1 Kolìntyàns 10:11 - The New Testament in the Babanki language

¹¹ Ənyʉ̀ na venə ə̀ nfʉ̀ a vəwenə a nchwi, və be nyòʼò ə ghʉ əku kətyiftə a vəghəŋ byìʼì ando əzhʉ̀ boʼsə li ə mbyi mè.

1 Kolìntyàns 10:11 ပူးပေါင်းရင်းမြစ်များ

Matìyò 13:39

Wù kəbàyn yì a ghə̀ nwe kəfʉ̀ʼ kì diʼ Deblə̀, zhʉ məpfì diʼ kənsèsə̀ kə mbi, viʼi a və pfì dìʼ ntsɨ̀ŋsə ngə̀ŋ Nyìngòŋ.

Matìyò 13:40

Ando və ne zhùŋtə̀ kəfʉ̀ʼ a sɨm və nyùʼù àdìʼ tò a lì a və lu nè a viʼi avenə a kənsèsə̀ kə mbi.

Lumans 13:11

Ə kwʉ̀ʼsə, ghə̀ŋ diʼ ə nè nyʉ̀ a venə no ə tsèm byìʼì ando ghə̀ŋ kɨli zhʉ̀ yi a vəghəŋ ə diʼ tsu luwen. Əzhʉ kʉʼʉ li la ghə̀ŋ lu fa mbinsə byìʼì ando a ndiʼ ando vəghəŋ ə mbyɨmə to byɨmə, zhʉ̀ sə boʼsə ando vəghəŋ bwòŋ mwetə, ali luwen ə sə diʼ mù ghə̀ be ə boʼsə chò fa lì.

Lumans 13:12

Ə tʉʼ ə layn li, kəbəŋ kə sə laynə mwetə vì. Vəghəŋ maʼa li nyʉ̀ kəbəŋ kə fenəkə ə boŋsə lyɨ̀ fo ghòŋ vi a və soynə tsu nə̀nchwì.

Lumans 15:4

Nò tèbe ghò a və nyoʼo a Ŋwàʼlə̀ Nyìngòŋ ə ndiʼ ziʼi a vəghəŋ ndiʼ vəghəŋ ə kɨ nəmwèʼè la kənyʉ̀ kì a vəghəŋ ə ki dyʉ̀sə nə̀ kəwenkə lu kwʉ̀ʼ byìʼì mə̀ wensə nə̀ ətyɨm ə to ghə̀ yi a kənyʉ̀ kə Nyìngòŋ kə ku a vəghəŋ.

Lumans 4:23

Kənyʉ̀ a kènkə a və nyoʼ lə kumə Ablaham la, “Ghə̀ nlyɨ li wen a wù kənyʉ̀ kətɨməkə,” a ko ndiʼ la və nyoʼtə to a wen.

1 Kolìntyàns 10:6

Ənyʉ̀ na venə diʼ nchwi ə ku kətyiftə a vəghəŋ la kə vəghəŋ na kòŋ nyʉ̀ ə byɨvə to nə̀ vəwenə,

1 Kolìntyàns 7:29

Nò kənyʉ̀ kì a ma gàʼà a vəlemə vwomə, diʼ la, zhʉ̀ yi a və ghʉ̀ sə diʼ mù ghə̀ boʼsə li. Ə zìtə̀ fa luwèn ə dyʉ̀ nə̀ mbì, viʼi vyi a və kiʼi ki diʼ ə̀ ntsi to sə vəwenə ko kiʼ,

1 Kolìntyàns 9:10

Kə diʼ nəmwèʼè la ghə̀ gàʼa kumə vəghəŋ byìʼì ando wù ə shwèʼè nə̀ we ghə̀ tsen pfì, vəwenə kɨ nəmwèʼè la vəwenə na kiʼi əfo ə zhɨvə ə zhɨ̀ a vəwenə a ntìntìn.

Gàlesìyà 4:24

Vəghəŋ zizi və lyɨ nyʉ̀ na venə ə shəʼmə kənyʉ̀ tsu. Ki venə və bò lə̀ ndiʼ to nə̀ məkàyn na mèyn ə mbò. Ghə̀ muʼ ə lyɨ kəshi kə məkàyn mi a Nyìngòŋ ə zhɨ̀ wenə Mosìs a phèn ə Sinày, ghə̀ bwi li vunə, vəwenə ndiʼ ə ndiʼ əkòs. Əzhiʼ wùwì na ghèn ə ndiʼ Hagà.

Filìbàyns 4:5

Ghə̀ŋ ə ntsi ntsìnə̀ bwaʼmə à viʼi vətsèm. Əzhʉ boʼsə ə Bobo bwenə vì.

Hibùlù 10:25

Kə vəghəŋ ne kwen a kənyʉ̀ yi a vəlemə vətsenəvə ə ne ə lyesə ntsìnə̀ yì a vəghəŋ ə diʼ ə nvi tsèntə to kənyʉ̀ kə mùʼ. Vəghəŋ ə boŋsə ghòmtə̀ təwen tə vəghəŋ byìʼì ando vəghəŋ ə yen li la kətsi kì a Bobo a bwenə vi sə boʼsə.

Hibùlù 10:37

Kə diʼ to ando və nyoʼ li a ŋwàʼlə̀ Nyìngòŋ la: “A faŋ to fəshinə fə zhʉ̀ alə ndiʼ wìʼ yi a ghə̀ diʼ ə vì, vi. Ghə̀ ko be laʼtə.

1 Joyn 2:18

Məntsi mə̀ kəmwetə boʼsə li a vunə vwomə. Ghə̀ŋ ə zhʉ li la wù kəbàyn ə̀ Klistò diʼ lu vì, viʼi kəbàyn ə̀ Klistò diʼ mu və vi li luwèn no vəghoʼo. A le ji a vəghəŋ ə kɨ la məntsi mə̀ kəmwetə boʼsə li.