1 Kolìntyàns 12:13 - The New Testament in the Babanki language

¹³ Vəghəŋ nkaʼkə li ə sə diʼ to əwèn ə mùʼ a tʉʼ a kəzhwì kə Ŋwoʼkə nku mu a vəghəŋ, kò a ndiʼ la, vəghəŋ diʼ viʼi Jus, kò vəghəŋ ə ndiʼ viʼi ətɨm, kò vəghəŋ ə ndiʼ əkòs a wìʼ, ko vəghəŋ ndiʼi fa vəghəŋ a ngeŋsə. Nyìngòŋ ə ku li Kəzhwì na kènkə kə mùʼ, to a vəghəŋ vətsèm.

1 Kolìntyàns 12:13 ပူးပေါင်းရင်းမြစ်များ

Matìyò 3:11

Mà ku mu à ghə̀ŋ tò nə̀ mu mə Amù ədiʼ la ghə̀ŋ kwitə li tətyɨm təŋtə fà ghə̀ŋ a mbyɨsə, alì wìʼ yì a ghə̀ vì fa mò a bàm, chò mò, a mà ko kwʉ̀ʼ no fa mpfen əshyèʼ a wen a nə̀ kəkòs kə byèʼè gwʉsə aghʉ wen. Ghə̀ ne ku mu à ghə̀ŋ nə̀ kəzhwì kə ŋwoʼkə be chòsə̀ viʼi vətsen və a zhìʼ.

Ŋwàʼlə̀ Luk 3:16

Joyn bwènsə̀ gàʼ a vəwenə vətsèm la “Ma a ku mu a ghə̀ŋ tò nə̀ mu mə amù, ali wi vì fa mò a bàm to chò mò, ma ko kwʉʼ no fampfen əzàs mpfʉ̀sə gwʉsə aghʉ wen. Ghə̀ a ku mu à ghə̀ŋ nə̀ kəzhwì kəŋwoʼkə ə bè chòsə̀ viʼi vətsen və a zhìʼ.

Joyn 1:16

A diʼ fa kusə shinsə wen a ghə̀ diʼ no ghoʼ ə ghoʼ, a ghə̀ ne la vəghəŋ sə kiʼi ə mbwaʼməsə to ghayn a ghayn.

Joyn 1:33

Ma ko tə ndiʼ kɨ wen. Ma tə sə kɨ wen mu ma kɨ to byìʼì kənyʉ̀ ki a Nyìngòŋ tə sə tɨm mo la ma vi əku mu nə̀ mu mə fwàyn ə gàʼ la, ‘Wù lù yen no ndò to ando kəzhwì kə Ŋwoʼkə shiʼi vi nyʉ̀ʼmə faŋ a wen a kətʉ, wù mu kɨ la à diʼ wen yi a ghə̀ vi ə ku mu nə̀ Kəzhwì kə Ŋwoʼkə a viʼi.’

Joyn 3:5

Yesò ə gàʼ la, “Ma gàʼà a wù to no nəmwèʼè la wìʼ zizi ko ghə̀ lu kwèn akəshi kəfòyn ə Nyìngòŋ, a bwen la ghə̀ kiʼi li bwi a mù bènə̀ bwi kəzhwì.

Joyn 4:10

Ando ghə̀ bèmə alì, Yesò ə mu gàʼ a wen la, “Wu to kɨ fo vyi a Nyìngòŋ ə ku a viʼi be kɨ wìʼ yi a ghə̀ loynə mu mèyn fa wù, mu wù loyn li mu, a kodiʼ mu mə fwàyn, ghə̀ ku a wù.”

Joyn 4:14

Alì, mu à nyʉ̀ no ndò nyʉ mu mì a ma ku, mu ətoŋ mu ko lu be zɨmə wen. Wìʼ ə sətsen nyʉ mu na mèyn, ma dyʉ̀ kaʼkə ndiʼ a wen a wèn to nə̀ fədyàn fə, ə ne wen la ghə̀ kiʼi ntsìnə̀ yì a ghə̀ ko lu mè.”

Joyn 6:63

A ku to kəzhwì kə Nyìngòŋ ku ə ntsìnə̀ a viʼi. Wìʼ ə ko kiʼi kənyʉ̀ kə tsenkə ə nè fa wen a ngeŋ. Mà sə diʼ mù ma shə̀ʼtə̀ li kənyʉ̀ ki a ghə̀ŋ diʼi ə nè, ndi kiʼi Kəzhwì a kəku ntsìnə̀. Gàʼ ghenə a ma tə ngàʼà a ghə̀ŋ lə a ne la ghə̀ŋ kiʼi kəzhwì kə Nyìngòŋ, be kiʼi bwoŋ yi a ghə̀ŋ a ghə̀ ko lu mè.

Shwèʼ 1:5

Joyn tə nku mu à viʼi tò nə̀ nkàntə̀ à mù alì luwèn à sə̀ diʼ mu, à fàŋ tò mətsì nshə̀ʼ alə̀ və nku mu à ghə̀ŋ nə̀ kəzhwì kə ŋwoʼəkə.”

Lumans 3:22

Nyìngòŋ ə ne lyɨ no ndo a wù kənyʉ̀ kətɨməkə chò fa wen a əbyɨmə a Yesò Klistò, nəkwoŋ ko be lu ndiʼ a wu ə tsen.

Lumans 3:29

Nyìngòŋ diʼ Nyìngòŋ a viʼi Jus, diʼ Nyìngòŋ a viʼi ətɨm.

Lumans 4:11

Və ə shɨtə ndyə̀ wen to a nchwi ə diʼ la Nyìngòŋ ə lyɨ̀ li wen a wù kənyʉ̀ kətɨməkə. Ghə̀ lyɨ wen a wù kənyʉ̀ kətɨməkə byìʼì byɨmə yì a ghə̀ nkiʼi. Kə fʉ̀ alə ndi ghə̀ ndiʼ tìʼ a viʼi vyi a və byɨmə, Nyìngòŋ ə boŋ lyɨ̀ və wen a viʼi kənyʉ̀ kətɨməkə byìʼì byɨmə ə vəwenə a ko ndiʼ la və shɨtə a diʼ ndyə̀ vəwenə.

1 Kolìntyàns 10:2

Nyìngòŋ ə nku li mu a vəwenə a mboʼsə a yi no vətsèm ə be ku mu a mù mə baŋə mə̀, vəwenə sə diʼ ndzɨ̀mtə̀sə bàm Mosìs.

Gàlesìyà 3:23

A ndiʼ mibu ə zhʉ əbyɨmə a Klistò vì, Əsoʼ ne li və ghə̀ŋ sə tsi to ne viʼi mfɨŋ. Əsoʼ nghaʼa li a vəghəŋ zaʼa ando Nyìngòŋ ə ndiʼi làynsə əbyɨmə na ghenə a Klistò.

Gàlesìyà 3:28

Nəkwoŋ ko be diʼ fa wù ə Jus wenə wìʼ yi a ko diʼ wù Jus. Nəkwoŋ ko be diʼ fa wìʼ yi a ghə̀ diʼi fa ngeŋ wenə wìʼ yi a ghə̀ diʼi kəkòs, ko ghə̀ diʼ a wùlɨm nə̀ wùwì, byìʼì ando ghə̀ŋ və tsèm sə tsèntə diʼ to kənyʉ̀ kə mùʼ vye və Yesò Klistò.

Efisyàns 3:6

Kənyʉ̀ kə kaynəkə a kì a və ə mo fa ambì ə diʼ la, viʼi ə ətɨm vyi a və byɨmə ntɨm ə jùŋ lu tsèntə zhɨ̀ fòyn ə Nyìngòŋ wenə viʼi Islel ə be tsèntə diʼ əbàs to a ntìntìn əwèn ə mùʼ, be diʼ lù tsèntə ə kiʼi mbwaʼsə yì a Nyìngòŋ ə ghʉ li chò fa a Yesò Klistò.

Efisyàns 4:5

Vəghəŋ kiʼi to Bobo ə mùʼ, vəghəŋ əbyɨmə to kənyʉ̀ kə mùʼ, vəghəŋ nshi mu to a kwi kənyʉ̀ kə mùʼ.

Efisyàns 5:26

Ghə̀ ə mpfʉ̀ ə shʉ̀ viʼi və byɨməvə la və laynə ə ku a Nyìngòŋ, chò fa a ntɨm ə jùŋ ə wen.

Efisyàns 6:8

Ghə̀ŋ kɨli la wìʼ ə sətsen nè no tèbe jùŋ ə kò, kò ghə̀ diʼ kəkòs kò ghə̀ ko diʼ, Nyìngòŋ ə lù ku əmòʼtə wen.

Kòlòsyàns 1:27

Nyìngòŋ ə kəŋ la viʼi wen kɨ la kənyʉ̀ kə lyomtəkə kə kaynəkə ken be diʼ a viʼi ə tɨm. Kənyʉ̀ kèn diʼ la Klistò ne diʼ to no a ghə̀ŋ tətyɨm, ədiʼ la ghə̀ŋ kɨli nəmwèʼè la ghə̀ŋ lu ə tsi vye vəwenə a ntìntìn əghoʼ wen.

Kòlòsyàns 3:11

Ali, ə nəkwoŋ ko diʼ ko ghə̀ lu ndiʼ a wìʼ, kò à diʼ wù ə Jus kò à diʼ wù ə Glek, kò və shɨtə li wen kò və ko shɨtə, kò à diʼ wù kətɨm. Ə nəkwoŋ kodiʼ a viʼi vi a diʼi əkos nə̀ viʼi vyi a və diʼ fa ngəŋ, ali kənyʉ̀ kə tokə diʼ to Yesò. Ghə̀ diʼ a ntìntìn viʼi wen və tsèm.

1 Bità 3:21

Mu na mèyn a vəwenə ə lyeʼə fa yi akwi ə bwòŋ lə ə diʼi shi a mu yì a ghə̀ŋ shi luwen əbwòŋ chò fa Yesò Klistò ə diʼ la ghə̀ŋ maʼa li mbyɨ shəŋsə. Ma ko gàʼa kumə tèbè mu mì a ghə̀ŋ shʉ əwenə ghenə tsu, ma gàʼa kumə kənyʉ̀ a ghə̀ŋ ghʉ li la tətyɨm ə təŋtə ne laynə ashɨ Nyìngòŋ. Mu a mèyn ə bwòŋsə ghə̀ŋ chò fa məlù yi a Yesò Klistò ə lùli fa pfʉ.