1 Kolìntyàns 1:10 - The New Testament in the Babanki language

¹⁰ Ma sensə ghə̀ŋ a vəlemə vwomə a zhiʼ Bobo vəghəŋ Yesò Klistò la ghə̀ŋ nti to əchʉ̀ ə mùʼ a nyʉ̀ vyi a ghə̀ŋ gàʼà ndi kə kəgəsə kə na diʼ a ghə̀ŋ a ntìntìn. Ghə̀ŋ diʼ ə mboŋsə diʼ to a kənyʉ̀ kə mùʼ, kiʼ to əkwoʼtə ə mùʼ, be ki nyʉ̀ to fa ji ə mùʼ.

1 Kolìntyàns 1:10 ပူးပေါင်းရင်းမြစ်များ

Matìyò 9:16

“Wìʼ zì kò ghə̀ lə̀ lyɨ̀ kəbàs kə ndisə kə fikə ə bàʼsə ndisə musə tsu. Ghə̀ ne ali, kə basə kə ndisə a kì a bwənsə ə tsuʼmə, ə sə ə tsuʼmə a zhʉ a yì, bè tuʼtə ghoʼsə kəbʉʼ a kì a və yi bàʼsə.

Ŋwàʼlə̀ Mak 2:21

“Wìʼ zì kò ghə̀ lə̀ lyɨ̀ kəbàs kə ndisə kəfi kə əbaʼsə ndisə mu sə tsu byìʼàndo ghə̀ sətsèn nè a lì, kəbàs kə ndisə kə fikə akì à bwènsə̀ tsuʼmə, sə tsuʼmə a zhʉ ayì tsuʼ ghoʼsə kəbʉ̀ʼ akì a və yì bàʼsə lì.

Ŋwàʼlə̀ Mak 3:24

Viʼi mù yì ndiʼ viʼi loʼ mùʼ, ə nkiʼ kəngə̀sə̀ à vəwenə a ntìntìn, vətsenvə soynə vətsenvə kò loʼ ayi a fàŋ ke fəŋ.

Joyn 10:19

Ghə̀ ngaʼa ali, viʼi Jus vyi ə be zìtə̀ kəgumə to a vəwenə a ntìntìn.

Joyn 17:23

Ma jɨ̀mə̀ ə ndiʼ to kənyʉ̀ kə mùʼ yo vəwenə, yowù diʼ to a kənyʉ̀ kə mùʼ ndiʼ vəwenə kaʼkə ndiʼ to a kənyʉ̀ kə mùʼ no fa vəwenə ngeŋsə, ndi nè la mbyi kɨ la wù tə ə tɨm mo, ə kòŋ vəwenə to ndə̀ŋndəŋ ndo wù kòŋ mò.

Joyn 7:43

Ando və gàʼa tsu li, kəngəsə kə fʉ̀ kumə Yesò.

Joyn 9:16

Viʼi Falàsi vətsenvə gàʼ la, “Wìʼ a ghèn ko diʼ wù ə Nyìngòŋ byìʼàndo ghə̀ ko bamə tebè kətsi kə tʉʼ lòʼ.” Alì vətsevə sə gàʼa la wù nyʉ̀ ə byɨvə zizi ko ghə̀ lu ə nè nyʉ̀ kaynə və alə. Nò zhʉ̀ko, kəngəsə kə fʉ̀ a və wenə a ntìntìn.

Shwèʼ 4:32

Viʼi və byɨməvə no vətsèm sə̀ diʼ tò a kənyʉ̀ kə mùʼ. No wìʼ muʼ nko gàʼà la kəfo kikə kiʼ tò yì. No məndo nlyɨ̀ kəfo ghə̀ gə̀tə̀ kù vəlèmə̀ və wen.

Lumans 1:13

Ma kəŋ la ghə̀ŋ kɨ a vəlemə vwomə la ma baʼtə̀ li ə vi ə ghàyntə ghə̀ŋ a aghayn no kədə̀ŋ, ali baʼtə̀ no zhʉ̀ko, kənyʉ̀ kə ə vi ə taʼsə to taʼsə. Ma kəŋ ə vi ə ziʼi viʼi la və ndzɨ̀mtə̀ Yesò ndə̀ŋndəŋ ando a mà ziʼi li viʼi ətɨm vətsenvə.

Lumans 12:1

Vəlemə vwomə, ma sensə ghə̀ŋ, byìʼì kusə nshinsə yì a Nyìngòŋ ə diʼi li a ghə̀ŋ la ghə̀ŋ ku təwen ə tyəŋtə a Nyìngòŋ a ndiʼ nə̀ kəku kə, ghə̀ŋ tsi, laynə, nè la ghə̀ ə nsaŋlə. A lə nkàyntə̀ kuʼsə yì a ghə̀ŋ diʼ ə kuʼsə Nyìngòŋ.

Lumans 12:16

Ghə̀ŋ ə ntsi to a kənyʉ̀ kə mùʼ. Kə ghə̀ŋ a ghaŋsə əwen. Ghə̀ŋ boŋsə tsèntə vye və viʼi a və bwaʼa. Kə ghə̀ŋ a wʉ̀ la ghə̀ŋ kɨli nyʉ̀ ə tsèm.

Lumans 15:30

Ma sensə ghə̀ŋ a vəlemə vwomə la ghə̀ŋ ə jɨ̀mə̀ a mò no nə̀ kədyoʼkə. Ghə̀ŋ ə jɨ̀mə̀ byìʼì ando vəghəŋ ə kiʼi to əbyɨmə ə mùʼ a Bobo vəghəŋ Yesò Klistò, kəzhwì kə Ŋwoʼkə be nè la vəghəŋ ə̀ kòŋ təwen tə vəghəŋ.

Lumans 16:17

Ma sensə ghə̀ŋ no nànto a vəlemə vwomə la ghə̀ŋ ə tuʼmə kumə viʼi vyi a və vì nə̀ kəgəsə kə a ghə̀ŋ a ntìntìn, nə̀ʼsə̀ əbyɨmə ə ghəŋə. Vəwenə ə fɨŋə əziʼi yi a və ə ziʼi ghə̀ŋ tsu. Ma ə gàʼa la kə ghə̀ŋ a zhɨmə vye vəwenə!

1 Kolìntyàns 1:11

Ma gàʼà alə̀ a vəlemə vwomə byìʼì ando viʼi ngwaʼa ngə̀ŋ ə Kɨ̀lowè vətsenvə shə̀ʼtə̀ li a mò la kəngùmə̀ kə diʼ ghə̀ŋ a ntìntìn.

1 Kolìntyàns 11:18

Mbì kənyʉ̀ a ma kəŋ gàʼà diʼ la, viʼi shə̀ʼtə̀ li a mò la ghə̀ŋ vi zhùŋtə̀ to nə̀ ntsèntə̀ viʼi Nyìngòŋ, ghə̀ŋ sə kiʼ kəgəsə a ghə̀ŋ a ntìntìn, ma byɨmə la nyʉ̀ ə tsenəvə ə diʼ tsu a və gàʼà, a diʼ to no nəmwèʼè.

1 Kolìntyàns 12:25

Kə diʼ alə̀ byìʼì ando əwèn ə diʼ to a kəfo kə mùʼ, no tèbe kəbàs kə əwèn kə kò kə tùʼmə̀ nə̀ kətsen.

1 Kolìntyàns 3:3

Ghə̀ŋ bo tsi to nə̀ viʼi mbyi. Ghə̀ŋ kɨli la kənghə̀ʼ kə ə diʼ ghə̀ŋ a ntìntìn, ghə̀ŋ nè nyʉ̀ to nə̀ viʼi mbyi be tsi to nə̀ vəwenə.

1 Kolìntyàns 4:16

Ma sə sensə ghə̀ŋ la, ghə̀ŋ ə shəmə ntsìnə̀ ghom.

2 Kolìntyàns 10:1

A sensə to no mò Bol sensə ghə̀ŋ luwen a zhiʼ Yesò Klistò a ghə̀ tuʼmə be bwaʼmə. Ma kɨli la viʼi vətsenvə nə̀ gàʼa la ma zhʉ sə ə nyòʼ kənyʉ̀ nyoʼo, a ghə̀ŋ ma sə gaʼa to no nə̀ ətyɨm ə to ghə̀, ali na vì zaʼa a ghə̀ŋ ntìntìn, ma sə gaʼa to kəbwaʼ kəbwaʼ.

2 Kolìntyàns 13:11

Ə mwètə̀ a vəlemə vwomə, ma sə gàʼa la, ghə̀ŋ faŋ to akàyn. Ghə̀ŋ baʼtə̀ ntsìnə̀ shəŋsə. Ghə̀ŋ shə̀tə̀ ghaʼ kənyʉ̀ kì a mà gàʼa. Ghə̀ŋ ntsi tò kənyʉ̀ kə mùʼ, tsi nə̀ mbwaʼmə ndiʼ Nyìngòŋ ghə̀ŋ a ghə̀ kòŋ viʼi be ku mbwaʼmə a ghə̀ŋ, ndiʼ wye vəwenə.

2 Kolìntyàns 13:9

Yès ə saŋlə no zhʉ̀ ko a ghə̀ŋ ə to a kənyʉ̀ kə Nyìngòŋ no tebe ando və ko yenə adyòʼ yi a yès kiʼi. Yès jɨ̀mə̀ to la ghə̀ŋ nkwi a kənyʉ̀ kə Nyìngòŋ.

2 Kolìntyàns 5:20

A lə ji yì, a yès lyɨ kəshi kə Yesò, Nyìngòŋ sə gàʼà chò fa yès. Yès sensə ghə̀ŋ a əzhiʼ ə Yesò la ghə̀ŋ baʼtə̀ ntsìnə̀ shəŋsə wyè və Nyìngòŋ.

2 Kolìntyàns 6:1

A nə̀ viʼi a və shwèʼè wenə və Nyìngòŋ amuʼ, yès ə sensə ghə̀ŋ la ando Nyìngòŋ ə diʼ li ə boŋ tyɨm ə wen a ghə̀ŋ lə, kə ghə̀ŋ a nè ə boŋ tyɨm ə wen a ghenə lè to kədyàŋ.

Gàlesìyà 4:12

Vəlemə vwomə a byɨmə, ma sensə la ghə̀ŋ diʼ to nə̀ mò byìʼì ando mà sə diʼ to nə̀ ghə̀ŋ. Ghə̀ŋ ko nè kənyʉ̀ kəbyɨkə kətsen a mò.

Filìbàyns 1:27

Ko a fʉ no te ghò, ghə̀ŋ tsi ando ntɨm ə jùŋ ə Klistò ə kəŋ ndi mà sətsen vi tèbe vi ə yen ghə̀ŋ, kò zhʉ byìʼì ghə̀ŋ a zhʉ a ma ko diʼ, mà ə kɨ la ghə̀ŋ ə ko kwitə fa kiʼi kwoʼtə ə mùʼ, tsi to a kənyʉ̀ kə mùʼ, shyèʼ no nə̀ kədyoʼkə be soynə ə ghaʼa əbyɨmə yì a ntɨm ə jùŋ ə ziʼi.

Filìbàyns 3:16

No tè be ali, vəghəŋ diʼ ə nè tò a ənyʉ̀ vyi a Nyìngòŋ ə ndiʼì li à vəghəŋ, vəghəŋ sə̀ nè fa ambì.

1 Tèsàlonyà 5:13

Ghə̀ŋ kòŋ vəwenə be gumlə vəwenə no akayn byìʼì nyʉ̀ ə tsèm vi a vəwenə nè a ghə̀ŋ. Ghə̀ŋ ə nyʉ̀ʼmə nə̀ mbwaʼmə to məzhʉ̀ ə tsèm.

2 Tèsàlonyà 2:1

Yès ə kəŋ ə gàʼ a ghə̀ŋ kumə to əvi ə Bobo vəghəŋ Yesò Klistò, be kumə ando vəghəŋ və vəwenə lu ə tsèntə diʼ amuʼ. Yès ə sensə ghə̀ŋ a vəlemə la,

1 Timotì 5:21

Mà gàʼà à wù no nə̀ kədyòʼ kə, a ashɨ ə̀ Nyìngòŋ nə̀ Yesò Klistò nə̀ ntsɨ̀ŋ shisə a Nyìngòŋ tsuʼtə la, wù shɨtə ghaʼ əghʉ ənyʉ̀ a venə a mà gàʼa a wù lə̀. Wù sə ə ne ənyʉ̀ a venə, kə wù ə ne to viʼi vətsenvə ghʉsə vətsevə.

2 Timotì 4:1

Yesò Klistò lu vi to nə̀ fòyn ə soʼ viʼi vyi a və bu tsi nə̀ vi a və pfʉkə li. Byìʼì wokenkə, mà sə gàʼa à wù no nə̀ kədyòʼ kə, ashɨ nə̀ Nyìngòŋ nə̀ Yesò Klistò la,

1 Bità 2:11

Viʼi ndoŋsə ə mò, ghə̀ŋ diʼ viʼi ghayn chò a diʼ jì, ghə̀ŋ ko diʼ viʼi mbyi ashen. A le kənyʉ̀ ki a ma sensə ghə̀ŋ la, kə ghə̀ŋ a nè nyʉ̀ vyi a njòsə əwen ə ghə̀ŋ sə ə kəŋ byìʼì ando nyʉ̀ a venə ə soynə kəzhwì ə kəŋkə̀.

1 Bità 5:10

Ghə̀ŋ a nyenə ngəʼ to fəshyinə fə zhʉ̀ alə̀, ə Nyìngòŋ ə tisə ghə̀ŋ, ə ku kədyòʼ a ghə̀ŋ, a kə nè la ghə̀ŋ ə to no nànto. Ghə̀ diʼ Nyìngòŋ, kusə shinsə no nànto. A ndzàŋ wen ə dzàŋ ghə̀ŋ la ghə̀ŋ vi kwen a wen a tyi əbayn ə ghoʼoghə chò fa Yesò, a diʼ əbayn, ko andiʼ la ghə̀ lu mè.