1 Kolìntyàns 13:1 - The New Testament in the Babanki language

¹ Mà sətsen ə nkɨ ə gàʼ təgàʼ tə viʼi to a tənkì a tənkì nə̀ tə gàʼà tə ətsɨŋsə Nyìngòŋ, alì ko andiʼ la ma kiʼi əkòŋ, a mà na nyaŋlə to tiʼitiʼi ə viʼi to nə̀ ngèm azhʉ̀ a və kumə buʼtə to buʼtə.

1 Kolìntyàns 13:1 ပူးပေါင်းရင်းမြစ်များ

Matìyò 25:45

Fòn mu gàʼ à vəwenə la, Mà gàʼà à ghə̀ŋ nəmwèʼè la no ghò a ghə̀ŋ ntyenə ənè a wìʼ muʼ a ghə̀ ndiʼ a bàm fa ntìntìn vəlèmə̀ vwomə venə dìʼ mu ghə̀ŋ ntyen la ghə̀ŋ ko a nè à mò.

Ŋwàʼlə̀ Mak 16:17

Viʼi vi a və byɨmə, Nyìngòŋ à kù àdyoʼ à vəwenə la vəwenə ndìʼì nchwi, nè nyʉ̀ kanəvə dzɨ̀mə̀ shìsə̀ zhwì byɨvə, be gàʼà təgàʼ a vəwenə nko təmə̀ gàʼ.

Lumans 14:15

Wù sətsen ə zhɨ̀ nki kəfo kətsen kə, kənyʉ̀ kikə ə ku ngəʼ a kwòʼtə ə lèmə̀ wù, ko kə be a diʼi la wù kòŋ wen. Kə wù a nè la lèmə̀ wù fəŋ byìʼì kəfo kì a wu zhɨ. Wù kɨli la Yesò ə pfʉ a wen.

1 Kolìntyàns 12:10

Kəzhwì na kèn to kə mùʼ nə̀ dyʉ̀ a wu ə tsen, kə ne la ghə̀ nshwèʼè təshwèʼ tə kaynətə, ə dyʉ̀ a wutsen, kə ku kədyòʼ la ghə̀ nshə̀ʼtə̀ nyʉ̀ mu və lù fa Nyìngòŋ. Kə dyʉ̀ a wu ə tsen, kə nè la ghə̀ nkɨ nəkwoŋ yì a ghə̀ diʼ a ntìntìn nyʉ̀ yi a və lù fa Kəzhwì kə Ŋwoʼkə nə̀ vyi a və lù fa zhwì ə tsevə. Kəzhwì na kì ne sə dyʉ̀ a wutsen, kə ne la ghə̀ ə nkɨ ə gàʼ təgàʼ ko andiʼ la ghə̀ ziʼi fa wìʼ, ə dyʉ̀ a wìʼ ə tsen, kə ne la ghə̀ ə nzhʉ kɨ təgàʼ a titə, shə̀ʼtə̀ kənyʉ̀ ki a tə gàʼà titə gàʼà.

1 Kolìntyàns 12:16

Kətiʼitiʼi kə ə sətsen ə gàʼà la, “Ma ko diʼ kəbàs kə wen byìʼì ando ma ko diʼ ashɨ,” Ko na kikə mu a nè la kə kə be diʼ kəbàs kə wèn.

1 Kolìntyàns 12:8

Kəzhwì na kènkə kə mùʼ nə̀ dyʉ̀ a wu ə tsen, kə ne la ghə̀ ngàʼà nə̀ ətofə, kə dyʉ̀ a wutsen kə ne la ghə̀ nkɨ ə shə̀ʼtə̀ nyʉ̀ vyi a kə diʼi a wen.

1 Kolìntyàns 13:8

Wìʼ ə sətsen ə nkòŋ viʼi, ko ghə̀ be a maʼa kòŋ wen. Ənyʉ̀ vyi a nshə̀ʼtə̀sə ə ngàʼa a diʼ kəku a və kù a vəwenə lu mè, tə gàʼà titə a və kù a kəku a viʼi mè, ətof yì a viʼi ə kiʼi a diʼ kəku ko be lu ndiʼ.

1 Kolìntyàns 14:2

Wìʼ yi a ghə̀ gàʼà təgaʼ tə tsentə ko ndiʼ la à ziʼi wìʼ a wen ko gàʼà a viʼi, ghə̀ boŋsə gàʼà a Nyìngòŋ byìʼì ando ghə̀ gàʼà nyʉ̀ ə lyomtəvə a kədyòʼ kə Kəzhwì, ko wìʼ lu zhʉ kɨ kənyʉ̀ kì a ghə̀ gàʼà.

1 Kolìntyàns 14:4

Wìʼ yi a ghə̀ gàʼà təgaʼ tə tsentə ə gyàmtə̀ to wenə wen, ali wìʼ yi a ghə̀ shə̀ʼtə̀ ntɨm mu ghə̀ lù fa Nyìngòŋ, no ndo ə zhʉ kɨ kənyʉ̀ kì a ghə̀ gàʼà kə gyàmtə̀ viʼi və byɨməvə.

1 Kolìntyàns 14:5

Ma kòŋ la ghə̀ŋ ngàʼà təgaʼ tə kədyàŋ ali tuʼtə kòŋ la ghə̀ŋ ə mbòŋsə̀ shə̀ʼtə̀ nyʉ̀ mu və lù fa Nyìngòŋ, a no ndò a zhʉ̀. Wìʼ yi a ghə̀ shə̀ʼtə̀ nyʉ̀ mu və lù fa Nyìngòŋ ə chò wìʼ yi a ghə̀ gàʼà to təgaʼ tə kədyàŋ, a bwen la ghə̀ sə ngàʼà, wìʼ sədiʼ ə nshə̀ʼtə̀ làynsə kənyʉ̀ kì a ghə̀ gàʼà, ndi viʼi və byɨməvə vyi a və diʼi a ntsentə nkwi, no vətsèm.

1 Kolìntyàns 8:1

Ma kəŋ ə gàʼa kənyʉ̀ luwen kumə əfo ə zhɨvə vyi a və moʼo a nshəʼsə. Vəghəŋ ə kɨ la vəghəŋ vətsèm ə kiʼ ətof. Ətof ə vì to nə̀ əghaŋsə ə wenə ali əkòŋ ə bwòm viʼi bwòmə.

2 Kolìntyàns 12:4

Ghə̀ kuʼ ə zàʼa tsu ə zhʉ nyʉ̀ chʉ̀ ə wen ə zɨm a wìʼ ko zì ghə shə̀ʼtə nə̀ chʉ̀.

Gàlesìyà 5:22

Alì kəzhwì kə Ŋwoʼkə kòŋ la: viʼi ə̀ nkòŋ vətsevə, saŋlə, kiʼ mbwaʼmə, wensə, kiʼi tyɨmə jùŋ ghə̀ be nè njùŋ a viʼi, choʼsə viʼi.

Gàlesìyà 5:6

Kə diʼ alə̀ byìʼì ando vəghəŋ sətsen ə ndiʼ vəghəŋ və Yesò Klistò, kò wìʼ shətə li ndyə̀ wen kò ghə̀ ko shətə, na kì kə ko kiʼi tebè kənyʉ̀ ə nè. Kənyʉ̀ kə tokə diʼ to la, wìʼ na ndiʼi əbyɨmə ə wen chò fa ji a ghə̀ ne koŋə viʼi fa tsu.

1 Timotì 1:5

Mà gaʼa kənyʉ̀ a kenkə à wù alə byìʼì ando ma kəŋ la viʼi və byɨməvə ə kiʼ əkòŋ yi a ghə̀ fʉ̀ fa tətyɨm tə laynə tə, kə və wenə a nkiʼ kwòʼtə̀ ə byɨghə, bè nkiʼ əbyɨmə yi a ghə̀ diʼi nəmwèʼè.

1 Bità 4:8

Nò kənyʉ̀ kə to kə ə diʼ la ghə̀ŋ ə shɨtə kòŋmə tə wenə ətəŋtə byìʼì ando əkòŋ ə na nè, və lyesə ku mbyɨsə to kədə̀ŋ.

2 Bità 2:18

Vəwenə ə ghaŋsə wèn gàʼà no nànto be gàʼà gaʼa ə kənkoyn, lobtə viʼi vyi a və sə nyɨŋ fʉ̀ vi fa a ntìntìn ə̀ viʼi vyi a və ko kɨ ji Nyìngòŋ, kəŋ la viʼi a vyi vi ə tsèntə vəwenə, wenə vəwenə ə nè nyʉ̀ vyi a njòsə əwen ə̀ vəwenə sə kòŋ.

Kəmwetə 14:2

Mà zhʉ gɨ̀ ghə̀ kù fʉ vì fa kàŋ tò sə à kù ə̀fəŋ ə ghoʼoghə, bwankə̀ to nə̀ əghʉ. Gɨ̀ ayì ə̀ nkù to nə̀ təlyuŋ a viʼi vi ə bʉʼʉ.