1 Kolìntyàns 1:1 - The New Testament in the Babanki language

¹ A nyòʼò mò Bol nyòʼò ŋwàʼlə̀ ghèn. A tsuʼ Nyìngòŋ ntsuʼ mo fa wen a kòŋ la mà ndiʼ wù ə ntɨm ə Yesò Klistò. Ma nyòʼò ŋwàʼlə̀ ghèn yo lèmə̀ vəghəŋ Sòstinìs.

1 Kolìntyàns 1:1 ပူးပေါင်းရင်းမြစ်များ

Ŋwàʼlə̀ Luk 6:13

Tʉʼ nè layn, ghə̀ dzàŋ ndzɨ̀mtə̀sə bàm wen ə tsuʼ viʼi njʉ̀sə̀ bò ə ghʉ la à diʼ viʼi mwòmsə kənyʉ̀ wen.

Joyn 15:16

A ko tə tsuʼ ghə̀ŋ tsuʼ mo. A tə lù mò tsuʼ ghə̀ŋ ə tɨm la ghə̀ŋ dyʉ̀ ə kumə ashɨ, a diʼ a yi a ghə̀ zizi ghə̀ tsi faŋ. Ghə̀ŋ nè ali, Tìʼ ghom a ku no tèbe ghò yi a ghə̀ŋ bèmə fa wen chò fa mo azhiʼ.

Joyn 20:21

Yesò ə gaʼa li ə kwʉ̀ʼsə a ndzɨ̀mtə̀sə bàm wensə la, “Mbwaʼmə ndiʼ a ghə̀ŋ! Ma tɨm ghə̀ŋ ndə̀ŋndəŋ ando Tìʼ ghom tə tɨm mo.”

Shwèʼ 1:15

Mətsi chò tò nshə̀ʼ alə̀, viʼi və byɨməvə ə zaʼa ghɨ nə̀ məwum mbò be sə ŋwʉʼ tò kəshi kə mùʼ, Bità lù tɨmə əgàʼ à vəwenə ə̀ gàʼ la,

Shwèʼ 1:2

əzaʼa fà zhʉ a Nyìngòŋ nlyɨ wen ə̀ kùʼsə a kàŋ. Mibu və sə lyɨ wen əkuʼsə a kàŋ mu kəzhwì kə ŋwoʼəkə ku li kədyòʼ, ghə̀ ziʼi nyʉ̀ vyi a viʼi ntɨm wen vi a ghə̀ ntsuʼù lì ndiʼi ne nè.

Shwèʼ 18:17

Viʼi a vyi ghaʼ Sòstenìs a andiʼì kətʉ a ngə̀ŋ ntsèntə̀ Vəjew ə̀ ghòm wen tò a chʉ̀ kəshi kə nsoʼ ayì alì kò Galiyò lə̀ gàʼ tè kənyʉ̀.

Shwèʼ 22:21

Bobo bè gàʼ à mò tò la, ‘Lu, byìʼàndo ma tɨm wù no kəghaf à viʼi tɨm.’”

Lumans 1:1

A nyòʼò mò Bol nyòʼò ŋwàʼlə̀ ghèn. Ma diʼ wu ə shwèʼè ə Yesò mu à tsuʼ Nyìngòŋ tsuʼ mo a wù ə ntɨm, ə ghʉ̀ la mà ə nshə̀ʼtə̀ ntɨm ə jùŋ ə Nyìngòŋ.

Lumans 1:10

Ma jɨ̀mə̀ la ji kəʼ, no tebe ale, a zhʉ a Nyìngòŋ koŋə li, ma vi yen ghə̀ŋ.

Lumans 1:5

Nyìngòŋ ə kiʼi ətyɨm ə jùŋə a mò ə ghʉ̀ mò a wù ə ntɨm la mà njèʼè shə̀ʼtə̀ ntɨm ə jùŋ kuʼsə Yesò ndi viʼi zhʉ ə byɨmə to təloʼ tə tsèm. Ghə̀ ne alə̀ chò fa a Yesò Klistò.

1 Kolìntyàns 15:9

Byìʼàndo ma ko diʼi no tebe wìʼ a ntìntìn ə̀ viʼi ntɨm, ko ma kʉʼʉ li və ntoŋtə mò la wù ə ntɨm byìʼì ando ma ə nfaŋ li ə sə ku ngəʼ to ku a tsèntə̀sə viʼi Nyìngòŋ.

1 Kolìntyàns 3:9

Yès no və tsèm ə tsèntə shyèʼ to a Nyìngòŋ. Ghə̀ŋ diʼ əsɨm Nyìngòŋ be diʼ ngə̀ŋ wen.

2 Kolìntyàns 1:1

A nyòʼò mo Bol ə wù ə ntɨm ə Yesò Klistò mu à ntsuʼ Nyìngòŋ ntsuʼ mo fa wen a kòŋ. Ma nyoʼo ŋwàʼlə̀ ghèn a ntsèntə̀sə viʼi Nyìngòŋ vyi no vətsèm a və tsi a Kolìn, be nə̀ a ghə̀ŋ viʼi Nyìngòŋ vyi a ghə̀ŋ tsi ashə Akayà no vətsèm. Ma diʼ yo Timotì ə lèmə̀ ə vəghəŋ a byɨmə.

2 Kolìntyàns 11:5

Viʼi ntɨm a venə a ghə̀ŋ ghʉ la à diʼ no viʼi ntɨm və to və lə̀ ə ko chò mò no te kənyʉ̀ kətsen.

2 Kolìntyàns 12:12

Ma tə bwaʼmə ə lyɨ̀ əzhʉ̀ ə diʼ nchwisə nyʉ̀ a ghə̀ŋ nə̀ tənki tə nyʉ̀ ə kaynəvə tə tsentə, nə̀ təshyèʼ tə kaynə tə, tə diʼi la ma diʼ to no nkàyntə̀ wù ə ntɨm.

2 Kolìntyàns 8:5

Vəwenə tə ku chò no ando yès tə kwoʼtə. Vəwenə tə sə ku mu vəwenə ku li təwen tə vəwenə a Nyìngòŋ a ambì ə sə be zhʉ to fa yès ando Nyìngòŋ kəŋ.

Gàlesìyà 1:1

A nyòʼò mò Bol nyòʼò ŋwàʼlə̀ ghèn. Ma diʼ wù ə ntɨm ko andiʼ la à ghʉ viʼi. A ko tsuʼ wìʼ tsuʼ mo. A tsuʼ Yesò Klistò wenə Nyìngòŋ ə Tìʼ yi a ghə̀ nlùsə wen fa pfʉ ntsuʼ mo la ma ndiʼ wù ntɨm.

Efisyàns 1:1

A nyòʼò mò Bol nyòʼò ŋwàʼlə̀ ghèn a ghə̀ŋ viʼi Nyìngòŋ vyi a ghə̀ŋ ti a ghə̀ŋ əbyɨmə a Yesò Klistò, tsi a Efesùs. Ma diʼ wù ə ntɨm ə Yesò Klistò mu à tsuʼ Nyìngòŋ fa wenə kòŋ.

Efisyàns 4:11

A ndiʼi wen yi a ghə̀ ə ku məku. Ghə̀ ntsuʼ viʼi vətsenvə ə ghʉ̀ a viʼi ntɨm, ə tsuʼ vətsevə ə ghʉ̀ a nshə̀ʼtə̀sə ghoʼkəsə, ghə ntsuʼ vətsevə ə ghʉ̀ la və ə nshə̀ʼtə̀ kənyʉ̀ kə Nyìngòŋ to ashi ashi ə be tsuʼ vətsevə la və ə ndiʼ nshə̀ʼtə̀sə ngə̀ŋ Nyìngòŋ ə tsuʼ vətsevə a ndìʼsə̀sə.

Kòlòsyàns 1:1

A nyòʼò mò Bol nyòʼò ŋwàʼlə̀ ghèn. Ma diʼ wu ə ntɨm ə Yesò Klistò mu à tsuʼ Nyìngòŋ ando ghə̀ nghʉ. Yo Timotì lèmə̀ vəghəŋ a byɨmə toŋtə ghə̀ŋ.

1 Timotì 1:1

A nyòʼò mò Bol, nyòʼo ŋwàʼlə̀ ghèn mu à tsuʼ Nyìngòŋ wenə Yesò Klistò ntsuʼ mo la mà ə ndìʼ wù ə ntɨm ə̀ Yesò Klistò. A dìʼ Nyìngòŋ yì a ghə̀ mbwòŋsə̀ vəghəŋ fa mbyɨsə wenə Yesò Klistò yì a vəghəŋ ə kə̀ʼtə̀ wen, kɨ nəmwèʼè la ghə̀ vì.

1 Timotì 2:7

Və ntsuʼ mò byìʼì kənyʉ̀ a kenkə a nə̀ wù ə ntɨm la mà shə̀ʼtə̀ kənyʉ̀ kə Nyìngòŋ bè ziʼi viʼi ətɨm nə̀ kənyʉ̀ ki a kə diʼi nəmwèʼè. Kənyʉ̀ kənkə a ma gàʼà lə ə diʼ tò no nəmwèʼè. Mà ko wamə wamə.

2 Timotì 1:1

A ə nyòʼò mò Bol, nyòʼo ŋwàʼlə̀ ghèn à wù a Timotì. Mà dìʼ wù ə ntɨm ə̀ Yesò Klistò mu a ntsuʼ Nyìngòŋ. Ghə̀ ntsuʼ mò la mà shə̀ʼtə̀ ntɨm ə jùŋ kùmə̀ ntsìnə̀ yi a ghə̀ ko lə me to ando ghə̀ əghʉ̀ li. Ntsìnə̀ a ghèn ə diʼ to zhʉ a vəghəŋ diʼ to kənyʉ̀ kəmùʼ vəghəŋ və Yesò Klistò.