1 Kolìntyàns 1:20 - The New Testament in the Babanki language

²⁰ Wù ə tofəvə lə ye? Ndìʼsə̀ əsoʼ ye? Nò wìʼ ə yi a ghə̀ kɨ ə kitə̀ nyʉ̀ ə mbi ghèn layn ye? A Nyìngòŋ ə ne li ətof ə viʼi mbyi ə kaʼkə ə sədiʼ to kəkoyn.

1 Kolìntyàns 1:20 ပူးပေါင်းရင်းမြစ်များ

Matìyò 13:22

Ngwaʼa tsen yì a ghə̀ mfəŋkə a tì ndzoŋsə lì dìʼ to nə̀ wìʼ yì a ghə̀ zhʉ kənyʉ̀ kə Nyìngòŋ, ngəʼsə kwi nse a shə̀ bè nə̀ kòŋə əkiʼi ə ghoʼ tàʼsə kənyʉ̀ akì la kə kə kumə ashɨ a wen a ntsìnə̀.

Joyn 12:31

Əzhʉ kwʉʼ li Nyìngòŋ be byɨbsə viʼi mbyi byìʼì mbyɨsə vəwenə be dzɨ̀mə̀ shisə fòyn mbi luwen.

Shwèʼ 17:18

Ndìʼsə̀ sə sətsensə ndìʼ tsu a və ə ndzàŋə̀ nə̀ ndzɨ̀mtə̀sə Ebikulyan nə̀ viʼi Stoyk yen Bol, vətsenvə mù sə bèmə̀ la, “Nki ndìʼsə̀ ghèn lè mwòmsə̀ əgàʼ la ghò, ko ndiʼ la ghə̀ kɨ no kənyʉ̀ a?” Vətsenvə gàʼ la, “Ghə̀ mwòmsə̀ əgàʼ kənyʉ̀ byìʼì vənyìngòŋ və ətɨm.” Vəwenə ngàʼà alə̀ byìʼàndo Bol nziʼi nyʉ̀ byìʼì Yesò be ziʼi la viʼi lu bwènə̀ lù fà pfʉ.

Lumans 1:20

Viʼi sə diʼ mù və yen li la kədyòʼ kə ə Nyìngòŋ kə zizi ko lu ə mè, be yen la ghə̀ diʼ to no Nyìngòŋ nəmwèʼè fa chʉʼ a ghə̀ ə nshɨtə mbi. Na venə ə diʼ nyʉ̀, a və ko yenə nə̀ ashɨ, ali kɨ byìʼì əfo vi a ghə̀ shɨtə li. A lə kənyʉ̀ ki a wìʼ zizi ko ghə̀ lu be taŋ laynə fa nsòʼ ando ghə̀ gàʼ la yi ə ko ə kɨ kənyʉ̀ kùm Nyìngòŋ.

Lumans 1:22

Vəwenə kwoʼtə la və tofə tofə ali mu və kaʼkə li a ngu viʼi.

1 Kolìntyàns 1:19

Kə diʼ to ndə̀ŋndəŋ ando və nyoʼ li a Ŋwàʼlə̀ Nyìngòŋ la: “Ma ne nyaŋ nyʉ̀ vyi a viʼi və tofəvə nə̀ lyɨ̀ la a diʼ nyʉ̀ ətof, ə nè viʼi vyi a və kɨ kənyʉ̀ la ko və be kɨ no kənyʉ̀.”

1 Kolìntyàns 1:26

Vəlemə vwomə, ghə̀ŋ bwensə kwòʼtə ando ghə̀ŋ ə ndiʼ mibu Nyìngòŋ ə dzàŋ ghə̀ŋ. Ghə̀ŋ sətsen ki a ghə̀ŋ a ntìntìn, ghə̀ŋ a yen la viʼi vyi a viʼi ə nlyɨ a viʼi və tofəvə ə nko ghoʼo, viʼi a və ə nyenə la à diʼ viʼi adyòʼ ə nko ghoʼtə, viʼi a və nyenə la və fʉ̀ fa ngwaʼ viʼi ə ko ə nko ghoʼtə.

1 Kolìntyàns 1:27

Alì Nyìngòŋ ə tsuʼ nyʉ̀ vyi a viʼi mbyi ə yenə la à diʼ nyʉ̀ kəkoyn ə ne la və diʼsə kətʉ kə viʼi vətofəvə, ə be tsuʼ nyʉ̀ vyi a viʼi yen la à diʼ nyʉ̀ ə bwaʼa və ə diʼsə kətʉ kə viʼi kədyòʼ tsu.

1 Kolìntyàns 1:28

Nyìngòŋ ə tsuʼ viʼi və bwaʼ və vi a və ko lyɨ tebè vəwenə a kənyʉ̀, be tsùʼtə əfo vi a viʼi ə yen la və ko diʼ kə fo ə byɨbsə vi a və nyenə la à diʼ nkàyntə̀ əfo,

1 Kolìntyàns 11:32

Nyìngòŋ sətsèn ə̀ soʼo vəghəŋ, a andiʼ jì ziʼi vəghəŋ ndi kə və lu soʼ ə byɨsə vəghəŋ nə̀ viʼi mbyi amuʼ.

1 Kolìntyàns 2:6

Nò tèbe ando ma gàʼà nyʉ̀ a venə no tsèm lə̀, yès ə ziʼi nyʉ̀ nə̀ ətof a nə̀ viʼi vyi a və kwi li a vəwenə a byɨmə. Ətof a yi ə ko diʼ ətof ə mbi ghenə kò ətof ə viʼi vyi a və soʼo mbyi ghèn, a diʼ viʼi le dyʉ̀ nə̀ kədyòʼ kə vəwenə.

1 Kolìntyàns 2:8

Nò wù ə soʼo ə mùʼ a mbyi a shèn ə nko kɨ ətof na ghenə. A tu ndiʼ la vəwenə nkɨ li, mu vəwenə nko ə bayntə Bobo yi a ghə̀ kiʼi kùʼsə.

1 Kolìntyàns 3:18

Kə wìʼ na lobtə wen ə wen. Wìʼ sətsen ə ndiʼ a ghə̀ŋ ntìntìn kwoʼtə la ghə̀ tofə a ji yi a viʼi mbyi ashə nə̀ lyɨ fa tsù, ghə̀ boŋsə kaʼkə a kəkoyn ndiʼ ə̀ kiʼi nkàyntə̀ ətof.

1 Kolìntyàns 3:19

Ghə̀ diʼ ne alə byìʼì ando ətof yì a viʼi mbyi venə kiʼi diʼ to nə̀ kəkoyn a Nyìngòŋ. Və nyòʼò li a Ŋwàʼlə̀ Nyìngòŋ la, “Nyìngòŋ ə lyɨ ə tof ə viʼi və tofəvə a nə̀ kətamkə bwensə ghaʼa vəwenə tsu.”

1 Kolìntyàns 6:2

Kə lə diʼ la ghə̀ŋ ko kɨ la à lu soʼo viʼi Nyìngòŋ soʼo mbyi mu? A sətsen a ndiʼ lù soʼo ghə̀ŋ soʼo mbyi, ghə̀ŋ ne ale ə nsoʼo mənsoʼtə mə bwaʼmə̀ a?

Jems 4:4

Viʼi venə a vəwenə ko ghʉ tətyɨm tə vəwenə à Nyìngòŋ lə̀, ghə̀ŋ ə be kò kɨ̀ la wìʼ a ghə̀ kòŋə̀ fo nse dìʼ wù kəbàyn à Nyìngòŋ? Kə lì dìʼì la no ndò a ghə̀ kòŋə̀ ndiʼ ndoŋ wenə̀ fo nse dìʼ wù kəbàyn ə̀ Nyìngòŋ.