1 Kolìntyàns 13:4 - The New Testament in the Babanki language

⁴ Wìʼ ə sətsen ə nkòŋ viʼi, a ghə̀ ne wensə be tuʼmə, wìʼ ə sətsen ə nkòŋ viʼi, kò ghə̀ be a ghə̀ʼə̀ vəwenə, kò ghə̀ be nà kùmə kədyʉ̀ʼ, ko ghaŋsə əwèn.

1 Kolìntyàns 13:4 ပူးပေါင်းရင်းမြစ်များ

Matìyò 27:18

Ghə̀ mbèmə̀ a lì byìʼàndo ghə̀ nkɨ la à ne tò kənghə̀ʼ la və ghaʼ Yesò vì nə̀ wèn à wen.

Shwèʼ 7:9

“Zhʉ tsenghə kuʼ ə̀ kwʉ̀ʼ, vətìʼ vəghəŋ və mbì vi sə ghə̀ʼə̀ lèmə̀ vəwenə, Josèf, ə̀ bàʼlə wen la ghə̀ dyʉ̀ nshwèʼè kəkòs a Ijìb alì Nyìngòŋ sə tùʼmə̀ nə̀ wen

Lumans 1:29

Vəwenə ne tənki tə nyʉ̀ ə byɨvə to ə tsèm. Vəwenə tsi to a mbyɨ, kiʼ ashɨ ə bòghə, ətyɨm ə byɨghə, ghəʼə viʼi no nànto. Vəwenə ə zhwi, soynə, lobtə viʼi, kiʼ əkwoʼtə əbyɨghə, gaʼa kùwòŋ,

Lumans 13:13

Vəghəŋ ə nshɨtə ghaʼa təwen tə vəghəŋ a nə̀ viʼi a və tsi a ntìntìn əbayn. Kə vəghəŋ ne kwetə no tèbe ghò, no tèbe fè və zhɨ, kə vəghəŋ ne moʼtə məlʉ̀ʼ ghaʼa vəghəŋ. Kə vəghəŋ ne nè nyʉ̀ ə kənfwàʼlə̀ nə̀ təwen tə vəghəŋ. Kə vəghəŋ ne taŋmə, kə vəghəŋ ne ghə̀ʼə̀ viʼi.

1 Kolìntyàns 3:3

Ghə̀ŋ bo tsi to nə̀ viʼi mbyi. Ghə̀ŋ kɨli la kənghə̀ʼ kə ə diʼ ghə̀ŋ a ntìntìn, ghə̀ŋ nè nyʉ̀ to nə̀ viʼi mbyi be tsi to nə̀ vəwenə.

1 Kolìntyàns 4:18

Viʼi vətsenvə a ghə̀ŋ a ntìntìn sə ghaŋsə təwen, kwòʼtə̀ la ma ko be a vì ə yen ghə̀ŋ.

1 Kolìntyàns 4:6

Ma gàʼa nyʉ̀ a venə a vəlemə vwomə kumə wenə ghomə yo Abolòs to nə̀ nchwi ndi ghə̀ŋ ziʼi, ə nè to kənyʉ̀ kì a və nyoʼ a Ŋwàʼlə̀ Nyìngòŋ. Kə wìʼ fa ghə̀ŋ ne nghaŋsə əwen kumə wìʼ ə tsen, cho ghətsen.

1 Kolìntyàns 5:2

Ghə̀ŋ ə ghaŋsə wen byìʼì nki kənyʉ̀ alə byìʼì ghò? A ghə̀ŋ yi boŋsə diʼ ə weynə ə be ə dzɨ̀m ə shisə wìʼ a ghə̀ mwomə nki kənyʉ̀ a ghenə fa ghə̀ŋ ntìntìn

1 Kolìntyàns 8:1

Ma kəŋ ə gàʼa kənyʉ̀ luwen kumə əfo ə zhɨvə vyi a və moʼo a nshəʼsə. Vəghəŋ ə kɨ la vəghəŋ vətsèm ə kiʼ ətof. Ətof ə vì to nə̀ əghaŋsə ə wenə ali əkòŋ ə bwòm viʼi bwòmə.

2 Kolìntyàns 12:20

Ma əfwanə la ma ne vì, ko ghə̀ŋ diʼ ando ma kəŋ la ghə̀ŋ ndiʼ, ə ghə̀ŋ boŋsə yèn mo, ko ma diʼ ando ghə̀ŋ kəŋ la mà ndiʼ. Mà zizi a mà sə vi, ə yen ghə kəngùmə̀ kə diʼ a ghə̀ŋ a ntìntìn, nə̀ kəghəʼ kə, nə̀ tinə fwi, nə̀ kənywi kə, nə̀ gàʼà əbyɨghə, nə̀ kùwòŋ nə̀ əghaŋsə ə wèn, be yen ghə̀ŋ, ghə̀ŋ tsi a kəngəsə kumə tsi to tsi.

2 Kolìntyàns 6:6

Yès diʼi li la yès diʼ viʼi Nyìngòŋ byìʼì ando yès ə tsì ətsìnə̀sə laynəsə, kɨ kənyʉ̀ ki a kə diʼi nəmwèʼè, wensə, tuʼmə, kiʼ Kəzhwì kə Ŋwoʼkə be kòŋ viʼi vətsenvə nə̀ tyɨm ə yèsə no tsèm.

Gàlesìyà 5:26

Kə vəghəŋ na ghaŋsə əwèn, kə vəghəŋ na tyinsə tyinsə vəlemə və vəghəŋ, kə vəghəŋ be lye vəwenə nə̀ ashɨ a byɨghə.

Efisyàns 4:2

Ghə̀ŋ ə ngumlə̀ təwen ə tyəŋtə, bwaʼmə be wensə, lyesə ku ənyʉ̀ shweləvə byìʼì kòŋ.

Efisyàns 4:32

Ghə̀ŋ ə̀ tùʼmə̀ be kusə nshinsə a viʼi vətsenvə, lyesə ku viʼi vətsenvə ando Nyìngòŋ ə nlyèsə ku ghə̀ŋ chò fa a Klistò.

Filìbàyns 1:15

Viʼi vətsenvə əshəʼtə ntɨm ə jùŋ Yesò byìʼì kənghə̀ʼ ə be diʼ la vəwenə ə chò mo ando vəwenə yènə ando shyèʼ ə ghomə əshɨtə dyʉ̀, ali, vətsevə shə̀ʼtə̀ ntɨm a ghèn no nə̀ ətyɨm ə jùŋə̀ ghə̀.

Kòlòsyàns 1:11

Yès ə jɨ̀mə̀ la Nyìngòŋ ə ku kədyòʼ kə kaynə kə wen a ghə̀ŋ no kə tsèm ndi ghə̀ŋ tuʼtə, kwiʼ ətyɨm akayn, be əwensə, be saŋlə,

Kòlòsyàns 2:18

Kə ghə̀ŋ moʼtə wìʼ gàʼ a ghə̀ŋ la ghə̀ŋ shiʼsə təwenə təŋtə a nse be gumlə ətsɨŋsə Nyìngòŋ, a bwen ali a ghə̀ŋ a gho əmòʼtə ə ghenə. Vəwenə nə̀ kumə gàʼa la nyʉ̀ ə venə ə fʉ a vəwenə alə to sə a tsi jòmsə, kwòʼtə̀ ə vəwenə diʼ to əkwoʼtə ə byɨghə ne vəwenə ghaŋsə əwen to kədyàŋ.

Kòlòsyàns 3:12

Ando ghə̀ŋ sə diʼ viʼi a Nyìngòŋ ə tsuʼ li a viʼi wen ə sə koŋə, ghə̀ŋ moʼ ntsìnə̀ ə jùŋ, tùʼmə̀ nə̀ viʼi, ə nshiʼsə təwenə təŋtə a nse, bwaʼmə, be wensə.

1 Tèsàlonyà 5:14

Yes ə sensə tamə ghə̀ŋ a vəlemə la, ghə̀ŋ ku kətyiftə a viʼi vyi a və ko kòŋ tebè ə nə̀ shyèʼ, ə nè la viʼi və fwàynkəvə ə nkiʼ tətyɨm tə totə, ə gyàmtə̀ viʼi vyi a vəwenə ə kəŋ ə gyamtə. Ghə̀ŋ ə kiʼ əkwiʼ ətyɨm no tèbe a ndò.

1 Timotì 6:4

ghə̀ ghaŋsə̀ tò əwen kədyàŋ kədyàŋ, ko ghə̀ lu kɨ no kənyʉ̀, ətyɨm ə wen ko diʼ a nkàyn. Ghə̀ kəŋ ngùmə̀ to ənyʉ̀, bè taŋmə wen ə viʼi byìʼì ətof yi a ghə̀ diʼi a mənyʉ̀tə. Ənyʉ̀ a venə ə vi tò nə̀ kənghə̀ʼ kə nə̀ soynə nə̀ mbaʼsə nə̀ kwoʼtə ə byɨghə byìʼì viʼi,

2 Timotì 2:25

Tisə viʼi vyi a və nkəmə kənyʉ̀ ki a wu gàʼà nə̀ mbwaʼmə, kɨ la Nyìngòŋ ne nè ə vəwenə kwitə tətyɨm tə vəwenə fa vəwenə mbyɨsə ə bwènə̀ vi ə kɨ kənyʉ̀ ki a kə diʼ nəmwèʼè.

2 Timotì 3:10

Timotì, wù sə dìʼ luwèn alə mu wù ndzɨ̀mtə̀ li əziʼi ə ghomə, nə̀ ntsìnə̀ ghom, nè kənyʉ̀ ki a mà tə ə nkwòʼtə̀ ə lu ə nè. Wù yen li jì yi a ma choʼsə Klistò fatsu, kiʼi ətyɨm ə zhʉtə ghə̀, kòŋ viʼi, kɨ ə kwiʼi ətyɨm.

2 Timotì 4:2

wù ə nshə̀ʼtə̀ ntɨm ə jùŋ à viʼi no mənzhʉ̀ ntsèm. Wù nshə̀ʼtə̀ tò shə̀ʼtə̀ kò viʼi ə kòŋ ə zhʉtə, kò və faŋ ke kòŋ. Wù diʼi laynsə kənyʉ̀ ki a viʼi ə nè byɨsə, ə gàʼ la kə vəwenə bè nè, ə sensə la vəwenə ə nzhʉ ənyʉ̀ a venə. Wù sə ə ziʼì vəwenə, wù ə shɨtə ziʼi nə̀ ətyɨm ə zhʉtə ghə̀.

Taytùs 3:3

Andìʼ a mbì nkàyntə̀ vəghəŋ ə̀ dzɨ̀ŋtə̀ kèn la vəghəŋ ə zhʉ gɨ̀ be nè shwè. Vəghəŋ ndìʼ əkòs à tənkì tə nyʉ̀ mbi, be nè no ghò a vəghəŋ ə̀ nkòŋ ənè. Vəghəŋ ə ntsi tò a ne ənyʉ̀ byɨvə be shəmə, viʼi bàynə̀ vəghəŋ, vəghəŋ be kiʼ kəbàyn à vəghəŋ a ntìntìn,

Jems 4:5

Mu ghə̀ŋ ə lyɨ̀ la ŋwàʼlə̀ Nyìngòŋ ə gàʼà tò kədyàŋ la, “Nyìngòŋ ə kòŋə̀ kəzhwì kì a ghə̀ ne li kə sə diʼ à vəghəŋ a təwèn lo?” Kəshi akènkə gàʼà tò nəmwèʼè.

1 Bità 2:1

Nyìngòŋ sə diʼ mù ghə̀ ku li ntsìnə̀ ə fi a ghə̀ŋ. Ghə̀ŋ maʼa li tətyɨm təbyɨtə nə̀ kənlobtəkə nə̀ kəmbàŋmbàŋ kə, nə̀ kəghəʼ kə nə̀ gaʼa ə əbyɨghə.

1 Bità 3:8

Ə mwètə̀, ghə̀ŋ ə tsèntə kiʼi to əkwoʼtə ə mùʼ, kusə shinsə, kòŋə təwen ə təŋtə to nə̀ vəlemə, tuʼmə be bwaʼmə.

1 Bità 4:8

Nò kənyʉ̀ kə to kə ə diʼ la ghə̀ŋ ə shɨtə kòŋmə tə wenə ətəŋtə byìʼì ando əkòŋ ə na nè, və lyesə ku mbyɨsə to kədə̀ŋ.

2 Bità 1:7

Ghə̀ŋ sə tsì ntsìnə̀ na yì, ghə̀ŋ ə kòŋ vəlemə, kə ghə̀ŋ kòŋ to vəlemə ali ghə̀ŋ be kiʼi kòŋ to a viʼi vətsèm.

1 Joyn 4:11

Vəlèmə̀ və kòŋ ə̀ mò, a zhʉ a ghèn dìʼ ji a Nyìngòŋ ə nkoŋə̀ li vəghəŋ fa tsu, mu vəghəŋ bè yi ndiʼi ə nkòŋmə̀ təwen tə vəghəŋ.