1 Joyn 5:20 - The New Testament in the Babanki language

²⁰ Vəghəŋ ə̀ bè kɨ la wàyn Nyìngòŋ ə̀ mvi li ə̀ dìʼsə̀ vəghəŋ la vəghəŋ nkɨ Nyìngòŋ yì a ghə̀ diʼì nəmwèʼè. Vəghəŋ sə diʼ a kənyʉ̀ kə mùʼ vəghəŋ və wen yì a ghə̀ diʼì nəmwèʼè bènə̀ wàyn wen ə Yesò Klistò. Ghə̀ dìʼ Nyìngòŋ yì a ghə̀ diʼ nəmwèʼè be diʼ əbwòŋ a ghə̀ ko lu mè.

1 Joyn 5:20 ပူးပေါင်းရင်းမြစ်များ

Matìyò 13:11

Yesò bwènsə̀ gàʼ à vəwenə la, Nyìngòŋ ku li tof à ghə̀ŋ la ghə̀ŋ nzhʉ kɨ nyʉ̀ lyomtəvə vi a və diʼì byìʼì soʼo fòyn wen alì kò a ndiʼ la ghə̀ ku li à vəwenə.

Ŋwàʼlə̀ Luk 21:15

byiʼàndo mà lu ku gàʼ a tof à ghə̀ŋ a wìʼ ko lə chò kò tènsə nyʉ̀ vyi a ghə̀ŋ gàʼà.

Ŋwàʼlə̀ Luk 24:45

Ghə̀ mù boʼtə̀ tətof tə vəwenə ndi vəwenə nzhʉ ə kɨ gaʼa Nyìngòŋ,

Joyn 1:18

Wìʼ ə ko tɨmə yen Nyìngòŋ. A diʼ to wàyn Nyìngòŋ yì əmùʼ a ghə̀ diʼi nkàyntə̀ Nyìngòŋ, mu nyʉ̀ʼ to a ben nə̀ Bobo, a ghə̀ diʼi li to ando Nyìngòŋ diʼ a viʼi.

Joyn 10:30

Yo Tiʼi ghom diʼ to kənyʉ̀ kə mùʼ.”

Joyn 14:20

A lə ndiʼ a kətsi na yi a mà bwenə vì a ghə̀ŋ, ghə̀ŋ kɨ la yo Tìʼ ghom diʼ a kənyʉ̀ kə mùʼ, vəghəŋ ə be diʼ a kənyʉ̀ kə mùʼ.

Joyn 14:23

Yesò ə bwensə a wen la, “No ndò a ghə̀ kòŋə mo, ghə̀ ne zhʉ əziʼi ə ghomə. Wìʼ yi kòŋ mo, Tìʼ ghom be a kòŋ wen, yo wen be vi tsèntə tsi yo wìʼ na yì.

Joyn 14:6

Yesò ə gàʼ a wen la, “Ma diʼ ji, diʼ nəmwèʼè, be diʼ əbwòŋ yì a ghə̀ ko lu mè, wìʼ ko diʼ a ghə̀ zizi ghə̀ dyʉ̀ a Bobo, a bwen la ghə̀ chò fa mo kəvu.

Joyn 14:9

Yesò ə bwensə bèm la, “Ma tsì li vəghəŋ no fa kəghaf alə̀ a Filib, ko wù lu kɨ mo? Nò tèbe ndò yi a ghə̀ yen mo sə diʼ mù ghə̀ yen li Tìʼ, wù ə be gàʼa la mà diʼ Bobo ə kò a ghə̀ŋ a?

Joyn 15:4

Ghə̀ŋ faŋ a mò ndi mà be faŋ a ghə̀ŋ. Ando ntam ə fəkoʼ zizi ko ghə̀ lu kumə ashɨ fa ngeŋ, ghə̀ diʼ ə ndiʼ a fəkoʼ mibu ghə̀ a kumə ashɨ. Kə le diʼ to ndə̀ŋndəŋ ando ghə̀ŋ zizi ko ghə̀ŋ lu kumə ashɨ, a bwen la ghə̀ŋ fàŋ a mo wen.

Joyn 17:14

Ma tə shə̀ʼtə ntɨm ə wù a vəwenə, viʼi mbyi ə sə baynə vəwenə byìʼàndo vəwenə ko diʼ to nə̀ viʼi mbyi, to ndə̀ŋndəŋ ando ma ko diʼ wù ə mbyi.

Joyn 17:25

Tìʼ ə jùŋ yi a wù soʼo to ji tɨmə, viʼi mbyi ko kɨ wù ali ma kɨ, venə a wù kù a mò lə̀, kɨ la à tɨm wù tɨm mo.

Joyn 17:3

Ə kiʼi ntsìnə̀ yì a ghə̀ ko lu mè, a diʼ la, vəwenə na kɨ wù yì a wù diʼ Nyìngòŋ mùʼ yi a ghə̀ diʼ nəmwèʼè, be kɨ Yesò Klistò yi a wù tɨmə lì.

Joyn 20:28

Tòmos ə toŋtə wen ə gàʼ la, “Bobo ghom, Nyìngòŋ ghòm!”

Joyn 8:42

Yesò ə gàʼ a vəwenə la, “Nyìngòŋ ə tu ndiʼ to no Tìʼ ghə̀ŋ, mu ghə̀ŋ kòŋ mò byìʼàndo mà lu fa ben nə̀ Nyìngòŋ. Ma ko tə vì fa mo ngeŋ. A ntɨmə Nyìngòŋ ətɨmə mò.

Shwèʼ 20:28

Ghə̀ŋ ntùʼmə̀ nə̀ təwen təŋtə bè tùʼmə̀ nə̀ viʼi vi a Kəzhwì kə ŋwòʼəkə ghʉ li à ghə̀ŋ a ti. Ghə̀ŋ ndiʼ ntùʼmə̀sə ntsèntə̀ viʼi vəbyɨməvə Nyìngòŋ a ghə̀ nè à sə diʼ ntsèntə̀ viʼi wen ə chò fa pfʉ Wàyn wen.

Lumans 9:5

Vətiʼi və vəwenə ə ndiʼ viʼi Nyìngòŋ. Yesò no nə̀ wenə wen ə nvi a nse to nə̀ wù əloʼ vəwenə. Nyìngòŋ ə ndiʼ a kətʉ kə əfo ə tsèm, viʼi diʼ ə nkuʼsə wen to məzhʉ̀ ə tsèm. Amèyn.

1 Kolìntyàns 1:30

Alì à ne Nyìngòŋ la ghə̀ŋ ə ntsi byìʼì Yesò Klistò. Ghə̀ tə ne la ghə̀ ndiʼ ətof ə vəghəŋ, ə ne la vəghəŋ ə diʼ viʼi kənyʉ̀ kətɨməkə chò fa wen, ə be nè la vəghəŋ ə̀ laynə, ə zen kətʉ kə vəghəŋ.

2 Kolìntyàns 4:6

Nyìngòŋ ə nshɨtə mbyi ə gàʼ la, “Əbayn ə vi a ntìntìn kəbəŋ kə fenəkə.” Nyìngòŋ a ghèn ə nè li la əbayn ə vi a vəghəŋ a tətyɨm, ə diʼi əbayn ə wen a vəghəŋ, a diʼ yi a vəghəŋ ə yenə a kə̀ʼ ə̀ Yesò.

2 Kolìntyàns 5:17

Wìʼ sətsèn ndiʼ wenə Yesò a kənyʉ̀ kə muʼ, mu ghə̀ sə diʼ wu fi, mu ntsìnə̀ mu wen ə mè li, ghə̀ sə kiʼi ghə̀ fi.

Efisyàns 3:18

Ma jɨ̀mə̀ ndi ghə̀ŋ ə̀ tsèntə tofə kwʉ̀ʼʉ̀ vye viʼi Nyìngòŋ vətsenəvə kɨ la əkòŋ ə Klistò ə ghoʼo to jisə tsèm a ghə̀ ko lu mè.

Filìbàyns 3:9

Mà kəŋə la yo wen ə ntsèntə̀ diʼ a kənyʉ̀ kə mùʼ, ko ndiʼ la a dìʼ byìʼì kənyʉ̀ kə tɨməkə ə ngəŋ mo byìʼàndo ma ghʉ ə̀soʼ. Ali, mà sə̀ diʼ wù kənyʉ̀ kə tɨməkə byìʼì byɨmə ghomə à Klistò. Ali kənyʉ̀ kətɨməkə a kenkə vi fa Nyìngòŋ a diʼ byìʼì choʼsə a Klistò.

1 Timotì 3:16

Kə diʼ tò no nəmwèʼè la byɨmə ə vəghəŋ ə kiʼ kənyʉ̀ kə lyomtəkə la Nyìngòŋ diʼi laynsə, kə ghoʼo nò alə: Klistò ə nlu li vi ə lyɨ̀ əwen wìʼ, kəzhwì kə Ŋwòʼəkə diʼi la ghə̀ diʼ a nkàyn ashɨ ə Nyìngòŋ, Ntsɨŋsə Nyìngòŋ yenə wen, və ziʼi ənyʉ̀ byìʼì wen a təloʼ tə tsèm, viʼi mbyi byɨmə à wen, Nyìngòŋ lyɨ̀ kuʼ nə̀ wen a kàŋ.

Taytùs 2:13

Adìʼ a ji aghèn a vəghəŋ diʼ ntsi fa tsu ando vəghəŋ ə kə̀ʼtə̀ kətsi kə kanəkə kì a Nyìngòŋ ə mbwòŋsə̀ vəghəŋ və Yesò Klistò a ghə̀ kiʼi kədyòʼ kə gho kə lu bwènə̀ vì.

Hibùlù 1:8

Alì a ndiʼ ando ghə̀ gaʼa kumə Wàyn wen, ghə̀ gàʼ la: “Əfòyn wu ə diʼ mu ghə̀ faŋ li to ghayn ə mùʼ a Nyìngòŋ! Wù a soʼ viʼi to a ji ə tɨmə.

1 Joyn 2:23

A tyèn tè ndò tyèn Wàyn mu ghə̀ tyen li Tìʼ. A byɨmə tè ndò byɨmə Wàyn mu ghə̀ byɨmə li Tìʼ.

1 Joyn 2:24

Ghə̀ŋ ne la kənyʉ̀ kì a ghə̀ŋ ə̀ nzhʉ fa kənzìtə faŋ à ghə̀ŋ a tətyɨm. Kənyʉ̀ kì a ghə̀ŋ ə nzhʉ fa kənzìtə sətsèn ə̀ fàŋ à ghə̀ŋ ə tətyɨm mu ghə̀ŋ a ndiʼ a kənyʉ̀ kə mùʼ vè və Wàyn wenə̀ Tìʼ.

1 Joyn 2:6

No ndò a ghə̀ gàʼà la ghə̀ dìʼ wenə Nyìngòŋ a kənyʉ̀ kə mùʼ diʼ ə njèʼè tò a ji shì a Yesò njèʼè fa tsu.

1 Joyn 4:14

Vəghəŋ ə yen li be sə shə̀ʼtə̀ à viʼi vətsenvə la Tìʼ ə ntɨm li wàyn wen a nə̀ mbwòŋsə̀ viʼi mbyi.

1 Joyn 4:16

Alì, vəghəŋ ə kɨ be byɨmə əkòŋ yi a Nyìngòŋ kìʼ à vəghəŋ. Nyìngòŋ dìʼ əkòŋ, no ndò a ghə̀ ə kòŋə̀ viʼi vətsenəvə və dìʼ wenə və Nyìngòŋ a kənyʉ̀ kə mùʼ.

1 Joyn 4:2

Ghə̀ŋ zì ghə̀ŋ kɨ la wìʼ kìʼ kəzhwì kə Nyìngòŋ a ji la wìʼ ayì ə byɨmə la Yesò Klistò ə mvi li a mbi ashə̀ a wen ə wìʼ.

1 Joyn 5:1

No ndò a ghə̀ byɨmə la Yesò dìʼ Klistò mu wìʼ ayì dìʼ wàyn Nyìngòŋ. No ndò a ghə̀ kòŋə̀ tìʼ ə bè kòŋə wàyn a tìʼ ayì ə kiʼi.

1 Joyn 5:15

Vəghəŋ sətsèn ə bè ə nkɨ la ghə̀ zhʉ vəghəŋ no tè bè a gho a vəghəŋ ə bèmə̀, vəghəŋ ə kɨ̀ la vəghəŋ ə kiʼi li kəfo a vəghəŋ ə bèmə̀ à wen.

1 Joyn 5:18

Vəghəŋ ə kɨ la no ndò a dìʼ wàyn Nyìngòŋ ko nè mbyɨ, byìʼàndo Wàyn ə tùʼmə̀ nə̀ wen kò à ndiʼ la Deblə̀ zì ghə̀ ku ngəʼ à wen no fa mpfen.

1 Joyn 5:5

A zì a zhɨ ndo ə̀ zhɨ mbi əchò wìʼ a ghə̀ byɨmə la Yesò dìʼ wàyn Nyìngòŋ a?

Kəmwetə 15:3

Vəwenə nzhɨmə ndzàŋ ə̀ Mosìs ə wù shyèʼ ə̀ Nyìngòŋ nə̀ ndzàŋ wàyn bi ənjɨ̀ a ghə̀ ə̀ ngàʼà la: “Bobo Nyìngòŋ, Tìʼ àdyoʼ ə̀ tsèm. Wù nè ənyʉ̀ ghoʼkəvə kanəvə! Wù dìʼ fòyn a təloʼ tò tətsèm. Jisə shyə̀sə diʼ jisə sə̀ tɨməsə be diʼ jisə nəmwèʼè!

Kəmwetə 19:11

Mà sə kɨ̀blə̀ yen ando əkaŋ ə boʼmə̀, əlyəŋ ə fəfə ghə̀ tsenghə tɨmə à mò a shɨ. Əzhiʼ wìʼ a ghə̀ ə̀ ŋwʉʼ à yi kwì ə̀ ndìʼ, “Wu jùŋ yì a diʼì nəmwèʼè a ndiʼ Yesò Klistò.” Ghə̀ soʼo to ji tɨmə soynə viʼi kəbàyn ə wen.

Kəmwetə 3:14

Ghə̀ bè gàʼ à mò la, “Nyòʼo à ntsɨ̀ŋ ə̀ ngə̀ŋ ə̀ Nyìngòŋ yì a ghə̀ ə diʼì a ntsèntə̀ viʼi və byɨməvə a Ladesiyà la: Ghèn diʼ ə ntɨm a ghə̀ lu fà wìʼ yì a dzàŋə̀ nə̀ Amèyn, à diʼ ə̀ wen diʼ wu jùŋ yì a diʼì wu yen nəmwèʼè byìʼì Nyìngòŋ. Nyìngòŋ ə̀ nshɨ̀tə no ghò a mbi ə chò fà wen.

Kəmwetə 3:7

“Nyòʼo à ntsɨ̀ŋ ə̀ ngə̀ŋ Nyìngòŋ yì a ghə̀ diʼì a Fìlàdefìyà la: ənyʉ̀ venə gàʼ wìʼ yì a ghə̀ ŋwòʼə̀, diʼ nəmwèʼè be kiʼ kənzàs kə ngə̀ŋ fòyn Devìt a ghə̀ sətsen ə bòʼò kò ndiʼ la wìʼ zi ghə̀ shwìnə̀, be shwìnə̀ ko ndiʼ la zi ghə̀ bòʼò.

Kəmwetə 6:10

Əzhwi a vyi zɨmə̀ gàʼà no a gɨ to la, “Bobo a ghə̀ kiʼi àdyoʼ ə̀ tsèm, ŋwòʼə̀ be diʼ nəmwèʼè, kə a lyɨ̀ ə zhʉ ale ə wù soʼ viʼi venə a nse ə ku ngəʼ à vəwenə ando vəwenə tə zhwì yes a?”