1 Kolìntyàns 1:30 - The New Testament in the Babanki language

³⁰ Alì à ne Nyìngòŋ la ghə̀ŋ ə ntsi byìʼì Yesò Klistò. Ghə̀ tə ne la ghə̀ ndiʼ ətof ə vəghəŋ, ə ne la vəghəŋ ə diʼ viʼi kənyʉ̀ kətɨməkə chò fa wen, ə be nè la vəghəŋ ə̀ laynə, ə zen kətʉ kə vəghəŋ.

1 Kolìntyàns 1:30 ပူးပေါင်းရင်းမြစ်များ

Matìyò 1:21

Ghə̀ ne bwi wàyn wulɨm ə wù chʉ zhiʼ wen nə̀ Yesò byìʼì ando ghə̀ lu bwòŋsə viʼi wen fa vəwenə a mbyɨsə.

Ŋwàʼlə̀ Luk 11:49

Byìʼì la, wìʼ yì a və dzàŋ la, ‘Tof Nyìngòŋ’ ngàʼa la, ‘Ma ne tɨm nshə̀ʼtə̀ sə ghoʼkəsə nə̀ viʼi ntɨm à vəwenə, à vəwenə a zhwilə vətsevə, be tsuʼ aghʉ və tsen və.’

Ŋwàʼlə̀ Luk 21:15

byiʼàndo mà lu ku gàʼ a tof à ghə̀ŋ a wìʼ ko lə chò kò tènsə nyʉ̀ vyi a ghə̀ŋ gàʼà.

Joyn 1:18

Wìʼ ə ko tɨmə yen Nyìngòŋ. A diʼ to wàyn Nyìngòŋ yì əmùʼ a ghə̀ diʼi nkàyntə̀ Nyìngòŋ, mu nyʉ̀ʼ to a ben nə̀ Bobo, a ghə̀ diʼi li to ando Nyìngòŋ diʼ a viʼi.

Joyn 14:6

Yesò ə gàʼ a wen la, “Ma diʼ ji, diʼ nəmwèʼè, be diʼ əbwòŋ yì a ghə̀ ko lu mè, wìʼ ko diʼ a ghə̀ zizi ghə̀ dyʉ̀ a Bobo, a bwen la ghə̀ chò fa mo kəvu.

Joyn 17:26

Ma diʼi li wù a vəwenə, diʼ ə bo diʼi dyʉ̀ to ambì ndi vəwenə ə kiʼi kòŋ fa vəwenə a ngeŋsə byìʼì ando ma diʼ to diʼ a vəwenə a ntìntìn. Əkòŋ a ghənə diʼ to kòŋ yì a wù kiʼi a mò.”

Joyn 17:8

byìʼì ando mà shə̀ʼtə li ntɨm ə wù yì a wù tə ku la mà ku a vəwenə, vəwenə zhʉ̀, ə byɨmə. Vəwenə tə ə kɨ nəmwèʼè la mà lù fa wù ben, byɨmə la à tɨm wù ntɨm mo.

Joyn 8:12

Yesò ə ne be sə ngaʼa a viʼi Falàsi ə gàʼ la, “Ma diʼ əbayn mbyi. No ndo a ghə̀ dzɨ̀mtə̀ mo, mu ghə̀ a kiʼi əbayn a wen a ntsìnə̀, ko ghə̀ ə be a njèʼ fa kəbəŋ kəfenəkə”.

Shwèʼ 26:18

Wù ne bòʼtə ashɨ vəwenə be shìsə vəwenə fà ti mfɨnə̀ ə kwensə a tì bayn. Wù ne nè, vəwenə fʉ fà tì soʼ Satan ə̀ dyʉ̀ à Nyìngòŋ ndi və lyesə kù nyʉ̀ byɨvə vəwenə bè nè vəwenə nkiʼ kəshi a tì nòyn viʼi vi a Nyìngòŋ tsuʼli byìʼì byɨmə yi a vəwenə kiʼ à mò.’

Lumans 1:17

Ntɨm ə jùŋ ə̀ diʼi bayn a ji yì a Nyìngòŋ ə nə̀ lyɨ viʼi a viʼi kənyʉ̀ kə tɨməkə fa tsu. Ghə̀ nè alə̀ chò fa ə vəghəŋ a əbyɨmə, kənyʉ̀ kə tsen ko be boʼsə tsu, to ndə̀ŋndəŋ ando və nyoʼ a Ŋwàʼlə̀ Nyìngòŋ la, “Viʼi vi a və diʼ viʼi kənyʉ̀ kətɨməkə byìʼì byɨmə ə vəwenə lu kiʼi əbwòŋ yì a ghə̀ ko lu mè.”

Lumans 11:36

A shɨtə Nyìngòŋ shɨtə fo ə tsèm, fo a vyi sə diʼ to byìʼì ando ghə̀ kòŋ la və ndiʼ, vì nə̀ əkuʼsə a wen. Əkuʼsə ə dyʉ̀ a Nyìngòŋ to məzhʉ̀ ə tsèm. Amèyn.

Lumans 12:5

Kə le diʼ to ndə̀ŋndəŋ a vəghəŋ. Vəghəŋ viʼi vəbyɨməvə diʼ a kənyʉ̀ kəmùʼ diʼ wèn ə mùʼ vəghəŋ və Yesò Klistò, ali diʼ to ə wèn ə mùʼ byìʼì əbyɨmə yì a vəghəŋ ə tsèntə kiʼ a Yesò, no tèbe kəbàs kə kò ə ghàŋtə to wenə kətsen.

Lumans 16:11

Ghə̀ŋ toŋtə Hèlodìyòn, ə wù əloʼ ə yès yi nə̀ viʼi ngwaʼ ə ngə̀ŋ ə Nàsisùs vi a vəwenə diʼ viʼi və byɨmə və a Bobo.

Lumans 16:7

Ghə̀ŋ toŋtə Andɨ̀lonikùs nə̀ Junìyàs. Vəwenə diʼ to viʼi Jus to a nə̀ mò. Yo vəwenə ə ndiʼ a ngə̀ŋ nfɨŋ amuʼ. Vəwenə ə byɨmə li a Yesò a mo a mbì, viʼi ntɨm ə Yesò ə sə shɨtə kɨ vəwenə no akayn.

Lumans 4:25

Nyìngòŋ ə ku wen la və zhwi byìʼì mbyɨsə vəghəŋ ə bwensə lùsə wen fa pfʉ ə ne la vəghəŋ ndiʼ ti a nkàyn ashɨ ə Nyìngòŋ.

Lumans 4:6

Devìt ə mbe ngaʼa to kənyʉ̀ na kènkə ando ghə̀ ə ngaʼa kumə mbwaʼmə yì a Nyìngòŋ ə ku a wìʼ azhʉ̀ a ghə̀ lyɨ̀ wen a wù kənyʉ̀ kətɨməkə ko andiʼ la ghə̀ shyèʼ kənyʉ̀. Ghə̀ ə ngàʼa la:

Lumans 5:19

Wìʼ ə mùʼ nko zhʉ Nyìngòŋ, kə nè, viʼi vətsèm ə sə diʼ viʼi və byɨvə, wìʼ ə mùʼ ə zhʉ Nyìngòŋ kə nè, ghə̀ sə diʼ lù lyɨ̀ viʼi və ghoʼo və a viʼi kənyʉ̀ kətɨməkə.

Lumans 5:21

Mbyɨ ə diʼi kədyòʼ kì a ghə̀ kiʼi chò fa pfʉ ali Nyìngòŋ ə diʼi la ətyɨm ə jùŋə ə wenə ə kiʼi kədyòʼ ə lyɨ̀ vəghəŋ a viʼi kənyʉ̀ kətɨməkə ə ku ntsìnə̀ yì a ghə̀ ko lu mè a vəghəŋ chò fa a Bobo vəghəŋ Yesò Klistò.

Lumans 8:1

Kə le diʼi la viʼi vyi a və mbyɨmə li a Yesò Klistò sə diʼ viʼi wen ko və zizi və lu be fəŋ nsòʼ ashɨ Nyìngòŋ ə luwen.

Lumans 8:23

A ko diʼ to fo a venə a və dì. Nò tèbe vəghəŋ vi a və kiʼi kəzhwì kə Ŋwoʼkə, a diʼ kəku kə ə mbì ki a Nyìngòŋ ə kù a vəghəŋ ə be dì to dì a vəghəŋ a ti tətyɨm, bvɨtə la Nyìngòŋ ə lyɨ̀ vəghəŋ a nkàyntə̀ sə vunə wen, ə zen kətʉ kə vəghəŋ ə mwetə.

Lumans 8:9

Alì fa ghə̀ŋ, ghə̀ŋ ko ghʉ tebè kətʉ ə kəŋkə̀ a nyʉ̀ ə njòsə wen. A tisə Kəzhwì kə Ŋwoʼkə tisə ghə̀ŋ a zhʉ a ghə̀ŋ kiʼi Kəzhwì kə Nyìngòŋ na kènkə nəmwèʼè. Nò tèbe ndo a ghə̀ ko kiʼ kəzhwì kə Yesò kodiʼ wù ə Yesò.

1 Kolìntyàns 1:2

Ma nyòʼò ŋwàʼlə̀ ghèn a ənòyn ə viʼi a və byɨmə li a Nyìngòŋ a və diʼ a ntə̀ʼ Kolìn, nə̀ viʼi a Nyìngòŋ ə tsuʼ li ə ne la vəwenə ndiʼ viʼi vəlaynəvə, diʼ mu ghə̀ lyɨ vəwenə chò fa Yesò Klistò. Ma nyòʼò a ghə̀ŋ, be nyòʼò a viʼi vətsèm no tèbe fè a vəwenə diʼ, dzàŋə zhiʼ ə Bobo vəghəŋ Yesò Klistò. Ghə̀ diʼ Bobo vəwenə be diʼ Bobo ə vəghəŋ.

1 Kolìntyàns 1:24

Alì a viʼi vyi a Nyìngòŋ ə tsùʼtə li, kò à diʼ viʼi Jus kò à diʼ viʼi ətɨm, vəwenə kɨ la Nyìngòŋ diʼi kədyòʼ kə wen nə̀ ətof ə wenə chò fa Yesò.

1 Kolìntyàns 12:18

Əwèn wìʼ ədiʼ alə̀ mu Nyìngòŋ ə ne əghʉ̀ la no tèbe kəbàs kə kò kə ə ndiʼ to a ji yi a ghə̀ kòŋ fa tsù.

1 Kolìntyàns 12:27

Ghə̀ŋ vətsèm diʼ alə̀ tsèntə diʼ əwèn ə Yesò, no ndò a ghə̀ŋ ntìntìn diʼ kəbàs kə mùʼ fa tsu.

1 Kolìntyàns 12:8

Kəzhwì na kènkə kə mùʼ nə̀ dyʉ̀ a wu ə tsen, kə ne la ghə̀ ngàʼà nə̀ ətofə, kə dyʉ̀ a wutsen kə ne la ghə̀ nkɨ ə shə̀ʼtə̀ nyʉ̀ vyi a kə diʼi a wen.

1 Kolìntyàns 4:15

Ghə̀ŋ nkiʼi tebe viʼi a və tuʼu, tyɨftə ghə̀ŋ kumə Yesò, və taŋtə lè ali ghə̀ŋ kiʼ to Tìʼ ə mùʼ. Mà sə diʼ mù ma vi li to nə̀ tìʼ a ghə̀ŋ a kənyʉ̀ ə Yesò Klistò chò fa ntɨm ə jùŋ ə wen yì a ma nziʼi ghə̀ŋ tsu.

1 Kolìntyàns 6:11

Viʼi vətsenvə fa ghə̀ŋ a ntìntìn ndiʼ to lə, ali luwen sə diʼ mù və shʉ li mbyɨ shəŋsə ə ne ghə̀ŋ sə laynə, ə be nè ghə̀ŋ sə diʼ viʼi kənyʉ̀ kətɨməkə a shɨ ə Nyìngòŋ. Ənyʉ̀ a venə ə̀ diʼ mu və fʉ̀ byìʼì kədyòʼ kə Bobo Yesò Klistò mu à nè Kəzhwì kə Nyìngòŋ a vəghəŋ.

2 Kolìntyàns 12:2

Ma kɨli wu tsen a ghə̀ mbyɨmə li a Klistò, Nyìngòŋ, ə lyɨ̀ wen ghə̀ kuʼ akàŋ no a kəshi yi a kə ŋanŋtə li kuʼ. Ma ko nlaynsə kɨ la, ghə̀ nkuʼ to no nə̀ əwèn wen mu ghə̀ nku a kəzhwì lo. A tuʼtə ə kɨ tò Nyìngòŋ. Luwen sə diʼ ngʉʼsə njʉ̀sə̀ kàʼ a kənyʉ̀ na kènkə nfʉ̀.

2 Kolìntyàns 4:6

Nyìngòŋ ə nshɨtə mbyi ə gàʼ la, “Əbayn ə vi a ntìntìn kəbəŋ kə fenəkə.” Nyìngòŋ a ghèn ə nè li la əbayn ə vi a vəghəŋ a tətyɨm, ə diʼi əbayn ə wen a vəghəŋ, a diʼ yi a vəghəŋ ə yenə a kə̀ʼ ə̀ Yesò.

Gàlesìyà 1:4

Yesò ə nku li wen ə wen ə pfʉ byìʼì mbyɨsə vəghəŋ ə bwoŋsə vəghəŋ fa mbyi ghèn a mbyɨ ə ghoʼ tsu lə̀. A diʼ to kənyʉ̀ ki a Nyìngòŋ ə Tìʼ vəghəŋ ə nkəŋə.

Gàlesìyà 3:13

Klistò mbwensə li zen kətʉ kə vəghəŋ fa ngəʼ yi a Əsoʼ ə nshiʼsə a vəghəŋ kətʉ. Ghə̀ ne alə a ji la ghə̀ shi li ngəʼ na yi a vəghəŋ a kəshi, byìʼì ando və nyoʼo li a ŋwàʼlə̀ la, “Ngəʼ Nyìngòŋ ne diʼ no tèbe a ndò yi a və sɨŋsə wen a fəkoʼ.”

Efisyàns 1:10

Nyìngòŋ ə ghʉ li la zhʉ lu kwʉ̀ʼ, ə ghə̀ tsentə əfo ə tsèm a kaŋ be boʼsə nə̀ və nse ə ghʉ to a ti əsoʼ ə Yesò.

Efisyàns 1:14

Kəzhwì kə ŋwoʼkə a ki kə diʼ nchwi ə diʼ la zhʉ ə lu kwʉ̀ʼ, a vəghəŋ a kiʼi kəfo kì a Nyìngòŋ əghʉ a viʼi wen, ali nakènkə nè yes kɨ la Nyìngòŋ ne nè no a ndò a diʼ wù wen ntsentə diʼ to fa wen ngəŋ. Vəghəŋ kuʼsə Nyìngòŋ byìʼì kədyòʼ kə wen.

Efisyàns 1:7

Yesò zen li kətʉ kə vəghəŋ nə̀ mənlyuŋ mə wen mì a ghə̀ nshʉ̀ʼ ando ghə̀ mpfʉ̀, Nyìngòŋ ə mu lyesə ə ku mbyɨsə vəghəŋ. Nakènkə diʼi ətyɨm ə jùŋ ghə̀ kaynə ghə̀ wen yi a ghə̀ kiʼi a vəghəŋ.

Efisyàns 2:10

Vəghəŋ diʼ alə̀ a diʼ kəvu kə shwèʼ ə Nyìngòŋ. A ndo vəghəŋ diʼ a kənyʉ̀ kə mùʼ vəghəŋ və Yesò Klistò, ghə̀ nshɨtə vəghəŋ la vəghəŋ ntsi ntsìnə̀ ə jùŋ yì a ghə̀ nsə diʼ mù ghə̀ ə baʼtə̀ li ghʉ̀ la vəghəŋ ntsi.

Efisyàns 4:30

Kə ghə̀ŋ a nə̀ nyʉ̀ a və a nè ko kəzhwì kə Ŋwoʼkə a saŋlə. Kəzhwì kə Ŋwoʼkə ken diʼ to nə̀ kənchʉtə kə a və ə nchʉ̀tə ghə̀ŋ nə̀ kəwenkə kəʼtə kətsi a, Nyìngòŋ lu mwetə zen kətʉ̀ ə kəŋkə̀.

Efisyàns 5:26

Ghə̀ ə mpfʉ̀ ə shʉ̀ viʼi və byɨməvə la və laynə ə ku a Nyìngòŋ, chò fa a ntɨm ə jùŋ ə wen.

Filìbàyns 3:9

Mà kəŋə la yo wen ə ntsèntə̀ diʼ a kənyʉ̀ kə mùʼ, ko ndiʼ la a dìʼ byìʼì kənyʉ̀ kə tɨməkə ə ngəŋ mo byìʼàndo ma ghʉ ə̀soʼ. Ali, mà sə̀ diʼ wù kənyʉ̀ kə tɨməkə byìʼì byɨmə ghomə à Klistò. Ali kənyʉ̀ kətɨməkə a kenkə vi fa Nyìngòŋ a diʼ byìʼì choʼsə a Klistò.

Kòlòsyàns 1:14

Wàyn wen na yì nzen li kətʉ̀ kə vəghəŋ nə̀ mənlyuŋ mə wen ə be lyesə ku mbyɨsə vəghəŋ.

Kòlòsyàns 3:16

Əgaʼa ə Yesò ndiʼ a ghə̀ŋ tətyɨm. Ghə̀ŋ lyɨ̀ ətof ə tsèm ə ziʼi be ku kətyiftə a ghə̀ŋ təwen. Ghə̀ŋ zhɨmə dzaŋsə Nyìngòŋ nə̀ dzaŋsə laynəsə shisə a kəzhwì kə Ŋwoʼkə nè la ghə̀ŋ zhɨmə. Ghə̀ŋ zhɨmə, ku kəzòŋ a Nyìngòŋ a ghə̀ŋ tətyɨm.

1 Tèsàlonyà 5:23

Nyìngòŋ yi a ghə̀ kù mbwaʼmə a vəghəŋ na nè ghə̀ŋ ndiʼ nə̀ laynə ə no tèbe a ji ə kò, ə wʉ̀ ntsìnə̀ ə ghəŋə nə̀ kəzhwì ə kəŋkə̀ nə̀ əwen ghenə, ko wìʼ lu ghàm ghə̀ŋ a kənyʉ̀ no fa mphen a kətsi yi a Bobo vəghəŋ Yesò Klistò bwenə vi.

Taytùs 2:14

Ghə̀ nku li ə̀wen ə wen ə̀ zèn ətʉ vəghəŋ fa mbyɨsə no sətsèm ə̀ bè nè la vəghəŋ layn ə̀ kwʉ̀ʼ ə ndiʼ viʼi wen a və kòŋə̀ ə nè tò ənyʉ̀ juŋəvə.

Hibùlù 9:12

Yesò ə ko ə lyɨ̀ mənlyuŋ mə nyàm ko mə byi ə kwen nə̀ mə wenə a kəshi yi a kə Layn kwʉ̀ʼʉ̀. Ghə̀ boŋsə lyɨ̀ to mənlyuŋ mə wen ə kwen tsu, to ə zen kətʉ kə vəghəŋ to ghayn əmùʼ.

Jems 1:5

No te ndo a ghə̀ gho ətof fà ghə̀ŋ a ntìntìn, ghə̀ jɨm ə̀ bèm à Nyìngòŋ a ghə̀ a ku à wen. Nyìngòŋ ə ku à viʼi vətsèm nə̀ kəvu kə boʼtəkə bènə̀ boŋə tyɨm.

1 Bità 1:2

Nyìngòŋ, ə Tìʼ sə diʼ mù ghə̀ ghʉ̀ li ə tsuʼtə ghə̀ŋ a viʼi və laynə və wen chò fa əshyèʼ kəzhwì kə Ŋwoʼkə. Ghə̀ nè ali ndiʼ ghə̀ŋ ə zhʉ to fa Yesò Klistò, mənlyuŋ mə wen ə shʉ̀ laynsə ghə̀ŋ. Nyìngòŋ ə diʼi ətyɨm ə jùŋə ghə̀ a ghə̀ŋ no nànto ə be kù mbwaʼmə a ghə̀ŋ.

2 Bità 1:1

A nyoʼo mò Saymun Bità nyoʼo ŋwàʼlə̀ ghèn. Ma diʼ wù ə shwèʼè ə Yesò Klistò be diʼ wù ə ntɨm ə wen. Ma nyoʼo ŋwàʼlə̀ na ghèn a ghə̀ŋ vi a ghə̀ŋ byɨmə li a Yesò Klistò to nə̀ yes. Əbyɨmə na ghenə ə boŋə a ghə̀ŋ to ndə̀ŋndəŋ ando ghə̀ bòŋə a yès. Yesò Klistò ə ne vəghəŋ kiʼi əbyɨmə na ghenə byìʼì ando ghə̀ diʼi wu kənyʉ̀ kətɨməkə. Ghə̀ diʼ Nyìngòŋ ə vəghəŋ mu ghə̀ mbwòŋsə̀ li vəghəŋ fa mbyɨsə.

1 Joyn 5:6

A dìʼ Yesò Klistò aghèn a ghə̀ ə nlu fa kàŋ ə̀ vì a nse, ə̀ shì mu ə̀ bè pfʉ ə̀ chʉ̀tə̀ mənlyuŋ mə̀ wen. Ghə̀ nko shì tò mu ə̀ sè, ghə̀ mbe pfʉ ə̀ chʉ̀tə̀ mənlyuŋ mə̀ wen.

Kəmwetə 14:4

Viʼi avenə ndìʼ vi a vəwenə nko byɨsə təwen tə vəwenə wenə̀ və ki; à dìʼ vəwenə a vəwenə dzɨ̀mtə̀ wàyn bi ənjɨ̀ no fe a ghə̀ dyʉ̀; à dìʼ vəwenə a və̀ ndìʼ mu və zen li kətʉ kə vəwenə fà Wùmə̀nsòŋ vəwenə sə diʼ mbì ashɨ nkòʼ à Nyìngòŋ wenə̀ wàyn bi ənjɨ̀.

Kəmwetə 5:9

Vəwenə sə̀ zhɨmə ndzàŋ ə fi la, “Wàyn njɨ̀, wù ə kwʉʼ li ə̀ me əshi əbʉʼ ə ŋwàʼlə̀ ghenə ə bə̀ytə mɨ̀ŋ yi ə bòʼ byìʼe və nzhwi li wù, wù pfʉ ə̀ zèn kətʉ kə viʼi ə ngwàʼsə̀ tsèm nə̀ viʼi təgàʼ tə tsèm bènə̀ viʼi təloʼ tə tsèm a mbi. Wù ə̀ nzèn kətʉ kə vəwenə ne mənlyuŋ ə̀ bwènsə̀ ku à Nyìngòŋ.