အွန်လိုင်း သမ္မာကျမ်းစာ

1 Kolìntyàns 10:17 - The New Testament in the Babanki language

¹⁷ Kə diʼ alə̀ byìʼì ando vəghəŋ nə̀ ndiʼ tèbe və ghoʼo, və tsèntə ə zhɨ̀ to kəbayn kə mùʼ, kə diʼ la vəghəŋ ə diʼ to ə wèn ə mùʼ.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

1 Kolìntyàns 10:17
17 ပူးပေါင်းရင်းမြစ်များ

Lumans 12:5

Kə le diʼ to ndə̀ŋndəŋ a vəghəŋ. Vəghəŋ viʼi vəbyɨməvə diʼ a kənyʉ̀ kəmùʼ diʼ wèn ə mùʼ vəghəŋ və Yesò Klistò, ali diʼ to ə wèn ə mùʼ byìʼì əbyɨmə yì a vəghəŋ ə tsèntə kiʼ a Yesò, no tèbe kəbàs kə kò ə ghàŋtə to wenə kətsen.

အခန်းကိုကြည့်ပါ။

1 Kolìntyàns 10:21

Ghə̀ŋ zizi ko ghə̀ŋ lu ə nyʉ̀ fa ndoŋ ə Nyìngòŋ be nyʉ̀ fa ndoŋ əzhwì byɨvə. Ghə̀ŋ zizi ko ghə̀ŋ lu zhɨ̀ akwi kəbaŋ ə Bobo be dyʉ̀ zhɨ̀ akwi kəbaŋ əzhwì byɨvə.

အခန်းကိုကြည့်ပါ။

1 Kolìntyàns 12:12

Vəghəŋ ə kɨ la ə wèn ə wìʼ ə diʼ to əmùʼ ali kiʼ bàs to kədə̀ŋ. Əbàs ə wèn a venə ə tsèntə diʼ to a wèn na ghèn ə mùʼ. Kə lə diʼ ndə̀ŋndəŋ to ali a Klistò.

အခန်းကိုကြည့်ပါ။

1 Kolìntyàns 12:27

Ghə̀ŋ vətsèm diʼ alə̀ tsèntə diʼ əwèn ə Yesò, no ndò a ghə̀ŋ ntìntìn diʼ kəbàs kə mùʼ fa tsu.

အခန်းကိုကြည့်ပါ။

Efisyàns 3:6

Kənyʉ̀ kə kaynəkə a kì a və ə mo fa ambì ə diʼ la, viʼi ə ətɨm vyi a və byɨmə ntɨm ə jùŋ lu tsèntə zhɨ̀ fòyn ə Nyìngòŋ wenə viʼi Islel ə be tsèntə diʼ əbàs to a ntìntìn əwèn ə mùʼ, be diʼ lù tsèntə ə kiʼi mbwaʼsə yì a Nyìngòŋ ə ghʉ li chò fa a Yesò Klistò.

အခန်းကိုကြည့်ပါ။

Efisyàns 4:16

Klistò tsentə li viʼi a kənyʉ̀ kə mùʼ ando əbàs wen ə tsèm ə diʼ a kənyʉ̀ kə mùʼ, no tèbe zhuŋ ə kò a wen ə gyamtə ə ghaʼ to əwen ə tsèm. No tèbe əshyə ə kò ne shwèʼè to ando ghə̀ diʼ ə nshwèʼè, əwèn ə tsèm ə sə kwi be shɨtə totə. Adiʼ ji a ntsèntə̀sə viʼi vəbyɨməvə diʼi ndiʼ a zhʉ a vəwenə ə kòŋmə təwentə vəwenə.

အခန်းကိုကြည့်ပါ။

Efisyàns 4:25

Kə le diʼ luwen la ghə̀ŋ diʼ ə maʼa ndzɨ̀ŋsə, no ndo ə ngàʼà to nəmwèʼè a lèmə̀ wen byìʼì ando vəghəŋ və tsèm diʼi to nə̀ viʼi a və tsèntə sə diʼ to əwènə mùʼ.

အခန်းကိုကြည့်ပါ။

Efisyàns 4:4

Ghə̀ŋ diʼ bàs əwèn ə mùʼ, kəzhwì kə Nyìngòŋ kì a kə shwèʼè a wèn a yi ə diʼ to kə kəmùʼ, to ndə̀ŋndəŋ ando Nyìngòŋ ə ndzàŋ shisə ghə̀ŋ fa mbyi ə ne ghə̀ŋ sə ki to kənyʉ̀ kə mùʼ kɨ la ghə̀ŋ lu bwòŋ.

အခန်းကိုကြည့်ပါ။

Kòlòsyàns 2:19

Vəwenə ko be tsèntə tebè wenə Klistò yi a ghə̀ diʼ kətʉ. A diʼi wen yi a ghə̀ kù kədyòʼ a əwen ə tsèm la ghə̀ nkwi a ji yi a Nyìngòŋ ə ne la ghə̀ kwi fa tsù. Yesò ghaʼa əwen wen na ghèn ə tsèm to ndə̀ŋndəŋ ando məghaŋ nə̀ tsèntə ghaʼa əwen wìʼ a kəfo kə muʼ

အခန်းကိုကြည့်ပါ။

Kòlòsyàns 3:11

Ali, ə nəkwoŋ ko diʼ ko ghə̀ lu ndiʼ a wìʼ, kò à diʼ wù ə Jus kò à diʼ wù ə Glek, kò və shɨtə li wen kò və ko shɨtə, kò à diʼ wù kətɨm. Ə nəkwoŋ kodiʼ a viʼi vi a diʼi əkos nə̀ viʼi vyi a və diʼ fa ngəŋ, ali kənyʉ̀ kə tokə diʼ to Yesò. Ghə̀ diʼ a ntìntìn viʼi wen və tsèm.

အခန်းကိုကြည့်ပါ။

Kòlòsyàns 3:15

Ghə̀ŋ moʼtə mbwaʼmə yì a Yesò ku ghə̀ tisə təkwòʼtə̀ təŋtə, ə dzàŋ ghə̀ŋ la ghə̀ŋ fʉ̀ vi ə diʼ a wenə ə mùʼ, kiʼi mbwaʼmə be ku kəzòŋ a wen.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

1 Kolìntyàns 10:17 - The New Testament in the Babanki language

1 Kolìntyàns 10:1717 ပူးပေါင်းရင်းမြစ်များ

1 Kolìntyàns 10:17
17 ပူးပေါင်းရင်းမြစ်များ