1 Kolìntyàns 1:27 - The New Testament in the Babanki language

²⁷ Alì Nyìngòŋ ə tsuʼ nyʉ̀ vyi a viʼi mbyi ə yenə la à diʼ nyʉ̀ kəkoyn ə ne la və diʼsə kətʉ kə viʼi vətofəvə, ə be tsuʼ nyʉ̀ vyi a viʼi yen la à diʼ nyʉ̀ ə bwaʼa və ə diʼsə kətʉ kə viʼi kədyòʼ tsu.

1 Kolìntyàns 1:27 ပူးပေါင်းရင်းမြစ်များ

Matìyò 11:25

A zhʉ ayì Yesò lù ə̀ jɨ̀m à Tìʼ wen la, “Tìʼ ghom, Bobo a wù soʼo kaŋ nə̀ nse, mà ku kəzòŋ à wù byìʼàndo wu lyomtə li nyʉ̀ venə fa viʼi vyì a vəwenə kwòʼtə la vəwenə tofə alì ə dìʼ à viʼi a və dìʼì anə̀ vunə və bwaʼvə.

Matìyò 21:16

Vəwenə mù bèm à Yesò la, “Wu lə̀ zhʉ kənyʉ̀ kèn a vunə venə gàʼà lə a?” Yesò byɨmə ə̀ bwènsə̀ gàʼ à vəwenə la və nyoʼ li a ŋwàʼlə̀ Nyìngòŋ la, “Nyìngòŋ shɨ̀tə̀ li təchʉ̀ tə vunə vəbwaʼvə a və bu nyoŋə la və nghoʼsə wen. Ghə̀ŋ be ko təmə dzàŋ kəshi akì.”

Matìyò 9:9

Yesò lù fa tsu sə dyʉ̀ yen wìʼ, a zhiʼi wen ndìʼ Matìyò, ghə̀ ŋwʉʼ atò yì a və tinə kənsè tsu Yesò gàʼ à wen la, “Dzɨ̀mtə̀ mo.” No a zhʉ kò, ghə̀ lù sə dzɨ̀mtə̀ dyʉ̀ fa wen a bàm.

Ŋwàʼlə̀ Luk 21:15

byiʼàndo mà lu ku gàʼ a tof à ghə̀ŋ a wìʼ ko lə chò kò tènsə nyʉ̀ vyi a ghə̀ŋ gàʼà.

Shwèʼ 17:18

Ndìʼsə̀ sə sətsensə ndìʼ tsu a və ə ndzàŋə̀ nə̀ ndzɨ̀mtə̀sə Ebikulyan nə̀ viʼi Stoyk yen Bol, vətsenvə mù sə bèmə̀ la, “Nki ndìʼsə̀ ghèn lè mwòmsə̀ əgàʼ la ghò, ko ndiʼ la ghə̀ kɨ no kənyʉ̀ a?” Vətsenvə gàʼ la, “Ghə̀ mwòmsə̀ əgàʼ kənyʉ̀ byìʼì vənyìngòŋ və ətɨm.” Vəwenə ngàʼà alə̀ byìʼàndo Bol nziʼi nyʉ̀ byìʼì Yesò be ziʼi la viʼi lu bwènə̀ lù fà pfʉ.

Shwèʼ 7:35

Stifèn gàʼ a lì be gàʼ la, “Mosìs aghèn ndìʼ wìʼ yì a viʼi Islel nlù tènsə sə bèmə̀ à wen la, ‘A ghʉ̀ ndò nghʉ wù la wù nsoʼo yès a?’ Adìʼ wen a Nyìngòŋ ntɨmə̀ la ghə̀ soʼ viʼi bè bwòŋsə vəwenə. Nyìngòŋ ntɨmə ntsɨ̀ŋ ngə̀ŋ wen la ghə̀ vi ə̀ shə̀ʼtə̀ ntɨm aghèn à Mosìs a fəkòʼ yì a zhìʼ mbolə̀ tsu lì.

Shwèʼ 7:54

Andìʼ ando viʼi soʼo nsoʼ vi nzhʉ nyʉ̀ vyi a Stifèn ngàʼà lì, tinsə vəwenə sə fwi no nànto,

1 Kolìntyàns 1:20

Wù ə tofəvə lə ye? Ndìʼsə̀ əsoʼ ye? Nò wìʼ ə yi a ghə̀ kɨ ə kitə̀ nyʉ̀ ə mbi ghèn layn ye? A Nyìngòŋ ə ne li ətof ə viʼi mbyi ə kaʼkə ə sədiʼ to kəkoyn.

1 Kolìntyàns 1:21

Nyìngòŋ ə nyen li fa wen a tof la viʼi ko lu kɨ tebè wen nə̀ ətof ə ngəŋ ə vəwenə. Ghə̀ boŋsə ghʉ̀ la ghə̀ be lù bwòŋsə viʼi vyi a və zhʉ ntɨm yì a yès ə shə̀ʼtə̀ ə byɨmə no tèbe ando viʼi vətsenvə gàʼa la à diʼ kəkoynkə kənyʉ̀.

1 Kolìntyàns 2:12

Vəghəŋ ko shi kəzhwì mu kə lù fa mbyi, vəghəŋ boŋsə shi kəzhwì kì a kə lù fa Nyìngòŋ ndiʼ vəghəŋ ə̀ kɨ əfo vyi a ghə̀ kù li a vəghəŋ.

2 Kolìntyàns 10:10

Byìʼì viʼi vətsenvə gàʼa la ma zhʉsə nyoʼo ŋwàʼlə̀, gaʼa yì ə sə to kiʼi kədyòʼ ali ma ne sə boŋsə vi a ghə̀ŋ ashɨ ma sə bwaʼsə gaʼa diʼ sə ma ko ki ə gàʼ a ntìntìn ə viʼi.

2 Kolìntyàns 4:7

Alì yès vyi a və kiʼi əghoʼ kəzhwì a ghənə a yès a təwèn a tə diʼ to nə̀ vəntòyn və kətsoʼ a və zizi və pfʉkə, ə diʼ la kədyòʼ kə ghoʼokə kiʼi Nyìngòŋ, a ko kiʼi yès.

Jems 2:5

Ghə̀ŋ zhʉtə a vəlèmə̀ və kòŋə̀ mò! Nyìngòŋ ntsùʼ li viʼi vi a viʼi mbyi lyɨ̀ la à dìʼ viʼi kəmfem ə̀ nlyɨ̀ la à dìʼ viʼi vəghoʼkəvə a byɨmə mbe ghʉ la vəwenə lu zhɨ soʼ fòn Nyìngòŋ yi a Ghə̀ nghʉ li la yì lu ku à viʼi vyi a və kòŋə̀ wen.