòŋə̀ wen.

1 Bità 2:24

Ghə̀ ə mbyèʼè li mbyɨsə vəghəŋ a wen a wèn, a kəntò. Ghə̀ ə nè alə ndiʼ vəghəŋ ə boŋsə tsi ətsìnə̀sə tɨməsə, ko mbyɨ ə be ə kiʼi to kənyʉ̀ ə ne a vəghəŋ a ntsìnə̀sə. A nè tə chʉtəshi wen la ghə̀ŋ to,

1 Bità 4:8

Nò kənyʉ̀ kə to kə ə diʼ la ghə̀ŋ ə shɨtə kòŋmə tə wenə ətəŋtə byìʼì ando əkòŋ ə na nè, və lyesə ku mbyɨsə to kədə̀ŋ.