1 Kolìntyàns 1:8 - The New Testament in the Babanki language

⁸ Ghə̀ a ne la ghə̀ŋ ə nkiʼi kədyòʼ ə zàʼa fa kəmwètə ndi kə wìʼ lù ghàm ghə̀ŋ a kətsi yi a Bobo vəghəŋ Yesò Klistò lu bwenə vì.

1 Kolìntyàns 1:8 ပူးပေါင်းရင်းမြစ်များ

Ŋwàʼlə̀ Luk 17:24

Əvì a Wàyn wìʼ lə nkə̀ʼə̀ ndə̀ŋndəŋ tò nə̀ əwʉ a ghə̀ lə mwànə̀, və yen ando ghə̀ baynə a təshə tə mbyì tə tsèm.

Ŋwàʼlə̀ Luk 17:30

A lè ando nyʉ lu ndìʼ a kətsi a Wàyn Wìʼ lu vì.

Lumans 14:4

Wù diʼ no ndò ə nsoʼo wù ə shwèʼè ə wù ə kədyàŋ a? A diʼ to tì shyèʼ ə wen ə kɨ la ghə̀ ne a nkàyn mu ghə̀ ko ne a nkayn lo, ali mu ghə̀ zizi ko ghə̀ lu fəŋ byìʼì ando Bobo kiʼi kədyòʼ a tomsə ə wen.

Lumans 16:25

Əkuʼsə ə dyʉ̀ a Nyìngòŋ. Ghə̀ kiʼi kədyòʼ ə ne la ghə̀ŋ ə tò a ghə̀ŋ əbyɨmə to ndə̀ŋndəŋ ando ntɨm ə jùŋ yì a ma shə̀ʼtə̀ kumə Yesò Klistò ə ngàʼa. Ghə̀ nè li vəghəŋ kiʼi ntɨm ə jùŋ na ghèn, mu ghə̀ ə nlyomtə li fa viʼi vətsenvə no fa kəgaf,

Lumans 8:19

Nò əfo ə tsèm a Nyìngòŋ ə shɨtə ə bvɨtə no nànto la Nyìngòŋ ə diʼ nkàyntə̀ a vunə wen.

1 Kolìntyàns 3:13

A lu ndiʼ a kətsi yi a Yesò lu bwenə vì və diʼi laynsə no tèbe shyèʼ no ndò a ndayn. Və mwomsə no tèbe shyèʼ ndò nə̀ zhiʼ, ghə̀ diʼi no tèbe nki əshyèʼ ə kò yi a wìʼ tə nshyèʼ.

1 Kolìntyàns 5:5

ghə̀ŋ diʼ ku wìʼ na ghèn a Satan, ghə̀ byɨbsə kətsoʼ kə əwèn ə wen, ndiʼ və lù bwoŋsə kəzhwì kə wen a kətsi yi a Bobo Yesò lu bwenə vì.

2 Kolìntyàns 1:13

Yès ə nyoʼo to kənyʉ̀ ki a ghə̀ŋ ando ghə̀ŋ zì ghə̀ŋ dzàŋ kɨ. Ma kɨli la ghə̀ŋ shɨtə kɨ ntsìnə̀ yès luwen, ali diʼ ə na tuʼtə ə kɨ, ndi à lù ndiʼ a kətsi yi a Bobo vəghəŋ Yesò bwenə vi, ghə̀ŋ ə nsaŋlə̀ kumə yès to ndə̀ŋndəŋ ando yès be a saŋlə kumə ghə̀ŋ.

2 Kolìntyàns 1:21

A ne Nyìngòŋ la vəghəŋ və tsèm ndiʼ ti to a kənyʉ̀ kə muʼ vəghəŋ və Yesò Klistò. A diʼ Nyìngòŋ a ghə̀ tsuʼ yès.

Efisyàns 5:27

Ghə̀ ə nè alə ndi ghə̀ sə lyɨ̀ ngə̀ŋ Nyìngòŋ a nə̀ wùwì əfi ə lam ə wen, ghə̀ ndiʼ ko və ghamə wen, laynə, ko ndiʼ la ghə̀ kiʼi kəməŋ, ko ndiʼ la ghə̀ kiʼi kəlas, ko ndiʼ la ghə̀ kiʼi əmbyɨ ə tsèn.

Filìbàyns 1:10

Ma jɨ̀mə̀ alə̀ ndiʼ ghə̀ŋ kɨ kənyʉ̀ ki a kə bòŋ kwʉ̀ʼʉ̀ ə lu ndiʼ ə̀ laynə a kə̀ʼə̀ Nyìngòŋ, ko ndiʼ la ghə̀ŋ kiʼi ə mbyɨ, ko wìʼ ə ghamə tebè ghə̀ŋ a kənyʉ̀ a kətsi yi a Yesò lə bwenə vì.

Filìbàyns 1:6

Ma be ku alə̀ byìʼì ando ma kɨli nəmwèʼè la shyèʼ ə jùŋghə ghenə a Nyìngòŋ ə zìtə̀ a ghə̀ŋ a ntìntìn lə dyʉ̀ to nə̀ mbì ə zàʼa fa kətsi yi a Yesò Klistò lù bwenə vì.

Kòlòsyàns 1:22

ali Nyìngòŋ ə sə diʼ luwen mu ghə̀ ne li ghə̀ŋ bwensə vi a wen, byìʼì əpfʉ̀ ə kətsoʼ kə wen yì a Wàyn wenə əpfʉ ndi ghə̀ŋ tɨmə ashɨ Nyìngòŋ laynə, ko ghə̀ŋ le kiʼ ə mbyɨ ə tsèn ko wu ki kənyʉ̀ a wìʼ zi ghə̀ gham wu tsu.

Kòlòsyàns 2:7

Ghə̀ŋ we aghaŋ, be bwom wenə ghə̀ŋ ghə̀ to a wen. Ghə̀ŋ bwòm ntsìnə̀ ə ghəŋə a wen a wen ando və bwomə ngə̀ŋ akwi kəchɨ kə ngə̀ŋ kə jùŋə kə, shɨtə ghaʼ byɨmə yi a və tə ziʼi a ghə̀ŋ, ghə̀ŋ a to dyʉ̀ to nə̀ mbì. Ghə̀ŋ a lwin ne ku kəzòŋ a Nyìngòŋ no nànto.

1 Tèsàlonyà 3:13

Ghə̀ŋ sətsen ə nə̀ nè alə̀, ghə̀ a nè tətyɨm təŋtə totə ndiʼ ko ghə̀ŋ nə̀ kiʼi mbyɨ, ko wìʼ lu kiʼ kənyʉ̀ ə gàʼ kumə ghə̀ŋ ashɨ Nyìngòŋ, ə Ti vəghəŋ, azhʉ̀ a Bobo vəghəŋ Yesò bwenə li vi wenə viʼi wen.

1 Tèsàlonyà 5:2

Yes ə gàʼa alə̀ byìʼì ando ghə̀ŋ ə kɨ fa ghə̀ŋ ngeŋsə la, kətsi kì a Bobo lu bwenə vi lu kwʉ̀ʼ, ko wìʼ ə kɨ, ghə̀ lu vi ndə̀ŋndəŋ ando tsòŋ nə̀ vi nətʉʼ.

2 Tèsàlonyà 2:2

kə ghə̀ŋ ne moʼtə viʼi vyi a və diʼi la kətsi kì a Bobo lù vi sə diʼ mù kə vi li, ə fwàynsə ghə̀ŋ ə be boŋsə biʼ kətʉ̀ ə kəŋkə̀. Kənyʉ̀ na kènkə zizi kə ə ndiʼ mu à gàʼ wìʼ, diʼ la ghə̀ shə̀ʼtə̀ ntɨm mu ghə̀ lù fa Nyìngòŋ, zhʉ tseghə kə diʼ mu a tə fʉ̀ ziʼi ə tsen ghə̀, zhʉ tseghə kə nə̀ diʼ mù wìʼ shə̀ʼtə̀ ə gàʼ la kə fʉ a ŋwàʼlə̀ mu a nyoʼ yès ə tɨm a ghə̀ŋ.

2 Tèsàlonyà 3:3

Alì Nyìngòŋ ə gàʼa tèbe la ghò, ghə̀ nè to ali. Ghə̀ na nè tətyɨm ə təŋtə ə to ə bwoŋsə ghə̀ŋ fa kəvu ə Deblə̀.

2 Timotì 1:12

A lə kənyʉ̀ ki a ma yen ngəʼ byìʼì kəwenkə, alì ken la ma ndiʼsə kətʉ byiʼ ando ma kɨ kɨ la ghə̀ tùʼmə̀ nə̀ mò ə zaʼa a kətsi a ghə̀ lu bwenə ə vi.

2 Timotì 1:18

Mà jɨ̀mə̀ la Nyìngòŋ lù diʼ ə kusə nshinsə a wen à Kətsi kə bàm. No wù ə kɨ ando ghə̀ ngyàmtə̀ mò a Efesùs.

1 Bità 5:10

Ghə̀ŋ a nyenə ngəʼ to fəshyinə fə zhʉ̀ alə̀, ə Nyìngòŋ ə tisə ghə̀ŋ, ə ku kədyòʼ a ghə̀ŋ, a kə nè la ghə̀ŋ ə to no nànto. Ghə̀ diʼ Nyìngòŋ, kusə shinsə no nànto. A ndzàŋ wen ə dzàŋ ghə̀ŋ la ghə̀ŋ vi kwen a wen a tyi əbayn ə ghoʼoghə chò fa Yesò, a diʼ əbayn, ko andiʼ la ghə̀ lu mè.

2 Bità 3:10

Alì Nyìngòŋ lu bvɨtə vì a kətsi a wìʼ ko ə kɨ, to nə̀ tsòŋ. A lu ndiʼ a kətsi na yi, kəfo kə zɨ̀mə fa kàŋ, ə kàŋ sàm, ə zhiʼi ə nyʉʼ no tèbe ghò yi a ghə̀ diʼi tsu, nse be mè boʼsə no tèbe nə̀ ghò yi a ghə̀ diʼi tsu.

2 Bità 3:14

Kə le diʼ a doŋ shom sə jùŋsə la, ando ghə̀ŋ kəʼtə kətsi na kì, ghə̀ŋ mwòmsə̀ no nə̀ kədyoʼkə ə ndiʼ nə̀ laynə, ko ghə̀ a nkiʼi ə mbyɨ ashɨ Nyìngòŋ, be tsi nə̀ mbwaʼmə.