1 Joyn 5:18 - The New Testament in the Babanki language

¹⁸ Vəghəŋ ə kɨ la no ndò a dìʼ wàyn Nyìngòŋ ko nè mbyɨ, byìʼàndo Wàyn ə tùʼmə̀ nə̀ wen kò à ndiʼ la Deblə̀ zì ghə̀ ku ngəʼ à wen no fa mpfen.

1 Joyn 5:18 ပူးပေါင်းရင်းမြစ်များ

Matìyò 5:37

Kənyʉ̀ kə ndiʼ wù byɨmə, wù byɨmə tò byɨmə, ndiʼ wù tènsə, wù tènsə tò tènsə. A sətsèn wu be nkwʉʼsə kənyʉ̀ à yì a kətʉ mu kə lù fà Deblə̀.”

Matìyò 6:13

Kə wu ghʉsə ə mwòmsə ə vi a yès, bwoŋsə yes fa ənyʉ̀ ə byɨvə. Byìʼì ando əfòyn ə wu ə soʼo tò wù, à kiʼì tò wù kiʼi kədyòʼ, nə̀ ə bayn ə ghoʼ ghə to məzhʉ ntsèm. Amèyn.’

Joyn 1:13

Vəwenə ko ə kaʼkə a vunə Nyìngòŋ a ji yi a wìʼ nə̀ kòŋ ə bwi vunə fa tsu, a ndiʼ to əghʉ̀nə̀ Nyìngòŋ la vəwenə ndiʼ vunə wen.

Joyn 14:30

Ma ko be a gaʼa a ghə̀ŋ luwen no nànto byìʼàndo fòyn mbyi ghèn sə vì. Ghə̀ ko kiʼi kədyòʼ kə tsèn a mo kətʉ,

Joyn 15:4

Ghə̀ŋ faŋ a mò ndi mà be faŋ a ghə̀ŋ. Ando ntam ə fəkoʼ zizi ko ghə̀ lu kumə ashɨ fa ngeŋ, ghə̀ diʼ ə ndiʼ a fəkoʼ mibu ghə̀ a kumə ashɨ. Kə le diʼ to ndə̀ŋndəŋ ando ghə̀ŋ zizi ko ghə̀ŋ lu kumə ashɨ, a bwen la ghə̀ŋ fàŋ a mo wen.

Joyn 15:7

Ghə̀ŋ sətsen faŋ a mo wen, əziʼi ə ghomə a faŋ a ghə̀ŋ kətʉ, ghə̀ŋ bèm no tèbe ghò a ghə̀ŋ kòŋ fa Tìʼ ghom, ghə̀ a ku a ghə̀ŋ.

Joyn 15:9

Ma kòŋ ghə̀ŋ ndə̀ŋndəŋ ando Tìʼ ghom əkòŋ mò. Ghə̀ŋ faŋ a mò kòŋ.

Shwèʼ 11:23

Ghə̀ dyʉ̀ tsu ə̀ yèn ando Nyìngòŋ diʼì li tyɨm jùŋghə à vəwenə, ə̀ sə saŋlə no nànto ə sènsə vəwenə la vəwenə mboʼsə Nyìngòŋ nə̀ tyɨm vəwenə no tsèm.

Jems 1:18

A ntsùʼ tò wen fà wen a ngə̀ŋ ənè la vəghəŋ ndiʼ vunə wen, ghə̀ ə ngaʼà li ndi vəghəŋ ndiʼ mbì fa ntìntìn fo tsèm a ghə̀ nshɨ̀tə̀.

Jems 1:27

Əbyɨmə a ghə̀ nè la Nyìngòŋ tìʼ vəghəŋ ə lutə̀ su saŋlə no a nkàyn dìʼ la, wù diʼi ə ntùʼmə̀ nə̀ vunə mpfʉ bènə̀ ki mpfʉ a və yenə ngəʼ, be nyɨŋsə wen ə wu fa nyʉ̀ ə mbi.

1 Bità 1:23

Kə diʼ ə ndiʼ alə byìʼì ando və bwensə li bwi ghə̀ŋ a nfi chò fa kənyʉ̀ kə Nyìngòŋ yi a ghə̀ŋ tsi, mu kə faŋ li to ghayn ə mùʼ. A ko bwi wìʼ bwi ghə̀ŋ a ghə̀ zizi a ghə̀ pfʉ.

1 Joyn 2:29

Ghə̀ŋ sətsèn ə nkɨ la ghə̀ dìʼ wù kənyʉ̀ kə tɨməkə, ghə̀ŋ a nkɨ nəmwèʼè la no ndò a ghə̀ nè kənyʉ̀ kə tɨməkə dìʼ wàyn wen.

1 Joyn 3:12

Vəghəŋ ə ko diʼ ə ndiʼ tò nə̀ Keyn. Ghə̀ ndìʼ wù Deblə̀ ə̀ zhwì lèmə̀ wen. Ghə̀ nzhwi wen byìʼì ghò? Ghə̀ nzhwi wen byìʼàndo ghə̀ nè nyʉ̀ byɨvə alì lèmə̀ wen diʼ wù kənyʉ̀ kətɨməkə.

1 Joyn 3:3

No tè ndò a ghə̀ ŋwʉʼ ghʉ ətyɨm ə wen à wen ə ghʉ ngə̀ŋ kətʉ ə wen nə̀ laynə no tè ando Klistò ə laynə.

1 Joyn 3:9

No ndò a ghə̀ diʼì wàyn Nyìngòŋ ə ko nè ne mbyɨ byìʼàndo ghə̀ kìʼ ntsìnə̀ Nyìngòŋ, ko ndiʼ la ghə̀ zì ghə̀ ne mbyɨ byìʼàndo Nyìngòŋ dìʼ tìʼ ə wen.

1 Joyn 4:6

Vəghəŋ dìʼ viʼi Nyìngòŋ, no ndò a ghə̀ kɨ Nyìngòŋ ə zhʉtə̀ fà vəghəŋ. Wìʼ a ghə̀ ko diʼ wù Nyìngòŋ ə ko zhʉtə̀ fà Nyìngòŋ. A dìʼ a ji a ghèn a və kɨ kəzhwì kə nəmwèʼè nə̀ kì a diʼì kə ndzɨ̀ŋ kə.

1 Joyn 5:1

No ndò a ghə̀ byɨmə la Yesò dìʼ Klistò mu wìʼ ayì dìʼ wàyn Nyìngòŋ. No ndò a ghə̀ kòŋə̀ tìʼ ə bè kòŋə wàyn a tìʼ ayì ə kiʼi.

1 Joyn 5:15

Vəghəŋ sətsèn ə bè ə nkɨ la ghə̀ zhʉ vəghəŋ no tè bè a gho a vəghəŋ ə bèmə̀, vəghəŋ ə kɨ̀ la vəghəŋ ə kiʼi li kəfo a vəghəŋ ə bèmə̀ à wen.

1 Joyn 5:19

Vəghəŋ ə kɨ la vəghəŋ dìʼ vunə Nyìngòŋ no tè ando mbi tsèm dìʼ a ti soʼ Deblə̀.

1 Joyn 5:20

Vəghəŋ ə̀ bè kɨ la wàyn Nyìngòŋ ə̀ mvi li ə̀ dìʼsə̀ vəghəŋ la vəghəŋ nkɨ Nyìngòŋ yì a ghə̀ diʼì nəmwèʼè. Vəghəŋ sə diʼ a kənyʉ̀ kə mùʼ vəghəŋ və wen yì a ghə̀ diʼì nəmwèʼè bènə̀ wàyn wen ə Yesò Klistò. Ghə̀ dìʼ Nyìngòŋ yì a ghə̀ diʼ nəmwèʼè be diʼ əbwòŋ a ghə̀ ko lu mè.

1 Joyn 5:21

Kə ghə̀ŋ a nkiʼ kənyʉ̀ kə tsenkə nè wenə vənyìngòŋ a vunə vwomə.

1 Joyn 5:4

byìʼàndo no wàyn Nyìngòŋ ko sə̀ kiʼ kədyòʼ ə̀ zhɨ mbi, ə cho fa ə byɨmə vəghəŋ a Klistò.

Ŋwàʼlə̀ Jud 1:21

Ghə̀ŋ ə ntsi ntsìnə̀ ghə̀ŋ, kɨ nəmwèʼè la Nyìngòŋ ə koŋə ghə̀ŋ to ando ghə̀ŋ kəʼtə ə kiʼi ntsìnə̀ yì a ghə̀ ko lu mè to ando Bobo vəghəŋ Yesò Klistò lu ku a ghə̀ŋ byìʼì kusə nshinsə ə wen.

Ŋwàʼlə̀ Jud 1:24

Vəghəŋ ə nkuʼsə Nyìngòŋ yi a ghə̀ kiʼi kədyòʼ ə ghaʼ ghə̀ŋ la kə ghə̀ŋ fəŋ, kiʼi kədyòʼ ə nè la ghə̀ŋ layn ə kwʉʼ kò ghə̀ŋ lu kiʼ Mbyɨ no fa pfen, be kiʼ kədyòʼ ə ghʉ̀ ghə̀ŋ a ntìntìn əbayn ə ghoʼo ghə̀ ə Nyìngòŋ, la ə saŋlə ə ghoʼo ghə̀ ə ndiʼ a ghə̀ŋ.

Kəmwetə 2:13

Mà kɨ kəshi kì a ghə̀ŋ ə tsi tsu. Ghə̀ŋ ə tsi a kəshi a Satan ə soʼo əfòyn ə wen tsu. Ghə̀ŋ dìʼ no nkàyntə̀ viʼi ə vwomə, kènla ghə̀ŋ ə̀ ntɨmə̀ màʼà əbyɨmə à ghə̀ŋ ə kiʼì mò no kətsi kətsenkə. Ghə̀ŋ ə shɨ̀tə̀ ghaʼa əbyɨmə ghəŋə no tè ando və̀ nzhwì Antipàs ə ndzɨ̀mtə̀ bàm ə̀ mò afì à diʼ kəshi a Satan ə soʼo əfòyn ə wen tsu.