1 Kolìntyàns 10:6 - The New Testament in the Babanki language

⁶ Ənyʉ̀ na venə diʼ nchwi ə ku kətyiftə a vəghəŋ la kə vəghəŋ na kòŋ nyʉ̀ ə byɨvə to nə̀ vəwenə,

1 Kolìntyàns 10:6 ပူးပေါင်းရင်းမြစ်များ

Lumans 5:14

Kə ndiʼ tèbe alə̀, pfʉ ə ndiʼ a mbi, ə zìtə̀ fa achʉʼ ə Adàm ə kuʼ ə zàʼa achʉʼ ə Mosìs, no tèbe ando viʼi vətsenvə ndiʼ ko andiʼ la və nè nki mbyɨ ə Adàm ə tensə Nyìngòŋ. Adàm ndiʼ to nə̀ wìʼ yi a ghə̀ ndiʼ lù vi abàm,

1 Kolìntyàns 10:11

Ənyʉ̀ na venə ə̀ nfʉ̀ a vəwenə a nchwi, və be nyòʼò ə ghʉ əku kətyiftə a vəghəŋ byìʼì ando əzhʉ̀ boʼsə li ə mbyi mè.

Hibùlù 4:11

Vəghəŋ mwomsə lì no nə̀ kədyòʼ kə ə kwen akəshi kəzhʉtəkə na ghèn. Vəghəŋ sə mwomsə, vəghəŋ ntuʼmə kə wìʼ na faŋ ke nzhʉ Nyìngòŋ ando vətiʼ və vəghəŋ ə ntyen la və ko zhʉtə faŋ kò və lə kwen.

Hibùlù 9:24

Yesò nko ə kwen a kəshi kə ŋwoʼkə mu à bwòm viʼi. Ngə̀ŋ yì a bwomə viʼi ə ndiʼ to kədèmdèm kə ngə̀ŋ Nyìngòŋ a yì akàŋ. Yesò nkwen to no akàŋ a ben ə Nyìngòŋ, luwen sə diʼ ghə̀ sensə Nyìngòŋ a vəghəŋ akəshi.

1 Bità 3:21

Mu na mèyn a vəwenə ə lyeʼə fa yi akwi ə bwòŋ lə ə diʼi shi a mu yì a ghə̀ŋ shi luwen əbwòŋ chò fa Yesò Klistò ə diʼ la ghə̀ŋ maʼa li mbyɨ shəŋsə. Ma ko gàʼa kumə tèbè mu mì a ghə̀ŋ shʉ əwenə ghenə tsu, ma gàʼa kumə kənyʉ̀ a ghə̀ŋ ghʉ li la tətyɨm ə təŋtə ne laynə ashɨ Nyìngòŋ. Mu a mèyn ə bwòŋsə ghə̀ŋ chò fa məlù yi a Yesò Klistò ə lùli fa pfʉ.

2 Bità 2:6

Nyìngòŋ ə nyʉʼ li əloʼ ə Sodòm nə̀ əloʼ ə Gòmolyà nə̀ zhiʼ, təloʼ na tèntə be mè, a diʼ nchwi ə diʼ la à lə kənyʉ̀ ki a kə lu fʉ̀ a viʼi vyi a və ko zhʉ̀ tebè wen.

Ŋwàʼlə̀ Jud 1:7

Ghə̀ŋ be kwòʼtə̀ loʼ Sodòm nə̀ loʼ Gòmolyà nə̀ tə loʼ tə tsen titə a tə mboʼsə təloʼ a tentə. Ghə̀ŋ lyɨ̀ a kəchʉtə to ando viʼi loʼ a venə ə tsì to tsì a nyʉ̀ byɨvə ə vəwenə wenə ki, lyʉmə be tsi nə̀ lyʉmə. Nyìngòŋ mbyibsə li vəwenə nə̀ zhiʼ ndi kə ndiʼ a nə̀ kəchʉtə kə a viʼi vətsenvə və la Nyìngòŋ lu soʼ ə byɨbsə vəwenə nə̀ zhiʼi a ghə̀ ko lu mè.