1 Kolìntyàns 10:14 - The New Testament in the Babanki language

¹⁴ Alì, ghə̀ŋ nyɨŋsə təwen ə təŋtə fa gumlə nshəʼsə a doŋ shom sə jùŋsə.

1 Kolìntyàns 10:14 ပူးပေါင်းရင်းမြစ်များ

Shwèʼ 15:20

Vəghəŋ boŋsə̀ nyòʼ ŋwàʼlə̀ ə̀ shə̀ʼtə̀ a vəwenə la kə vəwenə à zhɨ̀ kəfo a və moʼò li a nə̀ kəku à vənyìngòŋ; la kə vəwenə à ntsi nə̀ ki kò nə̀ lʉmə viʼi, ko əpfiʼ tè nyàm tsen a və sɨŋsə̀ sɨŋsə, ko nyʉ mənlyuŋ.

Lumans 12:19

Kə ghə̀ŋ be lù mbwensə mbyɨ a doŋ shomsə. Ghə̀ŋ boŋsə əwʉ̀sə a Nyìngòŋ, ghə̀ diʼ tin nə̀ fwi ə wen to ndə̀ŋndəŋ ando və nyoʼo li la Bobo ə gàʼ la, “A diʼ kəshi ə komkə ə shisə nyʉ̀ vyi a viʼi ə nè. Mà lu bwènsə̀ loʼ nyʉ̀ ə byɨvə ə viʼi.”

1 Kolìntyàns 10:15

Ma gàʼà a ghə̀ŋ to nə̀ viʼi a və kiʼi ətof. Ghə̀ŋ kwoʼtə kənyʉ̀ ken a ma gàʼà no fa ghə̀ŋ a ngeŋsə.

1 Kolìntyàns 10:19

A ghə̀ŋ lə zhʉ̀ kɨ no tèbe kənyʉ̀ kì a ma gàʼà a? Ma gàʼà ə boʼ la əfo ə zhɨvə vyi a və moʼo a əse a nshəʼsə ə diʼ no kəfo kə tsenkə mu, la no nshəʼsə a vyi diʼ kəfo lo?

1 Kolìntyàns 10:7

gumlə nshəʼsə to ando vəwenə vətsenvə ə ngumlə̀. Və nyoʼo li a ŋwàʼlə̀ Nyìngòŋ la, “Vəwenə ə nyʉ̀ʼmə li a nse ə zhɨ̀ ə be nyʉ, fa bàm a tsu vəwenə lù ə sə benə ku əkuʼsə a nshəʼsə.”

1 Kolìntyàns 5:11

Ma tə boŋsə nyòʼ ə gàʼ la, kə ghə̀ŋ ə̀ ntsèntə̀ vye wìʼ a ghə̀ gàʼa la yi diʼ wu byɨmə ali tsi ntsìnə̀ kəfwaʼlə a nə̀ ə dzɨ̀mtə̀ ki kò lʉ̀mə, bàŋbàŋ, ghə̀ be kuʼsə nshəʼsə. Ma gàʼa la kə ghə̀ŋ ne ntsèntə̀ vye viʼi vyi a və ghamə, be nyʉ chòsə̀ məlyʉ̀ʼ bomə, ko və tsoŋ. Kə ghə̀ŋ a mwomsə tebè mwomsə zhɨ̀ vye nki viʼi a venə.

2 Kolìntyàns 11:11

Ghə̀ŋ kwòʼtə la ma gàʼa alə̀ byìʼì ando mà ko kòŋ ghə̀ŋ mu? Nyìngòŋ ə kɨ la mà kòŋ ghə̀ŋ.

2 Kolìntyàns 12:15

Ma saŋlə ə byɨbsə no tèbe ghò ə be ə ku wen ghomə ə gyamtə ghə̀ŋ. Byìʼì ghò a ma kòŋ ghə̀ŋ no nànto alə, ghə̀ŋ kòŋ mò to ntèʼ a?

2 Kolìntyàns 12:19

Ghə̀ŋ kwòʼtə la yès nyoʼtə nyʉ̀ venə alə byìʼì ando yès ə kəŋ ntaŋ ə chʉ̀ yèsə laynə a ghə̀ŋ ashɨ mu? Jòʼ! yès ə gaʼa to nə̀ viʼi Yesò ashɨ Nyìngòŋ. Yès sə gaʼa nyʉ̀ a venə a ghə̀ŋ no ətsèm alə̀ to byìʼì ando yès ə kòŋ ghə̀ŋ, kəŋ la ghə̀ŋ nkwi a jisə yi a Nyìngòŋ ə kəŋ fa tsu a vəlemə.

2 Kolìntyàns 6:17

A le kənyʉ̀ ki a Bobo ə gàʼa la: “Ghə̀ŋ fʉ̀ vi fa a ntìntìn ə viʼi və byɨvə ə nti nəkwoŋ. Kə ghə̀ŋ kumə kəfo kì a kə ko diʼ kəfo kə ŋwoʼkə, ndi mà shisə ghə̀ŋ,

2 Kolìntyàns 7:1

Luwen ando Nyìngòŋ ə ghʉ̀ li nyʉ̀ a venə a vəghəŋ a doŋ shomsə jùŋsə, kə bòŋ la vəghəŋ mwomsə ə nyɨŋ ə bwenə fa abàm nyʉ̀ yi a və vi nə̀ kəməŋkə a njòsə wen, be nə̀ a vəghəŋ kəzhwì. Vəghəŋ boŋsə fwàynə̀ Nyìngòŋ, laynə kwʉ̀ʼ.

Filìbàyns 4:1

Vəlèmə vwomə mà gàʼà à ghə̀ŋ a la, mà kòŋə̀ ghə̀ŋ no nkàyn be kòŋə̀ əyen ghə̀ŋ. Ghə̀ŋ ə nè mà saŋlə̀ no nkàyn. Ghə̀ŋ dìʼ əmoʼtə shyèʼ ə̀ mò. Mà kuʼsə̀ əwen ə ghomə byìʼì ghə̀ŋ. Vəlèmə vwomə ma kòŋ Luwen ghə̀ŋ diʼi tɨmə tò a ghə̀ŋ əbyɨmə a Bobo.

Filimùyn 1:1

A nyòʼò mò Bol nyoʼtə ŋwàʼlə̀ ghèn a wù a Filimùyn. Ma diʼ a ngə̀ŋ nfɨŋ byìʼì ando ma tə shwèʼè a Yesò Klistò. Yo Lèmə̀ vəghəŋ wu byɨmə Timotì ə tɨmə ə toŋtə ə wù. Wù diʼ wù ndoŋ ə yès, Yès ə kòŋ wù no nànto, wù shwèʼè a Yesò ndə̀ŋndəŋ to nə̀ yès.

Hibùlù 6:9

Yès ə gàʼà no tèbe alə̀ a doŋ shomsə, kɨ la à diʼ a ghə̀ŋ, nyʉ̀ ə bòŋ chò fa lə byìʼì əbwoŋə yì a ghə̀ŋ kiʼi.

1 Bità 2:11

Viʼi ndoŋsə ə mò, ghə̀ŋ diʼ viʼi ghayn chò a diʼ jì, ghə̀ŋ ko diʼ viʼi mbyi ashen. A le kənyʉ̀ ki a ma sensə ghə̀ŋ la, kə ghə̀ŋ a nè nyʉ̀ vyi a njòsə əwen ə ghə̀ŋ sə ə kəŋ byìʼì ando nyʉ̀ a venə ə soynə kəzhwì ə kəŋkə̀.

1 Joyn 5:21

Kə ghə̀ŋ a nkiʼ kənyʉ̀ kə tsenkə nè wenə vənyìngòŋ a vunə vwomə.

Kəmwetə 13:8

No viʼi vətsèm vi a və̀ntsi a nse ə̀ ndiʼi nghoʼsə̀ wen, andiʼ viʼi vyi a və nko ə̀ nyòʼ təzhiʼ tə vəwenə mibu mbi sə zìtə̀, a ŋwàʼlə̀ ə̀bwòŋ ə̀ wàyn bi ənjɨ̀ yì a və̀ nshyə lì.

Kəmwetə 2:14

Alì, ənyʉ̀ ə diʼ ə̀ shyə̀ʼ alə̀ a mà ghàmə̀ ghə̀ŋ tsu: Ghə̀ŋ vətsenvə dzɨ̀mtə̀ əziʼi Balàm a ghə̀ ə̀ ndìʼsə̀ Balak, ghə̀ sə nè la viʼi Islel ə nzhɨ ə̀fo a və moʼò à vənyìngòŋ be tsi nə̀ ki ko wenə̀ lʉmə a ko kiʼ vəwenə.

Kəmwetə 21:8

A viʼi vyi a və əfwanə nə̀ viʼi vyi a və ko byɨmə a mò, nə̀ viʼi vyi a və nè nyʉ̀ vyi a və ko diʼ nə̀ laynə ə, nə̀ viʼi a və zhwilə viʼi nə̀ viʼi a və tsi nə̀ ki kò wenə lʉ̀mə, a kokiʼ vəwenə, nə̀ viʼi fənyoʼ nə̀ viʼi a və gumlə nshəʼsə nə̀ viʼi ə zho dzɨŋ no və tsèm, vəwenə nə̀ kiʼ kəshi kə ə vəwenə a nkwòŋ yi a əzhiʼ nə̀ bole tsu li mu və mòʼo li mɨ̀kayn tsu. Kəshi na kènkə le diʼ kənkùmtə̀ kə pfʉ.”

Kəmwetə 22:15

Alì viʼi vyi a və fàŋ abàm ə mbàyn nə̀ diʼ viʼi vyi a və nè nyʉ̀ kəməŋ nə̀ viʼi fənyoʼ nə̀ viʼi vyi a və tsi nə̀ ki kò lʉ̀mə, a ko kiʼi vəwenə nə̀ viʼi vyi a və zhwilə viʼi vətsenvə ne viʼi a və gumlə nshəʼsə nə̀ viʼi vyi a və zhodzɨ̀ŋ be nè nyʉ̀ ə dzɨŋ.