1 Kolìntyàns 13:2 - The New Testament in the Babanki language

² Mà sətsen ə nkiʼ kəku ə nshɨtə kɨ ə shə̀ʼtə̀ kənyʉ̀ kə Nyìngòŋ, zhʉ kɨ nyʉ̀ ə lyomtəvə, no ə tsèm, kiʼi ətof kumə əfo ə tsèm be kiʼi əbyɨmə a ghə̀ zì ghə ne la mà ə məʼtə phènsə alì ko ndiʼ la ma kiʼi əkòŋ, ko mà na kwʉ̀ʼʉ̀ no kəfo no fa mpfen.

1 Kolìntyàns 13:2 ပူးပေါင်းရင်းမြစ်များ

Matìyò 13:11

Yesò bwènsə̀ gàʼ à vəwenə la, Nyìngòŋ ku li tof à ghə̀ŋ la ghə̀ŋ nzhʉ kɨ nyʉ̀ lyomtəvə vi a və diʼì byìʼì soʼo fòyn wen alì kò a ndiʼ la ghə̀ ku li à vəwenə.

Matìyò 17:20

Yesò bwènsə̀ à vəwenə la, “A dìʼ byìʼàndo byɨmə ghə̀ŋ ə bwaʼa. Mà gàʼà à ghə̀ŋ nəmwèʼè la ghə̀ŋ sətsèn nkiʼ byɨmə ghə̀ tyetə to nə̀ shɨ ngwàʼ mostàd mu ghə̀ŋ zì ghə̀ŋ gàʼ à pfèn ghèn la ghə̀ lu fa kəshi ghèn dyʉ̀ no kəghaf, ghə̀ à dyʉ̀ tò a lì. Ghə̀ŋ tu nkiʼ byɨmə mu kənyʉ̀ kə ko to chò ghə̀ŋ. [

Matìyò 21:19

Ghə̀ yen fəkòʼ fə figs a wenə ji, kwen dyʉ̀ à yì a ti alì kò ghə̀ lù yèn kəfo à yì a kətʉ əchò tò təfʉ ti. Ghə̀ mù gàʼ à fəkòʼ a fìfə la, “Wù ko lu be kumə ashɨ!” No a zhʉ kò fəkòʼ a fìfə zɨm.

Matìyò 21:21

Yesò bwènsə̀ gàʼ à vəwenə la, “Mà gàʼà à ghə̀ŋ nəmwèʼè la, ghə̀ŋ sətsèn nkiʼ byɨmə, kye momə̀ mwòmsə mu ghə̀ŋ zì ghə̀ŋ ne kənyʉ̀ kèn a ma ə ne à fəkòʼ fènfə lə̀, bè gàʼ no tè à pfèn ghoʼo ghèn la, Tsuʼmə dyʉ̀ tsòʼ à mù mə nghoʼomə̀, ghə̀ be à nè tò a lì.

Shwèʼ 13:1

Andìʼ a ntsèntə̀ viʼi vəbyɨməvə a ghə̀ ndiʼ a Antìyòk, viʼi vətsenvə ndiʼ tsu shə̀ʼtə ntɨm Nyìngòŋ, vətsenvə diʼ ndìʼsə̀sə à viʼi vəbyɨməvə. Andìʼ Balnabas nə̀ Simìyòn a və ndzàŋə̀ wen nə̀ Wù Fenə, nə̀ Lusyòs a ghə̀ nlu fa Silen, nə̀ Manen a ghə̀ nkwi wenə̀ gumnà Helòd, bènə̀ Saul.

Lumans 11:25

Kənyʉ̀ kə lyomtəkə kə tsen kə diʼ a ma kəŋ la ghə̀ŋ kɨ a vəlemə vwomə ndi kə nè ko ghə̀ŋ be ghaŋsə əwen. Kənyʉ̀ na kì ə diʼi la viʼi Islel vətsenvə diʼ luwen, to kətʉ ali diʼ ə na ə kwitə ə byɨmə azhʉ̀ a viʼi ətɨm vi a Nyìngòŋ ə tsuʼ tə ə byɨmə li mwetə.

Lumans 15:14

Ma kɨ no fa mo a tyɨm a vəlemə vwomə la ghə̀ŋ shɨtə tsi to no ntsìnə̀ ə jùŋ, kɨ mwetə to no kənyʉ̀ kì a kə diʼ nəmwèʼè be kwʉ̀ʼʉ̀ ə ziʼi təwen ə təŋtə.

Lumans 16:25

Əkuʼsə ə dyʉ̀ a Nyìngòŋ. Ghə̀ kiʼi kədyòʼ ə ne la ghə̀ŋ ə tò a ghə̀ŋ əbyɨmə to ndə̀ŋndəŋ ando ntɨm ə jùŋ yì a ma shə̀ʼtə̀ kumə Yesò Klistò ə ngàʼa. Ghə̀ nè li vəghəŋ kiʼi ntɨm ə jùŋ na ghèn, mu ghə̀ ə nlyomtə li fa viʼi vətsenvə no fa kəgaf,

1 Kolìntyàns 11:4

Wùlɨm sətsèn ə chiʼtə kətʉ kə wen azhʉ̀ a ghə̀ jɨ̀mə̀ kò azhʉ̀ a ghə̀ shə̀ʼtə̀ ntɨm mu ghə̀ lù fa Nyìngòŋ, ghə̀ kɨ la ghə̀ diʼsə kətʉ kə Yesò, a ghə̀ diʼi kətʉ kəwen.

1 Kolìntyàns 12:28

A diʼ a ngə̀ŋ Nyìngòŋ mu Nyìngòŋ ə gə̀sə̀ li viʼi ə ghʉ̀ a tə chʉ̀ tə shwèʼ to tənkì a tənkì. Ghə̀ ghʉ̀ li viʼi ambì, a diʼ viʼi ntɨm, ə kùmtə nə̀ nshə̀ʼtə̀sə. Fa yi abàm ghə̀ ghʉ̀ ndìʼsə̀sə ə be ghʉ̀ viʼi vyi a və ne nyʉ̀ ə kaynəvə ə ghʉ̀ vətsevə la və nə̀ chʉʼʉ viʼi nə̀ viʼi a və gyàmtə̀ viʼi vətsenvə. Ghə̀ ghʉ̀ li viʼi la və ə̀ tisə viʼi ə ghʉ̀ vətsevə la və nkɨ təgaʼ tə tsentə, ko andiʼ la à ziʼi wìʼ ə ziʼi vəwenə tsu.

1 Kolìntyàns 13:1

Mà sətsen ə nkɨ ə gàʼ təgàʼ tə viʼi to a tənkì a tənkì nə̀ tə gàʼà tə ətsɨŋsə Nyìngòŋ, alì ko andiʼ la ma kiʼi əkòŋ, a mà na nyaŋlə to tiʼitiʼi ə viʼi to nə̀ ngèm azhʉ̀ a və kumə buʼtə to buʼtə.

1 Kolìntyàns 13:3

Ma sətsen ku no tèbe ghò a ma kiʼi, be ku no əwen ghomə la və nyuʼ ali faŋke nkiʼi əkòŋ, ko mà na kwʉ̀ʼʉ̀ no to kəfo no fa mpfen.

1 Kolìntyàns 13:8

Wìʼ ə sətsen ə nkòŋ viʼi, ko ghə̀ be a maʼa kòŋ wen. Ənyʉ̀ vyi a nshə̀ʼtə̀sə ə ngàʼa a diʼ kəku a və kù a vəwenə lu mè, tə gàʼà titə a və kù a kəku a viʼi mè, ətof yì a viʼi ə kiʼi a diʼ kəku ko be lu ndiʼ.

1 Kolìntyàns 14:29

Nshə̀ʼtə̀ sə ngàʼa, sə ngàʼà to sə bò kò sə tàʼ. Vəwenə ngàʼà, viʼi vətsenvə nkìtə̀ kənyʉ̀ ki a vəwenə gàʼà.

1 Kolìntyàns 14:39

Ghə̀ŋ ə nsoynə li no nə̀ kədyoʼkə, a vəlemə vwomə, ə nshə̀ʼtə̀ ntɨm yì a ghə̀ lù fa Nyìngòŋ. Kə ghə̀ŋ a ntensə la kə viʼi gàʼà təgaʼ tə kədyàŋ a ngə̀ŋ Nyìngòŋ.

1 Kolìntyàns 14:4

Wìʼ yi a ghə̀ gàʼà təgaʼ tə tsentə ə gyàmtə̀ to wenə wen, ali wìʼ yi a ghə̀ shə̀ʼtə̀ ntɨm mu ghə̀ lù fa Nyìngòŋ, no ndo ə zhʉ kɨ kənyʉ̀ kì a ghə̀ gàʼà kə gyàmtə̀ viʼi və byɨməvə.

1 Kolìntyàns 15:51

Ghə̀ŋ zhʉtə, mà shə̀ʼtə̀ kənyʉ̀, kəlyomtəkə wìʼ ə temə kɨ. Vəghəŋ ko lu pfʉ me tebè və tsèm, ali diʼ lù bvɨtə ə kwitə to vətsèm to zhʉ̀ ə mùʼ.

1 Kolìntyàns 16:22

Wìʼ sətsèn diʼ ke kòŋ Bobo, Ndòyn a wen a kətʉ. Bobo vi a yès!

1 Kolìntyàns 4:1

Viʼi ə diʼ ə̀ nlyɨ̀ mo Bol wenə Abolòs to nə̀ viʼi ə shyèʼ ə Yesò vyi a və ku li nyʉ̀ ə lyomtəvə vyi a və kùmə̀ Nyìngòŋ a vəwenə kəvu.

1 Kolìntyàns 7:19

Ə shɨtə ndyə̀ wìʼ ko ə faŋ ke shɨtə, kə ko kiʼi kənyʉ̀ ə nè. Kənyʉ̀ kə tokə diʼ to ə ghʉ̀ təsoʼ tə Nyìngòŋ.

1 Kolìntyàns 8:4

Ə gàʼ kənyʉ̀ kumə əfo ə zhɨvə vyi a və moʼo Vənyìngòŋ tsu, vəghəŋ ə kɨ la nshəʼsə ə ko diʼ tebè kəfo. Vəghəŋ ə kɨ la Nyìngòŋ yi a ghə̀ tsi diʼ to əmùʼ.

2 Kolìntyàns 12:11

Ma yi gàʼa to nə̀ kəkoynkə mu a ndiʼ mu à ten ghə̀ŋ la mà ngàʼà alì. Ma bwomsə li wenə ghomə, mu a yi ndiʼ kəshi ə kəŋkə̀ ghə̀ŋ bwomsə mò, ghə̀ŋ faŋ kò ghə̀ lə bwomsə. Ma ko kwʉ̀ʼ ə tèbe a kənyʉ̀ ali viʼi ntɨm venə a və lyɨ la və kuʼmə no nànto ə ko chò tebè mò no fa mpfen.

Gàlesìyà 5:16

Ma kəŋə gàʼ a ghə̀ŋ la, Ghə̀ŋ ə tsi ando kəzhwì kə Ŋwoʼkə ə tisə ghə̀ŋ. Ghə̀ŋ sətsen ə nè alə, ko ghə̀ŋ be na nè nyʉ̀ vyi a və fwomə a njòsə wen.

Gàlesìyà 5:22

Alì kəzhwì kə Ŋwoʼkə kòŋ la: viʼi ə̀ nkòŋ vətsevə, saŋlə, kiʼ mbwaʼmə, wensə, kiʼi tyɨmə jùŋ ghə̀ be nè njùŋ a viʼi, choʼsə viʼi.

Gàlesìyà 6:3

No ndò a ghə̀ sətsen kwoʼtə la ghə̀ diʼ kəfo, ali ko ghə̀ diʼ kəwenkə, mu ghə̀ lobtə to wen ə wen.

Efisyàns 3:4

Ghə̀ŋ a dzàŋ nyʉ̀ a venə no zhʉ̀ko ə yenə kɨ la ma kɨli nyʉ̀ ə lyomtəvə a vyi a Nyìngòŋ ə baʼtə̀ kumə Klistò a wìʼ kò kɨ.

Efisyàns 6:19

Ghə̀ŋ ə njɨ̀mə̀ a mò la Nyìngòŋ əku kənyʉ̀ ə ma shə̀ʼtə̀ a zhʉ a ma kəŋ ə gaʼa, ma kɨ kənyʉ̀ ki a ma zi mà gàʼ, la ma sə shə̀ʼtə̀ ntɨm ə jùŋ yi a viʼi ko kɨ ma nshə̀ʼtə̀ ko ma fwàynə̀ kəfo.

Kòlòsyàns 1:26

Ntɨm ə jùŋə yi a Nyìngòŋ ə ndiʼ mu ghə̀ lyomtə li fa viʼi fa ambì no vətsèm, ali ndiʼi luwen a viʼi wen.

1 Timotì 3:16

Kə diʼ tò no nəmwèʼè la byɨmə ə vəghəŋ ə kiʼ kənyʉ̀ kə lyomtəkə la Nyìngòŋ diʼi laynsə, kə ghoʼo nò alə: Klistò ə nlu li vi ə lyɨ̀ əwen wìʼ, kəzhwì kə Ŋwòʼəkə diʼi la ghə̀ diʼ a nkàyn ashɨ ə Nyìngòŋ, Ntsɨŋsə Nyìngòŋ yenə wen, və ziʼi ənyʉ̀ byìʼì wen a təloʼ tə tsèm, viʼi mbyi byɨmə à wen, Nyìngòŋ lyɨ̀ kuʼ nə̀ wen a kàŋ.

1 Joyn 4:8

Wìʼ a ghə̀ ko kòŋə̀ alì ko kɨ̀ Nyìngòŋ byìʼàndo Nyìngòŋ dìʼ əkòŋ.